យុគសម័យ - យោងតាមការស្រាវជ្រាវនិងព្យាករណ៍អំពីវិស័យទេសចសរនៅទំព័រ Booking.com ណែនាំទិសដៅកំពូលទាំង ៥ នៅក្នុងប្រទេសវៀតណាម ដើម្បីទទួលយកបទពិសោធន៍អំពីម្ហូបបួស ដែលអ្នកពិសារបានវាយតម្លៃខ្ពស់ និងលើកឡើងច្រើនបំផុត។ គោលដៅទាំងនេះក៏នឹងសមស្របនឹងចំណង់ចំណូលចិត្តរបស់ភ្ញៀវទេសចរវៀតណាមជាច្រើនផងដែរ ដែលទាក់ទងនឹងបទពិសោធន៍នៃការរស់នៅតាមបែបគន្លងថ្មី និងការភ្លក់ម្ហូបផ្សេងៗ គ្នា ក្នុងអំឡុងពេលធ្វើដំណើររបស់ពួកគេ។
 ផ្សព្វផ្សាយម្ហូប និងវប្បធម៌វៀតណាមដល់ប្រជាជនជប៉ុន |
 នំកូរជ្រលក់ទឹកសឿង - ជាម្ហូបសាមញ្ញនិងឆ្ងាញ់មួយរបស់ប្រជាជន Ha Noi ជាច្រើនជំនាន់ |
ទីក្រុង Da Lat
 |
| មានជម្រើសជាច្រើនសម្រាប់ភ្ញៀវ ដើម្បីទទួលទានអាហារល្អៗសម្រាប់សុខភាពនៅទីក្រុង Da Lat ។ |
ជាតំបន់សំខាន់សម្រាប់អភិវឌ្ឍកសិកម្មស្អាត អនុវត្តបច្ចេកវិជ្ជាខ្ពស់ក្នុងប្រទេសវៀតណាម ទីក្រុង Da Lat បានគេស្គាល់ថាជា "ព្រះរាជាណាចក្រ" នៃបន្លែ និងផ្ការបស់វៀតណាម ដោយសារផលិតផលសរីរាង្គស្រស់ ស្អាត និងគុណភាពខ្ពស់។ មកទីក្រុង Da Lat អ្នកទស្សនាមិនអាចរំលងផ្លូវ Phan Dinh Phung ដែលជាផ្លូវលក់ម្ហូបដ៏ល្អឥតខ្ចោះសម្រាប់អ្នកបួសដែលមានភោជនីយដ្ឋានរាប់មិនអស់ "និយាយថា មិនពិសារសាច់" ចាប់ពីភោជនីយដ្ឋានសាមញ្ញានៅទីផ្សារ រហូតដល់ភោជនីយដ្ឋានដ៏កក់ក្តៅ។ មានជម្រើសរាប់មិនអស់សម្រាប់អ្នក ដើម្បីទទួលទានអាហារដែលមានសុខភាពល្អ ដោយសារភោជនីយដ្ឋាននៅទីនេះទាំងអស់រៀបចំមុខម្ហូបពីគ្រឿងផ្សំស្រស់និងថ្មីៗ បំផុតនៅ ទីក្រុង Da Lat ។
ទីក្រុង Ho Chi Minh
នៅទីក្រុង Ho Chi Minh ភោជនីយដ្ឋានបួសគឺមានប្រជាប្រិយភាពខ្លាំង ដោយសារតែតម្រូវការកើនឡើងពីអ្នកស្រុក និងភ្ញៀវទេសចរ។ ភាពសម្បូរបែប និងគុណភាពនៃមុខម្ហូបបួសនៅទីក្រុង Ho Chi Minh ប្រាកដនឹងបំពេញតម្រូវការនៃការស្វែងយល់នូវម្ហូប និងរបៀបរស់នៅប្រកបដោយសុខភាពល្អរបស់ភ្ញៀវ។
 |
| ទីក្រុង Ho Chi Minh គឺជាគោលដៅដ៏ល្អសម្រាប់ភ្ញៀវទេសចរពិសារម្ហូបបួស។ |
