យុគសម័យ - នាព្រឹកថ្ងៃទី១៣ ខែមករា ក្រសួងកសិកម្ម និងអភិវឌ្ឍន៍ជនបទ បានរៀបចំវេទិកាតភ្ជាប់កសិផល ៩៧០ ក្រោមប្រធានបទ “ពង្រឹងទំនាក់ទំនងរវាងផលិតកម្ម ការកែច្នៃ និងការប្រើប្រាស់បន្លែ និងផ្លែឈើ ដើម្បីទប់ទល់នឹងការលំបាកនៃការរីករាលដាលនៃជំងឺកូវីដ-១៩”។
 ការកសាងច្បាប់ត្រូវតែច្បាមជាប់នឹងតម្រូវការនៃស្ថានភាពជាក់ស្ដែង |
 វៀតណាម-ឡាវ ចែករំលែកបទពិសោធន៍ក្នុងការកសាងបក្ស |
 |
ការកសាងខ្សែសង្វាក់ផ្គត់ផ្គង់ផលិតផលកសិកម្មទៅជាការកែច្នៃ |
នៅក្នុងវេទិកានេះ អនុរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទ លោក Tran Thanh Nam បានគូសបញ្ជាក់ថា នាពេលថ្មីៗនេះ វៀតណាមកំពុងផ្តោតសំខាន់លើការនាំចេញផលិតផលស្រស់ ប៉ុន្តែមិនបានយកចិត្តទុកដាក់ច្រើនក្នុងការកសាងខ្សែសង្វាក់ផ្គត់ផ្គង់ដើម្បីនាំផលិតផលទៅកាន់ទីផ្សារ រោងចក្រកែច្នៃ ដើម្បីពង្រីកបណ្តាញប្រើប្រាស់។
ក្រសួងកសិកម្ម និងអភិវឌ្ឍន៍ជនបទ បានដាក់ចេញនូវគោលនយោបាយជាច្រើន ដើម្បីកសាងតំបន់នៃវត្ថុធាតុដើមមានគុណភាពសម្រាប់កែច្នៃ និងនាំចេញ។ នៅឆ្នាំ ២០២១ ក្រសួងបានសាកល្បងសាងសង់ក្នុងខេត្តចំនួន ១១ នៃតំបន់វត្ថុធាតុដើមផ្លែឈើ កាហ្វេ ឈើ គ្រឿងសមុទ្រ... ដើម្បីជាមូលដ្ឋានក្នុងការចម្លងនៅទូទាំងប្រទេសនាពេលខាងមុខ ក្នុងទិសដៅកសាងតំបន់វត្ថុធាតុដើមធំៗ។
ឈរលើមូលដ្ឋាននោះ លោកអនុរដ្ឋមន្ត្រី Tran Thanh Nam បានសង្កត់ធ្ងន់ថា ដើម្បីកសាងខ្សែសង្វាក់ប្រកបដោយនិរន្តរភាពក្នុងផលិតកម្ម ការពារ និងកែច្នៃផលិតផល ចាំបាច់ត្រូវមានកិច្ចសហប្រតិបត្តិការគ្រប់ផ្នែកពីសហគ្រាស និងសហករណ៍ ជាដើម។ បន្ថែមពីលើការកសាងខ្សែសង្វាក់នាំចេញ មូលដ្ឋាន និងតំបន់វត្ថុធាតុដើមត្រូវយកចិត្តទុកដាក់លើការកសាងទំនាក់ទំនងដើម្បីនាំផលិតផលចូលទៅក្នុងរោងចក្រកែច្នៃ៕
vietnamplus.vn
មតិពីមិត្តអ្នកអាន