ស្ថាបត្យកម្មវៀតណាមទទួលបានពានរង្វាន់អន្តរជាតិចំនួន 3

ដំណើរកម្សាន្តស្វែងយល់ «ស្ថាបត្យកម្មបែបបារាំងនៅចំកណ្តាលទីក្រុងហាណូយ»

ស្ថាបត្យកម្មជាប្រវត្តិសាស្ត្រនៃរដ្ឋធានីហាណូយ

ផ្ទះនៅ Bat Trang បានឈ្នះពានរង្វាន់ស្ថាបត្យកម្មអន្តរជាតិជាច្រើន ដោយសារការរចនាតែមួយគត់របស់វា។

ពានរង្វាន់ប្រចាំឆ្នាំដែលធ្វើឡើងដោយទស្សនាវដ្តីស្ថាបត្យកម្មដ៏ល្បីល្បាញលើពិភពលោក Dezeen (ចក្រភពអង់គ្លេស) បានប្រកាសលទ្ធផល នៅថ្ងៃទី 27 ខែវិច្ឆិកា បន្ទាប់ពីការជ្រើសរើស និងចាត់ចំណាត់ថ្នាក់អស់រយៈពេល 10 ខែ។ ឆ្នាំ​នេះ ស្ថាបត្យកម្ម​វៀត​ណាម​ទទួល​បានពានរង្វាន់​ចំនួន 03 ក្នុង​ចំណោមពានរង្វាន់​ទាំង 47 ប្រភេទ។

សំណង់ផ្ទះ Bat Trang របស់ក្រុមហ៊ុនស្ថាបត្យកម្ម Vo Trong Nghia ទទួលបានពានរង្វាន់ "ផ្ទះនៅទីក្រុងប្រចាំឆ្នាំ"។ មុននោះ ​សំណង់​នេះក៏បានឈ្នះការជ្រើសរើសរបស់អ្នកអាន ដោយទទួលសម្លេងគាំទ្រចំនួន 44% ដោយសារគំនិតនៃការប្រើប្រាស់សេរ៉ាមិចជាសម្ភារៈសំណង់សំខាន់។ ប្រព័ន្ធជញ្ជាំងខាងក្រៅទាំងមូលត្រូវបានសាងសង់ដោយឥដ្ឋសេរ៉ាមិចចំនួន 5,000 ដុំ ដែលមានកម្រាស់​​ និងប្រហោងខុសៗ គ្នា ដែលបង្កើតបានជាប្លុកសេរ៉ាមិចដ៏ធំ នៅចំកណ្តាលភូមិ Bat Trang ប្រពៃណី។

ផ្ទះបំពង់ជម្រៅ 35m នៅ Ha Dong ដែលរចនា ដោយក្រុមហ៊ុន ODDO Architects បានឈ្នះពានរង្វាន់ស្ថាបត្យកម្មអន្តរជាតិជាច្រើន។ រូបថត៖ Hoang Le/ODDO Architects

សាលាមត្តេយ្យ My Montessori Garden នៅ Ha Long (ខេត្ត Quang Ninh) នៃការិយាល័យស្ថាបត្យកម្ម HGAA បានឈ្នះពានរង្វាន់ "គម្រោងសំណង់ស៊ីវិលប្រចាំឆ្នាំ"។

My Montessori Garden គឺជាសាលាមត្តេយ្យដែលបានបញ្ចប់​ការសាងសង់ នៅដើមឆ្នាំ 2019។ គោលដៅរបស់ក្រុមស្ថាបត្យកម្មគឺការបង្កើតថ្នាក់រៀន នៅកណ្តាលដើមឈើ និងផ្កា។

រីឯក្នុងប្រភេទ "ការិយាល័យមានស្ថាបត្យកម្មដែលកំពុងរីកចម្រើនប្រចាំឆ្នាំ" គណៈប្រយោគបានប្រគល់​ដល់ការិយាល័យ ODDO Architects ​បានបង្កើតឡើងក្នុងឆ្នាំ 2016 ដោយស្ថាបត្យការិនី Mai Lan Chi Obtulovicova ​ស្ថាបត្យ​ករ Nguyen Duc Trung និង លោក Marek Obtulovic ការិយាល័យ ODDO Architects មាន​សកម្មភាពនៅក្នុងប្រទេសវៀតណាម និងសាធារណៈរដ្ឋឆែក។

Dezeen គឺជាទស្សនាវដ្តីឈានមុខគេមួយរបស់ពិភពលោកលើការរចនា ស្ថាបត្យកម្ម និងខាងផ្ទៃក្នុង។ ចាប់តាំងពីឆ្នាំ 2018 មក ទស្សនាវដ្ដីនេះបានរៀបចំពានរង្វាន់ Dezeen Awards ដើម្បីផ្តល់កិត្តិយសដល់ស្នាដៃស្ថាបត្យកម្មថ្មី និងគួរឱ្យចាប់អារម្មណ៍បំផុតរបស់ពិភពលោក។

គណៈប្រយោគទស្សវដ្តី Dezeen បានសន្និដ្ឋានថា សាលា​មតេយ្យ My Montessori Garden នាំមកនូវសុភមង្គលដល់កុមារ។

នៅឆ្នាំ 2021 ពានរង្វាន់នេះបានប្រមូលផ្តុំ​ការ​​ស្នាដៃ​​ចូល​រួម​ក្នុង​ពាន​រង្វាន់​នេះជាង 4,700 ពី 86 ប្រទេស។ គណៈប្រយោគមានអ្នកជំនាញផ្នែកស្ថាបត្យកម្ម និងការរចនាចំនួន 94 នាក់ដែលបានជ្រើសរើស និងចាត់​ចំណាត់​ថ្នាក់ ដើម្បីផ្តល់រង្វាន់ចំនួន 47 ចែកចេញជាប្រភេទនីមួយៗ។

ពាន​រង្វាន់ Dezeen មានរង្វាន់ពិសេសចំនួនបីគឺ "រចនាប្រចាំ​ឆ្នាំ" ដែលប្រគល់​ដល់​​ចំណតកង់របស់ការិយាល័យ Silo (ហូឡង់) "រចនាខាងផ្ទៃក្នុង​ប្រចាំ​ឆ្នាំ" ដែលប្រគល់​ដល់​ការិយាល័យ Sher Maker Studio (ថៃ) "សំណង់​ស្ថាបត្យកម្ម​ប្រចាំ​ឆ្នាំ" របស់សំណង់​ស្ថាបត្យកម្មអគារស្នាក់​នៅរួម Stone Garden របស់ Lina Ghotmeh (លីបង់)។

ដោយសារតែ Covid-19 ពានរង្វាន់ Dezeen ឆ្នាំ2021 មិនបានរៀបចំពិធីប្រគល់រង្វាន់ផ្ទាល់ទេ ប៉ុន្តែបានប្រកាសតាមអ៊ីនធឺណិត។ អ្នកនិង​ក្រុមឈ្នះនឹងទទួលបានពានរង្វាន់ លិខិតបញ្ជាក់ និងកិត្តិយសលើការបោះពុម្ភជាសកលរបស់ Dezeen ៕

ឌីណា

Vietnamexpress