រដ្ឋាភិបាលវៀតណាមទើបបានបញ្ជូនរបាយការណ៍ជូនរដ្ឋសភា ស្តីពីស្ថានភាពបង្ការ និងគ្រប់គ្រងជំងឺកូវីដ-១៩ ជាពិសេសការឆ្លើយតបទៅនឹងវីរុសបំប្លែងថ្មី Omicron។
 ដើមម៉ាក់ខៃ Nhat Tan ត្រៀមបម្រើបុណ្យចូលឆ្នាំសកលឆ្នាំ២០២២ |
 ចាប់ពីថ្ងៃទី៤ ដល់ថ្ងៃទី ១១ ខែមករា ឆ្នាំ ២០២២ រដ្ឋសភាបើកកិច្ចប្រជុំវិសាមញ្ញដើម្បីពិចារណាលើបញ្ហាសំខាន់ៗ ចំនួន ៤ |
 |
| រូបថត៖ VGP/Hien Minh |
រដ្ឋាភិបាលវាយតម្លៃថា ជំងឺរាតត្បាតកូវីដ-១៩ ត្រូវបានគ្រប់គ្រងជាបណ្តើរៗ នៅទូទាំងប្រទេស ប៉ុន្តែការរីករាលដាលនៅតែមានភាពស្មុគស្មាញនៅពេលដែលវៀតណាមបានកត់ត្រាករណីឆ្លងវីរុសបំប្លែងថ្មី Omicron ហើយហានិភ័យនៃការរីករាលដាលជាទ្រង់ទ្រាយធំគឺខ្ពស់ណាស់។
នៅក្នុងបរិបទនោះ ការងារបង្ការនិងត្រួតពិនិត្យជំងឺរាតត្បាតត្រូវបានអនុវត្តន៍ភ្លាមៗ និងប្រកប ដោយប្រសិទ្ធភាព ជាពិសេសនៅពេលផ្លាស់ប្តូរយុទ្ធសាស្រ្តបង្ការនិងគ្រប់គ្រងការរីករាល ដាលទៅជា “ការសម្របខ្លួនប្រកបដោយសុវត្ថិភាព មានភាពបត់បែន និងការគ្រប់គ្រងប្រកបដោយប្រសិទ្ធភាពចំពោះជំងឺរាតត្បាតកូវីដ ១៩” ទទួលបានលទ្ធផលវិជ្ជមាន។
នៅក្នុងរបាយការណ៍នេះ រដ្ឋាភិបាលបានឲ្យដឹងថា រហូតមកដល់ពេលនេះ វៀតណាមបានឈានដល់សម្រេចការចាក់វ៉ាក់សាំងគ្រប់គ្រាន់ជាមូលដ្ឋានលើប្រជាជនចំនួន ៧០%។ បើប្រៀបធៀបទៅនឹងគោលដៅដែលអង្គការសុខភាពពិភពលោក (WHO) ណែនាំនោះ វៀតណាមបានឈានដល់គោល ដៅមុនពេលវេលា ៦ ខែ។ តាមគម្រោង វៀតណាមនឹងបញ្ចប់ការចាក់វ៉ាក់សាំង ដូសទី៣ នៅចុងត្រីមាសទី ១ ឆ្នាំ ២០២២។ ទាក់ទងនឹងការចាក់វ៉ាក់សាំងប្រឆាំងជំងឺកូវីដ-១៩ សម្រាប់កុមារអាយុពី ៥ ទៅ ១១ ឆ្នាំ វៀតណាមកំពុងរៀបចំយ៉ាងសកម្ម ហើយនឹងអនុវត្តន៍តាមអនុសាសន៍វិទ្យាសាស្ត្រ ដើម្បីធានាសុវត្ថិភាព និងប្រសិទ្ធភាព៕
VOV
មតិពីមិត្តអ្នកអាន