បាយចុងអង្ករ Sai Gon គឺជាមុខម្ហូបដែលគួរតែភ្លក់នៅពេលមកទេសចរ នៅទីក្រុង Saigon ប៉ុន្តែមានមនុស្សតិចណាស់ដែលដឹងថា បាយចុងអង្ករដែលកែច្នៃតាមរបៀបធ្វើម្ហូបបួស ប៉ុន្តែវាមានភាពទាក់ទាញដូចគ្នា។ មុខម្ហូបនេះ រួមមាន ឆ្អឹងជំនីរបួសដែលផលិតពីតៅហ៊ូ រសជាតិប្រាំនិងស្បែកជ្រូកធ្វើពីនំបញ្ចុក គួបផ្សំនឹងទឹកត្រីបួសធ្វើពីទឹកដូងនិងទឹក ស៊ីអ៊ីវ។
ម្ហូបដែលលក់តាមដងផ្លូវដ៏ល្បីមួយទៀតរបស់ Saigon គឺនំឆែវ ទោះបីជាជាធម្មតានំនេះមានស្នូលដែលជាសាច់ឬគ្រឿងសមុទ្រក៏ដោយ ប៉ុន្តែភ្ញៀវទទួលអាហារបួសយ៉ាងពេញលេញដែលកែច្នៃដោយសណ្តែកបណ្តុះ តៅហ៊ូ ផ្សិត និងទទួលទានជាមួយជីរគ្រប់មុខនៅតែរក្សាបានរសជាតិដើមទាំងស្រុង។
ទីក្រុងបុរាណ Hoi An
ទីក្រុងបុរាណ Hoi An បានទាក់ទាញភ្ញៀវទេសចរជាច្រើនជំនាន់មកទស្សនា ជាមួយសណ្ឋាគារ “boutique” តូចៗ ដែលមាន រចនាប័ទ្មបុរាណពិសេស និងហាងកាត់ដេរឈានមុខគេដែលមានទីតាំងនៅតាមដងទន្លេ Hoai ។ Hoi An ក៏ជាគោលដៅដ៏ល្អសម្រាប់អ្នកបួសដែរ ដោយសារតែម្ហូបនៃតំបន់នេះឆ្ងាញ់និងពិសេស។ ទីក្រុងនេះក៏ជាស្រុកកំណើតនៃម្ហូបបួស ដូចជាបាយមាន់ Hoi An ដែលបានកែច្នៃតាមរបៀបអាហារបួស និងមី Quang បួស - ម្ហូបដែលមានពណ៌លឿងស្រស់មកពីរមៀត រសជាតិឆ្ងាញ់ពីរុក្ខជាតិ។
 |
| ភេសជ្ជៈរុក្ខជាតិ mot Hoi An ដ៏ល្បីល្បាញដែលកែច្នៃពីគ្រឿងផ្សំធម្មជាតិ។ |
លើសពីនេះ អ្នកដែលចង់ស្វែងរកមុខម្ហូបដែលធ្លាប់ស្គាល់ផ្សេងទៀត ក៏អាចរកមើលមុខម្ហូបពិសេសរបស់ Hoi An ដូចជា Cao Lau ឬនំបាវ នំ vac ដែលបានកែច្នៃតាមរបៀបបួស ។ ពេលកំពុងគយគន់ផ្ទះបុរាណ និងទិញវត្ថុអនុស្សាវរីយ៍ពីហាងសិប្បកម្ម កុំភ្លេចសម្រាក និងពិសារភេសជ្ជៈឱសថដ៏ល្បីល្បាញគឺ "ទឹក mot" ដែលធ្វើពីគ្រឿងផ្សំធម្មជាតិស្រស់បំផុត និងតុបតែងដោយផ្កាឈូកដ៏ស្រស់ស្អាត។
ខេត្ត Thua Thien Hue
ដោយមានម្ហូបរាជ អតីតរាជធានី Hue ផ្ដល់ជម្រើសជាច្រើនជាមួយនឹងម្ហូបបួសដែលមានរសជាតិឆ្ងាញ់ និងមានជីវជាតិ។ ប្រជាជន Hue ក៏មានទម្លាប់ទទួលទានបួសជាប្រចាំផងដែរ ដូច្នេះហើយ ម្ហូបបួសរបស់ Hue គឺមានតែមួយគត់ និងបង្កប់ដោយលក្ខណៈសិល្បៈដ៏សម្បូរបែបនិងទំនើប។
 |
