ចិន​នាំចូល​ផ្លែឈើ​ឡើងវិញ​តាម​ច្រកព្រំដែន Lao Cai

ចិន​មិន​ផ្អាក​ការ​នាំ​ចូល​បន្លែ​ផ្លែឈើ​ពី​វៀតណាម​ទេ

កម្ពុជា​-​វៀតណាម ពិភាក្សា​ពី​ប្រតិបត្តិ​ការដឹកជញ្ជូន តាម​ច្រកទ្វារព្រំដែន

ចិន​នាំចូល​ផ្លែឈើ​មកវិញ​តាម​ច្រកព្រំដែន Lao Cai

ព័ត៌មាន​ពី​កាសែត Lao Cai បាន​ឲ្យ​ដឹង​ថា នៅ​ព្រឹក​ថ្ងៃ​ទី​១២ ខែ​មករា នៅ​ច្រក​ទ្វារ​ព្រំដែន​អន្តរជាតិ​លេខ ២ Kim Thanh (ទីក្រុង Lao Cai) មាន​សភាព​មមាញឹក​ជាង​ថ្ងៃ​មុនៗ។ ចំនួន​រថយន្ត​ដឹកទំនិញ​ដែល​ប្រមូល​ផ្តុំ​នៅ​តំបន់​ច្រកទ្វារ​ព្រំដែន​មាន​បរិមាណច្រើន​ណាស់ ដែល​ភាគច្រើន​ជា​រថយន្ត​កុងតឺន័រ​ទូរ​ទឹកកក​ដែល​ដឹក​ផ្លែឈើ​ស្រស់​។

គិតត្រឹមម៉ោង១០ព្រឹក ថ្ងៃទី១២ ខែមករានេះ មានរថយន្តដឹកផ្លែស្រកានាគ ស្វាយ និងខ្នុរ ជិត៥០គ្រឿង បានចុះបញ្ជីសម្រាប់នីតិវិធីនាំចេញទៅប្រទេសចិន។

កន្លងមក ការនាំចូលផ្លែឈើស្រស់ពីប្រទេសវៀតណាម តាមច្រកព្រំដែន ឡាវកាយ-ហាខូវ (Lao Cai - Hekou) ត្រូវបានផ្អាកតាំងពីពាក់កណ្តាលខែកក្កដា បន្ទាប់ពីភាគីខេត្តយូណាន (ចិន) បានរកឃើញមេរោគ SAR-Cov-2 នៅលើវេចខ្ចប់ និងរថយន្តដឹកផ្លែស្រកានាគដែលនាំចូលពី ប្រទេសវៀតណាម។

បញ្ហា​នេះ​បាន​ធ្វើ​ឲ្យ​ផ្លែ​ស្រកានាគ​ដែល​ជា​ផលិតផល​នាំ​ចេញ​ស្នូល​តាម​ច្រក​ទ្វារ​អន្តរជាតិ​ទី​២ Kim Thanh មាន​ការ​ថយ​ចុះ ៤០% បើ​ធៀប​នឹង​ឆ្នាំ​២០២០។

*មុននេះបន្តិច នាថ្ងៃទី៨ ខែមករា លោក Ha Duc Thuan អនុប្រធានអាជ្ញាធរតំបន់សេដ្ឋកិច្ចខេត្ត Lao Cai បានបញ្ជាក់ថា សារព័ត៌មានអនឡាញ និងបណ្ដាញសង្គមមួយចំនួនបានផ្សព្វផ្សាយកាលពីថ្ងៃទី៦ ខែមករា ថា ភាគីចិនផ្អាកឆ្លងព្រំដែននៅគយបណ្តោះអាសន្នតាមច្រកទ្វារអន្តរជាតិ Lao Cai ដើម្បីបម្រើការការពារ និងគ្រប់គ្រងជំងឺកូវីដ-១៩ គឺមិនត្រឹមត្រូវទេ។

ក្រុមប្រឹក្សាគ្រប់គ្រងតំបន់សេដ្ឋកិច្ច Lao Cai បានពិភាក្សាជាមួយក្រុមប្រឹក្សាគ្រប់គ្រងច្រកទ្វារព្រំដែន Hakou (ប្រទេសចិន) តាមរយៈខ្សែទូរស័ព្ទបន្ទាន់រវាងភាគីទាំងពីរ។

ភាគី Hekou បានបញ្ជាក់ថា ក្រសួងការបរទេសចិនបានដឹកនាំច្រកទ្វារព្រំដែនតាមប្រព័ន្ធព្រំដែន គោកចិន និងវៀតណាម (រួមទាំងច្រកទ្វារព្រំដែន Hakou) ដើម្បីធានាការបញ្ចេញទំនិញតាមច្រកព្រំដែន ខេត្ត Yunnan (ចិន) និងខេត្ត Lao Cai (វៀតណាម) ក្នុងឱកាសមុន និងក្រោយបុណ្យចូលឆ្នាំថ្មី៕

ហេង វុធ្ធី

VGP