លើកកម្ពស់ការងារស្វែងរក ប្រមូលផ្តុំ និងការធ្វើមាតុភូមិនិវត្តន៍អដ្ឋិធាតុយុទ្ធជនពលីវៀតណាមដែលបានពលីជីវិតក្នុងសម័យសង្គ្រាមនៅខេត្តមណ្ឌលគិរី

កងទ័ពការពារព្រំដែនខេត្ត Dak Lak ជូនពរបុណ្យចូលឆ្នាំថ្មីចំពោះកម្លាំងការពារព្រំដែនកម្ពុជា

បញ្ជាការដ្ឋានយោធាខេត្ត Dak Lak បានបើកវគ្គៈបំប៉នភាសាខ្មែរនិងភាសេអេដេសម្រាប់កម្មាភិបាលនិងទាហាន

លោក H’Yim Kdoh អនុប្រធានគណៈកម្មាធិការប្រជាជនខេត្ត និងជាប្រធានគណៈកម្មការជំនាញខេត្ត Dak Lak និងលោកស្រី វិន ស៊ីធួន អភិបាលរងខេត្ត និងជាអនុប្រធានគណៈកម្មការជំនាញខេត្តមណ្ឌលគិរី អញ្ជើញជាសហអធិបតីភាពនៃកិច្ចប្រជុំ។

ថ្នាក់ដឹកនាំគណៈកម្មការជំនាញ នៃខេត្ត Dak Lak និងខេត្តមណ្ឌលគិរី ចុះហត្ថលេខាលើខ្លឹមសារនៃកិច្ចសហប្រតិបត្តិការនាពេលខាងមុខ

នៅក្នុងកិច្ចប្រជុំនេះ គណៈកម្មការជំនាញទាំងពីរបានវាយតម្លៃលើលទ្ធផលនៃកិច្ចសហប្រតិបត្តិការក្នុងប៉ុន្មានឆ្នាំចុងក្រោយនេះ ដោយមានការសម្របសម្រួលយ៉ាងជិតស្និទ្ធ និងឯកភាពខ្ពស់ក្នុងការដឹកនាំ និងការអនុវត្តខ្លឹមសារទាំងឡាយនៃអនុស្សរណៈនៃការយោគយល់ជាប្រចាំឆ្នាំស្តីពីការងារស្វែងរក ប្រមូលផ្តុំ និងការធ្វើមាតុភូមិនិវត្តន៍អដ្ឋិធាតុយុទ្ធជនពលីវៀតណាម ដែលបានពលីជីវិតក្នុងសម័យសង្គ្រាមនៅខេត្តមណ្ឌលគិរី។

អាជ្ញាធរ កងកម្លាំងប្រដាប់អាវុធ និងប្រជាពលរដ្ឋខេត្តមណ្ឌលគិរី តែងតែបង្កើតលក្ខខណ្ឌអំណោយផល និងជួយដល់កម្លាំងជំនាញនៃក្រុម K51 ខេត្ត Dak Lak ក្នុងការអនុវត្តភារកិច្ចឲ្យសម្រេចបានលទ្ធផលខ្ពស់បំផុត។

បញ្ជាការដ្ឋានយោធាខេត្ត Dak Lak ប្រគល់អំណោយជូនអនុតំបន់ប្រតិបត្តិការសឹករងខេត្តមណ្ឌលគិរី

នៅក្នុងកិច្ចប្រជុំនេះ គណៈកម្មការជំនាញទាំងពីរ បានពិភាក្សាលើបញ្ហាពាក់ព័ន្ធ ស្វែងរកដំណោះស្រាយសមស្រប ដើម្បីដោះស្រាយការលំបាក និងឧបសគ្គ ព្រមទាំងបង្កើតលក្ខខណ្ឌអំណោយផលល្អបំផុតដើម្បីភាគីទាំងពីរបន្តអនុវត្តឱ្យបានល្អថែមទៀតនូវការសម្របសម្រួលក្នុងការស្វែងរក ប្រមូលផ្តុំ និងការធ្វើមាតុភូមិនិវត្តន៍អដ្ឋិធាតុនៃយុទ្ធជនពលី កងទ័ពស្ម័គ្រចិត្ត និងអ្នកជំនាញវៀតណាម ដែលពលីជីវិត​នៅកម្ពុជា ក្នុងរដូវប្រាំង ២០២១-២០២២ ខាងមុខនេះ។

ក្នុងឱកាសនេះ ដោយទទួលបានការផ្ទេសិទ្ធិពីរដ្ឋាភិបាលវៀតណាម គណៈកម្មការជំនាញខេត្ត Dak Lak បានប្រគល់ថវិកាឧបត្ថម្ភ ជូនគណៈកម្មការជំនាញខេត្តមណ្ឌលគិរី ព្រមទាំងប្រគល់ប័ណ្ណសរសើរពីបញ្ជាការដ្ឋានយោធភូមិភាគទី៥ នៃកងទ័ពប្រជាជន​វៀត​ណាម និងគណៈកម្មាធិការប្រជាជនខេត្ត Dak Lak ជូនអង្គភាពចំនួន៣ និងបុគ្គលចំនួន ១០ រូប នៃខេត្តមណ្ឌលគិរី ព្រះរាជាណាចក្រកម្ពុជា៕

kh.qdnd.vn