នៅរសៀលថ្ងៃទី២១ ខែតុលា នៅក្នុងសន្និសីទសារព័ត៌មានជាប្រចាំរបស់ក្រសួង ការបរទេសវៀតណាមដែលបានធ្វើឡើងតាមប្រព័ន្ធវីដេអូនោះ អ្នកនាំពាក្យលោកស្រី Le Thi Thu Hang បានឲ្យដឹងថានាបច្ចុប្បន្នវៀតណាមកំពុងទទួលស្គាល់ លិខិតឆ្លងដែនសុខភាពអេឡិចត្រូនិករបស់ប្រទេសនិងតំបន់ដែនដីចំនួន៧២ ហើយ ផ្ទុយមកវិញ មានប្រទេសនិងតំបន់ដែនដីមួយចំនួនក៏ទទួលស្គាល់វិញ្ញាបនបត្រ ចាក់ វ៉ាក់សាំងបង្ការកូវីដ-១៩ ឬលិខិតបញ្ជាក់អ្នកជំងឺកូវីដ-១៩បានជាសះស្បើយ ក្នុងនីតិវិធី ត្រួតពិនិត្យអន្តោប្រវេសន៍ផងដែរ។
វៀតណាមទទួលស្គាល់ «លិខិតឆ្លងដែនវ៉ាក់សាំង» ជាមួយបណ្តាប្រទេស |
Phu Quoc នឹងស្វាគមន៍ភ្ញៀវទេសចរដែលមាន “លិខិតឆ្លងដែនវ៉ាក់សាំង” តាមរយៈ ៣ ដំណាក់កាល |
អ្នកនាំពាក្យក្រសួងការបរទេសវៀតណាមលោកស្រី Le Thi Thu Hang។ (រូបថត៖ TTXVN) |
លោកស្រី Le Thi Thu Hang បានបញ្ជាក់ថា៖ «ប្រទេសនិងតំបន់ដែនដីចំនួន៧២ បានណែនាំពីសណ្ឋានវិញ្ញាបនបត្រ ចាក់ វ៉ាក់សាំងជាមួយក្រសួងការបរទេស។ តាមនោះ មនុស្សដែលមានវិញ្ញាបនបត្រនៃក្រុម ប្រទេសនេះ នឹងត្រូវបានអនុញ្ញាតឲ្យប្រើប្រាស់នៅវៀតណាម ហើយកាត់បន្ថយរយៈ ពេលធ្វើចត្តាឡីស័កមកត្រឹម៧ថ្ងៃតាមបទបញ្ញត្តិអំពីការចាក់វ៉ាក់សាំងគ្រប់២ដូស ឬអ្នក ជម្ងឺកូវីដ-១៩បានជាសះស្បើយ។ ក្រៅពីនោះ ក្រសួងការបរទេសក៏បានពិភាក្សា ជាមួយដៃគូចំនួនជិត៨០ ដើម្បីទទួលស្គាល់វិញ្ញាបនប័ត្រចាក់វ៉ាក់សាំងឬដែលបាន ហៅថាលិខិតឆ្លងដែនវ៉ាក់សាំងរបស់គ្នាទៅវិញទៅមក»។
ពាក់ព័ន្ធដល់វិធានការជួយទ្រទ្រង់របស់រដ្ឋាភិបាលចំពោះវិនិយោគិន សហគ្រាស បរទេស នៅពេលវៀតណាមឈានចូលសភាពធម្មតាបែបគន្លងថ្មីនោះ លោកស្រី Le Thi Thu Hang បានឲ្យដឹងថា៖
«រដ្ឋាភិបាលក៏កំពុងអនុវត្តន៍វិធានការជាច្រើនយ៉ាងប្ដូរផ្ដាច់ ដើម្បីរុញថយជម្ងឺរាត ត្បាត បង្កើតក្រុមការងារពិសេសដើម្បីដោះស្រាយការលំបាក ការជំពាក់ជំពិនរបស់ សហគ្រាស ហើយចេញផ្សាយសេចក្ដីសម្រេចចិត្ត គោលនយោបាយជាច្រើនដើម្បី ជួយទ្រទ្រង់សហគ្រាស សហករណ៍ អាជីវកម្មលក្ខណៈគ្រួសារ ដែលកំពុងជួបការ លំបាកដោយសារជម្ងឺកូវីដ-១៩។ រដ្ឋាភិបាលវៀតណាមជានិច្ចកាលផ្ទៀងស្ដាប់ និង ចែករំលែក បង្កលក្ខណៈជាអតិបរមាដល់សហគ្រាស វិនិយោគិនបរទេស ដោះស្រាយ ការលំបាកហើយបង្កើតសភាពធម្មតាបែបគន្លងថ្មី សំដៅស្ដារប្រតិបត្តិការផលិតកម្ម អាជីវកម្មក្នុងពេលឆាប់បំផុត តាមបាវចនាកុំឲ្យអាក់ខានខ្សែសង្វាក់ផលិតកម្ម ធានាការ ធ្វើចរាចរណ៍យ៉ាងរលូនលើទូទាំងប្រទេស ហើយខេត្ត ក្រុងនានាមិនត្រូវបានចេញ ផ្សាយបទបញ្ញត្តិមិនសមហេតុផលនោះឡើយ»៕
មតិពីមិត្តអ្នកអាន