វិនិយោគ ៤១.១៣០ ពាន់លានដុង ដើម្បីសាងសង់រោងចក្រថាមពលកំដៅ Quang Trach I

ប្រធានរដ្ឋវៀតណាម លោក Nguyen Xuan Phuc បានអញ្ជើញចូលរួមពិធីរំលឹកខួបលើកទី ១៣០ នៃទិវាបង្កើតខេត្ត Ha Giang

វៀតណាមអំពាវនាវ​ឱ្យ​មាន​ការ​វិនិយោគ​ពី​បរទេស​នូវគម្រោង​ផ្លូវ​រថភ្លើង​ថ្មី​ចំនួន​៦

ទិដ្ឋភាពនៃការបើកការដ្ឋានសាងសង់នេះ

គម្រោងរោងចក្រថាមពលកំដៅ Quang Trach I ជាកម្មសិទ្ធិរបស់មជ្ឈមណ្ឌលថាមពល Quang Trach ដែលវិនិយោគដោយ EVN។ ក្រុមប្រឹក្សាភិបាលគម្រោងថាមពល ២ វបានប្រគល់អោយតំណាងវិនិយោគិនក្នុងការគ្រប់គ្រង និងប្រតិបត្តិការគម្រោង។

ថ្លែងមតិក្នុងពិធី លោក Nguyen Tai Anh អគ្គនាយករង EVN បានឲ្យដឹងថា ការវិនិយោគគម្រោងមានទុនសរុបមានចំនួន ៤១.១៣០ ពាន់លានដុងលើផ្ទៃដី ៤៨,៦ ហិកតា នៅភូមិ Vinh Son ឃុំ Quang Dong ស្រុក Quang Trach។

គម្រោង​នេះ​រួម​មានក្បាលម៉ស៊ីន​អគ្គិសនី​ចំនួន ២ ដែល​មាន​អានុភាពសរុប ១ ២០០ មេហ្គាវ៉ាត់ ហើយ​ពេល​ដាក់​ឱ្យ​ដំណើរការ រោងចក្រ​នឹង​ផ្តត់ផ្គង់សំរាប់​បណ្តាញ​អគ្គិសនី​ជាតិ​​ទិន្នផល​ប្រចាំឆ្នាំ​ប្រមាណ ៨,៤ ពាន់​លាន​គីឡូវ៉ាត់​ម៉ោង។ នេះរួមចំណែកដល់ការធានាសន្តិសុខថាមពលជាតិ ធ្វើអោយប្រសើរឡើងនូវសុវត្ថិភាព និងស្ថេរភាពនៃបណ្តាញថាមពល។

សម្ព័ន្ធអ្នកម៉ៅការ រួមមានអ្នកម៉ៅការជប៉ុន កូរ៉េខាងត្បូងនិងសាជីវកម្មសំណង់លេខ ១ នឹងអនុវត្តកញ្ចប់ដេញថ្លៃសំខាន់លើការរចនា ការផ្គត់ផ្គង់ទំនិញ សាងសង់ និងការដំឡើងគម្រោង។ នេះគឺជាអ្នកម៉ៅការដ៏ធំ មានកេរឈ្មោះមានសមត្ថភាព និងបទពិសោធន៍នៅក្នុងគម្រោងថាមពលកំដៅធំៗជាច្រើន។

រោងចក្រថាមពលកំដៅ Quang Trach I ប្រើប្រាស់បច្ចេកវិទ្យាទំនើប ប៉ារ៉ាម៉ែត្រចំហុយ USC - ខ្ពស់បំផុតក្នុងចំណោមរោងចក្រថាមពលកំដៅក្នុងប្រទេសវៀតណាមនាពេលបច្ចុប្បន្ននេះ។ គម្រោង​នេះ​ត្រូវ​បាន​គេ​រំពឹង​ថា​នឹង​បញ្ចប់​ហើយ​ដាក់​ឱ្យ​ដំណើរការ​នៅ​ឆ្នាំ​២០២៥។

រោងចក្រនេះនឹងត្រូវបានបំពាក់ដោយប្រព័ន្ធសមកាលកម្មនៃការព្យាបាលទឹកសំណល់ ឧស្ម័នផ្សង និងតម្រងធូលី។ ដូច្នេះ ខ្លឹមសារនៃការបំភាយឧស្ម័នបន្ទាប់ពីត្រូវបានព្យាបាល អនុលោមតាមស្តង់ដារបរិស្ថានវៀតណាមបច្ចុប្បន្ន និងស្មើនឹងស្តង់ដាររបស់ធនាគារពិភពលោក (World Bank)។

ប៉ារ៉ាម៉ែត្របរិស្ថានរោងចក្រនៅពេលដំណើរការ ត្រូវបានបញ្ជូនទៅមន្ទីរធនធានធម្មជាតិ និងបរិស្ថានខេត្ត Quang Binh ដើម្បីត្រួតពិនិត្យតាមអ៊ីនធឺណិត និងបង្ហាញជាសាធារណៈនៅតំបន់ក្លោងទ្វាររោងចក្រ ២៤/២៤ ម៉ោង ស្របតាមបទប្បញ្ញត្តិរបស់រដ្ឋស្តីពីការគ្រប់គ្រងបរិស្ថាន៕

ហេង វុធ្ធី

Vietnamplus