កាសែត “ឯករាជ្យ” ដែលជាគេហទំព័រសម្រាប់ការវិភាគនយោបាយ និងព័ត៌មានអន្តរជាតិរបស់រុស្ស៊ី នាពេលថ្មីៗនេះ បានចុះផ្សាយអត្ថបទមួយរបស់អ្នកជំនាញ Grigory Lokshin អំពីទំនាក់ទំនងវៀតណាម - រុស្ស៊ី ក្នុងឱកាសដែលប្រធានរដ្ឋវៀតណាម លោក Nguyen Xuan Phuc បំពេញទស្សនកិច្ចនៅរុស្ស៊ី។
 T&T Group (ប្រទេសវៀតណាម) ទទួលបច្ចេកវិទ្យាផលិតវ៉ាក់សាំង Sputnik V របស់រុស្ស៊ី |
 ជំនួបសំណេះសំណាលក្នុងឱកាសរំលឹកខួបលើកទី ១០៣ នៃបដិវត្តន៍ខែតុលា របស់រុស្ស៊ី |
 |
| ប្រធានរដ្ឋវៀតណាមលោក Nguyen Xuan Phuc ជួបសំដែងការគួរសមជាមួយនាយករដ្ឋមន្ត្រីនៃសហព័ន្ធរុស្ស៊ី លោក Mikhail Vladimirovich Mishustin (រូបថត៖ vnanet.vn) |
យោងតាមអត្ថបទនេះ កិច្ចសហប្រតិបត្តិការជាមួយវៀតណាម ជាទិសដៅសំខាន់ក្នុងផែនការ «ឆ្ពោះទៅទិសខាងកើត» របស់រុស្ស៊ីតាំងពីយូរយារណាស់មកហើយ និងកាន់តែសមស្របខ្លាំងឡើងក្នុងបរិបទនៃស្ថានភាពអន្តរជាតិនាបច្ចុប្បន្ននេះ។ ទិសដៅនេះមិនមានបំណងជំនួសដៃគូសំខាន់របស់រុស្ស៊ីនៅអាស៊ីនោះទេ ប៉ុន្តែដើម្បីធ្វើពិពិធកម្មទំនាក់ទំនងសេដ្ឋកិច្ច-ពាណិជ្ជកម្មរបស់រុស្ស៊ីនៅខាងកើត។
ទំនាក់ទំនងវៀតណាម-រុស្ស៊ី ឈរលើសមភាព ការគោរពគ្នាទៅវិញទៅមក ការមិនជ្រៀតជ្រែកក្នុងកិច្ចការផ្ទៃក្នុងរបស់គ្នាទៅវិញទៅមក ការជឿទុកចិត្តគ្នាលើវិស័យនយោបាយ និងយោធា។ ក្នុងរយៈពេលប៉ុន្មានឆ្នាំកន្លងមក ប្រទេសទាំងពីរបានបង្កើតយន្តការជួបជុំគ្នា និងកិច្ចសន្ទនានយោបាយសកម្មនៅគ្រប់លំដាប់ថ្នាក់ ដែលបង្កើតមូលដ្ឋានរឹងមាំសម្រាប់កិច្ចសហប្រតិបត្តិការនយោបាយទ្វេភាគី។
ក្នុងទំនាក់ទំនងសេដ្ឋកិច្ច-ពាណិជ្ជកម្ម លោក Lokshin បានចាត់ទុកថា ជាដំបូងរុស្ស៊ីចាំបាច់ត្រូវយកចិត្តទុកដាក់ចំពោះការអភិវឌ្ឍចរាចរណ៍នៅលើសមុទ្រ ដើម្បីភ្ជាប់កំពង់ផែនៅតំបន់ចុងបូព៌ារបស់រុស្ស៊ីជាមួយវៀតណាម។ លើសពីនេះ ភាគីទាំងពីរក៏ចាំបាច់ត្រូវបង្កើតបណ្តាញទំនាក់ទំនងផ្ទាល់ប្តូររវាងអង្គភាពអាជីវកម្មនៃប្រទេសទាំងពីរ និងរៀបចំការជួបជុំគ្នាតាមរយៈអង្គការក្រៅរដ្ឋាភិបាល និងសហគមន៍វិទ្យាសាស្ត្រ ដើម្បីរួមចំណែកជំរុញកិច្ចសហប្រតិបត្តិការទ្វេភាគីបន្ថែមទៀត៕
kh.qdnd.vn
មតិពីមិត្តអ្នកអាន