យុគសម័យ - នាព្រឹកថ្ងៃទី ៧ ខែធ្នូ ប្រធានរដ្ឋ លោក Nguyen Xuan Phuc ប្រធានក្រុមប្រឹក្សាការពារជាតិ និងសន្តិសុខបានអញ្ជើញដឹកនាំកិច្ចប្រជុំលើកទី ១ នៃក្រុមប្រឹក្សាការពារជាតិ និងសន្តិសុខសម្រាប់អាណត្តិ ២០២១-២០២៦។
 |
| សមមិត្ត Nguyen Xuan Phuc សមាជិកការិយាល័យនយោបាយ ប្រធានរដ្ឋ ប្រធានក្រុមប្រឹក្សាការពារជាតិ និងសន្តិសុខ; សមមិត្ត Pham Minh Chinh សមាជិកការិយាល័យនយោបាយ នាយករដ្ឋមន្ត្រី និងជាអនុប្រធានក្រុមប្រឹក្សាការពារជាតិ និងសន្តិសុខ; សមមិត្ត Vuong Dinh Hue សមាជិកការិយាល័យនយោបាយ ប្រធានរដ្ឋសភា សមាជិកនៃក្រុមប្រឹក្សាការពារជាតិ និងសន្តិសុខ និងគណៈប្រតិភូ។ |
ប្រធានក្រុមប្រឹក្សា លោក Nguyen Xuan Phuc បានលើកតំកើងកងទ័ព នគរបាល និងកងកម្លាំងការទូតចំពោះការរួមចំណែកយ៉ាងសំខាន់ក្នុងការប្រយុទ្ធប្រឆាំងនឹងជំងឺរាតត្បាត Covid-19 នាពេលកន្លងមក។ កងទ័ព កងកម្លាំងនគរបាល បានសហការយ៉ាងជិតស្និទ្ធជាមួយក្រសួង មន្ទីរ អង្គភាព មូលដ្ឋាន និងកងកម្លាំងពាក់ព័ន្ធ ដើម្បីអនុវត្តឱ្យបានហ្មត់ចត់នូវគោលការណ៍ណែនាំ និងទិសដៅរបស់បក្ស និងរដ្ឋ ប្រមូលផ្តុំធនធានជាអតិបរមា ទាំងការទប់ស្កាត់ ទាំងការប្រយុទ្ធប្រឆាំងនឹងជំងឺរាតត្បាតយ៉ាងខ្លាំងក្លា ខណៈ ធានាបានល្អនូវភារកិច្ចយោធា និងការពារជាតិ រក្សាសន្តិសុខជាតិ សណ្តាប់ធ្នាប់សង្គម និងសុវត្ថិភាព។
កិច្ចសហប្រតិបត្តិការអន្តរជាតិក្នុងវិស័យការពារជាតិ និងសន្តិសុខបន្តបានលើកកម្ពស់ ដោយការលើកកម្ពស់ក្នុងការបញ្ជូនកងកម្លាំងកងទ័ពដែលចូលរួមក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ បាននឹងកំពុងបំពេញកិច្ចការបានយ៉ាងល្អ ដោយបន្សល់ទុកនូវចំណាប់អារម្មណ៍ដ៏ល្អ ហើយបានវាយតំលៃខ្ពស់ដោយអង្គការសហប្រជាជាតិ និងមិត្តអន្តរជាតិ រួមចំណែកក្នុងការបញ្ជាក់ការទទួលខុសត្រូវ និងលើកកំពស់ឋានៈ និងកិត្យានុភាពរបស់វៀតណាមនៅលើឆាកអន្តរជាតិ ចូលរួមចំណែកយ៉ាងសំខាន់ក្នុងយុទ្ធសាស្ត្រការពារជាតិតាំងពីដំបូងទីនិងពីចម្ងាយ។
កងទ័ព និងកងកម្លាំងនគរបាលបានផ្តោតការយកចិត្តទុកដាក់លើការអនុវត្តប្រកបដោយប្រសិទ្ធភាពនូវភារកិច្ចកលយុទ្ធតាមអ៊ីនធឺណិត នឹងតាមព័ត៌មាន ធានាសុវត្ថិភាពបណ្តាញអ៊ីនធើណិត និងរួមចំណែកក្នុងការទប់ស្កាត់ ការរកឃើញ និងការដោះស្រាយការវាយប្រហារ តាមអ៊ីនធឺណិត ពង្រឹងការពារសន្តិសុខនៃប្រព័ន្ធបណ្តាញព័ត៌មានជាតិ ប្រយុទ្ធដើម្បីទប់ស្កាត់ និងប្រឆាំងខ្លឹមសារពិសពុល និងរំលោភបំពានលើ អ៊ីនធើណិត៕
Bao Tin tuc
មតិពីមិត្តអ្នកអាន