| ផ្សាររាត្រីនៅទីក្រុង Hue ។ |
ទឹកស៊ុបបួសគឺជាមុខម្ហូបមួយក្នុងចំណោមមុខម្ហូបដែលគួរតែភ្លក់នៅមកទស្សនាទីក្រុង Hue ។ គ្រឿងផ្សំស្រស់ៗផ្សំជាមួយទឹកស៊ុបឆ្ងាញ់ ប៉ុន្តែនៅតែបរិសុទ្ធ ដូច្នេះមុខម្ហូបមួយនេះប្រាកដជាធ្វើឱ្យភ្ញៀវចងចាំជារៀងរហូត។ ប្រសិនបើអ្នកចង់ភ្លក់មុខម្ហូបបួស ដែលលក់នៅ តាមផ្លូវ ដូចជាម្ហូបពិសេសនៃទីក្រុង Hue ដូចជា នំ bot loc នំកាត់ នំ nam ដែលមានរសជាតិឈ្ងុយឆ្ងាញ់ពីម្សៅដំឡូងមី និងម្សៅអង្ករ រួមផ្សំជាមួយបន្លែមើម ផ្សិត ហើយវេចខ្ចប់ក្នុងស្លឹកចេក នឹងក្លាយជាជម្រើសដ៏អស្ចារ្យ។ ទន្ទឹមនឹងនេះ ភ្ញៀវអាចរីករាយជាមួយការពិសេសបណ្តាមុខម្ហូបពិសេសនៅទីក្រុង Hue ដូចជានំបញ្ចុកសាច់គោ Hue។
រដ្ឋធានី Ha Noi
ហាណូយ គឺជាគោលដៅដ៏ល្អសម្រាប់អ្នកបួសជាមួយនឹងមុខម្ហូបប្រពៃណីដ៏ឈ្ងុយឆ្ងាញ់ជាច្រើនមុខដែលធ្វើពីរក្ខាឱសថស្រស់ៗ និងផ្លែឈើត្រូពិចជាច្រើនប្រភេទដែលអាចរកបានពេញមួយឆ្នាំ។ ទីក្រុង Ha Noi ក៏ល្បីល្បាញសម្រាប់អាហារតាមចិញ្ចើមផ្លូវដូចជា នំបុ័ងបួស ឬបង្អែមដែលភ្ញៀវអាចជ្រើសរើសដោយខ្លួនឯង - ភ្ញៀវអាចជ្រើសរើស topping ចំនួន ២០ មុខ។ ប្រសិនបើអ្នកចូលចិត្តអាហារចៀន ឬភ្ញៀវអាចជ្រើសរើស "KFC តាមបែបវៀតណាម" អ្នកគួរតែមកហាង Goc Da មានទីតាំងស្ថិតនៅខាងលិចបឹង Tay ដែលជាភោជនីយដ្ឋានដ៏ពេញនិយមមួយដែលទាក់ទាញទាំងអ្នកក្នុងស្រុក និងភ្ញៀវទេសចរ ហាងនេះមានភាពល្បីល្បាញដោយសារនំជងខ្នើមមានស្នូលពីផ្សិតនិងនំបញ្ចុក។ អ្នកណាចូលចិត្តបង្អែម អ្នកអាចជ្រើសរើសនំចៀនដែលមានស្នូសជាសណ្តែតខៀវ។
 |
| ភោជនីយដ្ឋានបួស និងហាងលក់ម្ហូបបួសជាច្រើន ដែលស្ថិតនៅក្នុងតំបន់វិថីបុរាណ Guom។ |
ប្រសិនបើអ្នកចង់ទទួលទានអាហារបួសក្នុងទីស្ថានដ៏ស្ងប់ស្ងាត់ សូមអ្នកមកទស្សនាភោជនីយដ្ឋាន Uu Dam Chay ដ៏ប្រណិត និងទំនើបនៅជិតបឹង Hoan Kiem ឬភោជនីយដ្ឋានដ៏ឈ្ងុយឆ្ងាញ់ Aummee នៅបឹងTay Ho។ ពេលខ្លះដើរលេងតាមផ្លូវបុរាណ ស្វែងយល់ផ្លូវបុរាណឬជុំវិញប្រាសាទធំៗ នៃទីក្រុង Ha Noi ភ្ញៀវទេសចរក៏អាចស្វែងរកហាងពីរបីដោយខ្លួនឯងផងដែរ៕
vov
មតិពីមិត្តអ្នកអាន