យុគសម័យ - នាថ្ងៃទី ១ ខែធ្នូ ក្នុងក្របខ័ណ្ឌនៃដំណើរទស្សនកិច្ចជាផ្លូវការនៅសហព័ន្ធរុស្ស៊ីរបស់ប្រធានរដ្ឋវៀតណាម លោក Nguyen Xuan Phuc និងគណៈប្រតិភូជាន់ខ្ពស់វៀតណាម នៅទីស្នាក់ការសមាគមប្រជាជនអាស៊ី - អឺរ៉ុប ប្រធានសម្ព័ន្ធអង្គការមិត្តភាពវៀតណាម (VUFO) លោកស្រី Nguyen Phuong Nga បានជួបសន្ទនាជាមួយថ្នាក់ដឹកនាំនៃសមាគមប្រជាជនអាស៊ី-អឺរ៉ុប។
 ពង្រឹងកិច្ចសហប្រតិបត្តិការផ្លាស់ប្តូររវាងប្រជាជន និងប្រជាជនជាមួយទីក្រុង St.Petersburg (ប្រទេសរុស្ស៊ី) |
 ធ្វើឲ្យស៊ីជម្រៅថែមទៀតទំនាក់ទំនងភាពជាដៃគូយុទ្ធសាស្ត្រលើគ្រប់វិស័យវៀតណាម-រុស្ស៊ី |
លោក Andrey Belyaninov ប្រធានសមាគមប្រជាជនអាស៊ី-អឺរ៉ុប បានថ្លែងអំណរគុណចំពោះ VUFO និងអង្គការនានានៅវៀតណាមសម្រាប់ការគាំទ្រ និងការចូលរួមយ៉ាងសកម្មក្នុងព្រឹត្តិការណ៍នានាដែលសមាគមរៀបចំឡើងនាពេលកន្លងមក ដូចជា៖ ការពិភាក្សាឯករាជ្យនៅខាងក្រៅកិច្ចប្រជុំកំពូលអង្គការសហប្រជាជាតិស្តីពីការកសាងប្រព័ន្ធអាហារប្រកបដោយនិរន្តរភាពឆ្នាំ ២០២១ លើប្រធានបទ «ផ្លូវផ្សេងគ្នា ប៉ុន្តែគោលដៅរួម»។
 |
| លោកស្រី Nguyen Phuong Nga បានជួបសន្ទនាជាមួយថ្នាក់ដឹកនាំនៃសមាគមប្រជាជនអាស៊ី-អឺរ៉ុប។ |
ប្រធាន VUFO លោកស្រី Nguyen Phuong Nga ក៏បានថ្លែងអំណរគុណចំពោះការចាប់អារម្មណ៍របស់សមាគមក្នុងការអភិវឌ្ឍន៍កិច្ចសហប្រតិបត្តិការជាមួយ VUFO។ ភាគីទាំងពីរក៏បានឯកភាពពង្រឹងកិច្ចសហប្រតិបត្តិការ រៀបចំសន្និសីទ និងសិក្ខាសាលាដែលចាប់អារម្មណ៍គ្នាទៅវិញទៅមកលើប្រធានបទដូចជា ការអភិវឌ្ឍន៍សេដ្ឋកិច្ចបៃតង ការផ្លាស់ប្តូរឌីជីថល ទេសចរណ៍ក្នុងទម្រង់ផ្សេងៗ និងការផ្សព្វផ្សាយវប្បធម៌ និងភាសារុស្ស៊ី-វៀតណាម នៅក្នុងប្រទេសទាំងពីរ។ថ្នាក់ដឹកនាំសមាគមប្រជាជនអាស៊ី-អឺរ៉ុបក៏បានសម្តែងនូវបំណងចង់ពង្រឹងថែមទៀតកិច្ចសហប្រតិបត្តិការជាមួយ VUFO និងអង្គការនានារបស់ប្រជាជនវៀតណាម ដើម្បីជំរុញការយល់ដឹងគ្នាទៅវិញទៅមករវាងប្រជាជនវៀតណាម និងក្រុមជនជាតិដទៃទៀត ដើម្បីសម្រេចបានគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ។
 |
| លោក Andrey Belyaninov បានប្រគល់វិញ្ញាបនបត្រអនុស្សាវរីន៍ «យើងនិយាយអរគុណ» ជូនលោកស្រី Nguyen Phuong Nga។ |
ក៏នៅទីស្នាក់ការសមាគមប្រជាជនអាស៊ី - អឹរ៉ុប លោក Andrey Belyaninov បានប្រគល់វិញ្ញាបនបត្រអនុស្សាវរីន៍ «យើងនិយាយអរគុណ» ជូនលោកស្រី Nguyen Phuong Nga ចំពោះការរួមវិភាគទានរបស់លោកក្នុងការពង្រឹងមិត្តភាពរវាងប្រជាជនអាស៊ី-អឺរ៉ុប និងការផ្តួចផ្តើមគំនិតដើម្បីសន្តិភាពក្នុងតំបន់។
Thoidai.com.vn
មតិពីមិត្តអ្នកអាន