ការធានាអនាម័យ និងសុវត្ថិភាពចំណីអាហារក្នុងអំឡុងពិធីបុណ្យតេត និងពិធីរដូវបុណ្យនិទាឃរដូវឆ្នាំ ២០២២

នៅឆ្នាំ ២០២២ នឹងមានកញ្ចប់ជំនួយចំនួន ៣ ដើម្បីជួយអាជីវកម្មជាមួយនឹងការផ្លាស់ប្តូរឌីជីថលដ៏ទូលំទូលាយ

ទំហំពាណិជ្ជកម្មវៀតណាម-ឥណ្ឌាអាចឈានដល់គោលដៅ ១៥ ពាន់លានដុល្លារ ក្នុងឆ្នាំ ២០២២

ការធានាអនាម័យ និងសុវត្ថិភាពចំណីអាហារក្នុងអំឡុងពិធីបុណ្យតេត និងរដូវផ្ការីកឆ្នាំ ២០២២

នាព្រឹកថ្ងៃទី ២២ ខែធ្នូ នៅទីស្នាក់ការរដ្ឋាភិបាល ឧបនាយករដ្ឋមន្ត្រី Vu Duc Dam ប្រធានគណៈកម្មាធិការដឹកនាំអន្តរក្រសួងថ្នាក់មជ្ឈិមស្តីពីអនាម័យ និងសុវត្ថិភាពចំណីអាហារបានអញ្ជើញជាអធិបតីសន្និសីទ អនឡាញថ្នាក់ជាតិស្តីពីការអនុវត្តការងារសុវត្ថិភាព អនាម័យ និងសុវត្ថិភាពចំណីអាហារក្នុងអំឡុង បុណ្យចូលឆ្នាំថ្មី និងពិធីបុណ្យទាននានាក្នុងឆ្នាំ ២០២២។

លោក Nguyen Thanh Phong ប្រធាននាយកដ្ឋានសុវត្ថិភាពចំណីអាហារ ក្រសួងសុខាភិបាល បាននិយាយថា ផែនការនេះមានគោលបំណងមានធានាអនាម័យ សុវត្ថិភាព និងអាហារក្នុងអំឡុងពេលមានតម្រូវការអាហារខ្ពស់បំផុត។ ពង្រឹងការត្រួតពិនិត្យនិងការពិនិត្យ; លើកកម្ពស់ការប្រាស្រ័យទាក់ទងស្តីពីសុវត្ថិភាពចំណីអាហារ កាត់បន្ថយករណីពុលអាហារ ធានាសុខភាព និងសុវត្ថិភាពរបស់ប្រជាពលរដ្ឋ។

ចាប់ពីថ្ងៃទី ២០ ខែធ្នូ ឆ្នាំ ២០២១ ដល់ថ្ងៃទី ១២ ខែមីនា ឆ្នាំ២០២២ក្រសួង សាខា និងស្ថាប័នមជ្ឈឹមនឹងបង្កើតក្រុមអន្តរជំនាញចំនួន ៦ ដើម្បីត្រួតពិនិត្យការងារធានាអនាម័យ និងសុវត្ថិភាពចំណីអាហារនៅក្នុងខេត្ត-ក្រុងសំខាន់ៗចំនួន ១២។

មូលដ្ឋានបានបង្កើតក្រុមត្រួតពិនិត្យកិច្ចអន្តរជំនាញគ្រប់កម្រិត ដោយមានផែនការត្រួតពិនិត្យ និងធ្វើតេស្តសមស្របទៅនឹងស្ថានភាពនៃការរីករាលដាលនៃជំងឺកូវីដ-១៩ នៅក្នុងមូលដ្ឋានរបស់ខ្លួន។

ក្រុមការងារចុះត្រួតពិនិត្យបានផ្តោតសំខាន់លើមុខទំនិញដែលប្រើប្រាស់ច្រើនក្នុងឱកាសបុណ្យចូលឆ្នាំថ្មី លក្ខខណ្ឌនៃផលិតកម្ម និងរោងចក្រកែច្នៃម្ហូបអាហារ អាជីវកម្មសេវាកម្មម្ហូបអាហារ ការយកគំរូម្ហូបអាហារសម្រាប់ធ្វើតេស្តជាដើម។

ការវាយតម្លៃអំពីអនាម័យ និងសុវត្ថិភាពចំណីអាហារបានបន្តមានការផ្លាស់ប្តូរជាវិជ្ជមានជាច្រើនក្នុងរយៈពេលកន្លងមក ឧបនាយករដ្ឋមន្ត្រី លោក Vu Duc Dam បានសង្កត់ធ្ងន់ថា កងកម្លាំងបានផ្លាស់ប្តូរទៅរកការគ្រប់គ្រងហានិភ័យ ជំរុញផលិតកម្មប្រកបដោយសុវត្ថិភាពក្នុងវិស័យកសិកម្ម។ នៅតាមមូលដ្ឋាន ក្រសួងកសិកម្ម និងអភិវឌ្ឍន៍ជនបទបានពន្លឿនការបង្កើតផែនទីសុវត្ថិភាពផលិតកម្មកសិកម្ម ដែលទាក់ទងនឹងសូចនាករភូមិសាស្ត្រ។

ឧបនាយករដ្ឋមន្ត្រី បានស្នើដល់ក្រសួង សាខា និងមូលដ្ឋាន រៀបចំការការត្រួតពិនិត្យ ការអនុលោមតាមបទប្បញ្ញត្តិស្តីពីសុវត្ថិភាពចំណីអាហារ។

“មូលដ្ឋានសុខាភិបាលត្រូវត្រៀមរួចជាស្រេចដើម្បីដោះស្រាយស្ថានភាពពុល ជាពិសេសនៅតំបន់ដែលមានជំងឺរាតត្បាត។ ហើយទន្ទឹមនឹងនោះ ធានាបាននូវសុវត្ថិភាពក្នុងការផ្តល់ជំនួយស្បៀងអាហារដល់គ្រួសារដែលធ្វើចត្តាឡីស័កក្នុងឱកាសបុណ្យតេតនេះ” ឧបនាយករដ្ឋមន្ត្រីបានកត់សម្គាល់៕

ហេង វុធ្ធី

TTX