វេជ្ជបណ្ឌិត ខ្មែរ ម្នាក់ជួយមើលថែទាំសុខភាពប្រជាជនដោយអស់ពីចិត្តពីថ្លើម

ការធ្វើពិពិធកម្មផលិតផលទេសចរណ៍ផ្តើមពីវប្បធម៌ ខ្មែរ ណាមបូ

អភិរក្សនិងពង្រីកសិល្បៈល្ខោន យូកេ របស់បងប្អូនជនជាតិខ្មែរ ណាមបូ

ប្រសូត្រនិងធំដឹងក្តីនៅសង្កាត់ វិញលើយ ទីក្រុង រ៉ាច់យ៉ា (ខេត្ត គៀនយ៉ាង) លោកវេជ្ជបណ្ឌិត យ៉ាញ់ង៉ុកចូវ ជនជាតិ ខ្មែរមួយរូបដែលចាប់ចិត្តស្រឡាញ់អាវ blouse ពណ៌ស ហើយតែងតែមានបំណងប្រាថ្នាក្លាយទៅជាវេជ្ជបណ្ឌិតដើម្បីព្យាបាលជំងឺជូនប្រជាជនដែលមានស្ថានភាពរស់នៅលំបាកលំបិន។

លោក វេជ្ជបណ្ឌិត យ៉ាញ់ង៉ុកចូវ កំពុងពិនិត្យជំងឺជូនប្រជាជនដែលមានស្ថានភាពរស់នៅលំបាកលំបិនក្នុងបន្ទប់ពិនិត្យជំងឺនៃមណ្ឌលសុខភាពស្រុក ចូវថាញ់

បន្ទាប់ពីបញ្ចប់ការសិក្សានៅមហាវិទ្យាល័យវេជ្ជសាស្ត្រនិងឱសថ កឹនធើ វេជ្ជបណ្ឌិត ចូវ ចូលបម្រើការងារនៅមណ្ឌលសុខភាពស្រុក ចូវថាញ់ ។ ធ្វើការនៅភូមិសាស្ត្រដែលមានបងប្អូនជនជាតិ ខ្មែរ រស់នៅច្រើនកុះករ ទោះបីជាជាប់រវល់យ៉ាងណាក៏ដោយ ក៏វេជ្ជបណ្ឌិត ចូវ តែងតែព្យាយាមអស់ពីចិត្តពីថ្លើម ត្រៀមខ្លួនជាស្រេចសម្រាប់ទៅតាមលំនៅដ្ឋានរបស់អ្នកជំងឺ ដើម្បីសួរសុខទុក្ខ និងផ្ដល់ថ្នាំពេទ្យ។

លោក វេជ្ជបណ្ឌិត យ៉ាញ់ង៉ុកចូវ អញ្ជើញមកសួរសុខទុក្ខលោក ទ្រិញហ្គេ  អាយុ ៧៨ ឆ្នាំ នៅឃុំ វិញហ្វាហៀប ស្រុក ចូវថាញ់

ក្រៅពីការងារវិជ្ជាជីវៈ វេជ្ជបណ្ឌិត ចូវ ក៏ជាសមាជិកស្នូលរបស់ក្លឹបគ្រូពេទ្យវ័យក្មេងស្រុក ចូវថាញ់ ទៀតផង ហើយត្រៀមខ្លួនជាស្រេចក្នុងការចូលរួមការងារឃោសនាផ្សព្វផ្សាយចលនាអ្នកជំងឺ និងសាច់ញាតិអោយគោរពអនុវត្តវិធីបង្ការ និងទប់ស្កាត់ការរីករាលដាលនៃជំងឺកូវីដ ១៩ តាមសារអប់រំទាំង ៥ ប្រការរបស់ក្រសួងសុខាភិបាល។

ក្លឹបគ្រូពេទ្យវ័យក្មេងស្រុក ចូវថាញ់ ដែលវេជ្ជបណ្ឌិត យ៉ាញ់ង៉ុកចូវ ជាសមាជិកស្នូលនោះ បានសហការជាមួយនឹងសាខាសមាគមកាកបាទក្រហមមូលដ្ឋានអញ្ជើញមកពិនិត្យជំងឺជូនអំណោយ ផ្ដល់ថ្នាំពេទ្យដោយឥតគិតថ្លៃដល់លោកស្រី ធីយ៉ាង ជនជាតិ ខ្មែរ នៅភូមិ សួដួ ឃុំ វិញហ្វាហៀប ស្រុក ចូវថាញ់

លោកវេជ្ជបណ្ឌិត ង្វៀនវ៉ាន់អាន នាយករងនៃមជ្ឈមណ្ឌលសុខភាពស្រុក ចូវ ថាញ់ បានមានប្រសាសន៍ឲ្យដឹងថា៖ "វេជ្ជបណ្ឌិត យ៉ាញ់ង៉ុកចូវ ជាអនុប្រធាន នៃផ្នែកពិនិត្យជំងឺ តែងតែធ្វើជាគំរូល្អ បំពេញល្អភារកិច្ចដែលបានប្រគល់ជូន ហើយទទួលបានស្នាដៃឆ្នើមក្នុងសកម្មភាពពិនិត្យព្យាបាលជំងឺដោយឥតគិតថ្លៃក្នុងអំឡុងពេលជាច្រើនឆ្នាំជាប់ៗ គ្នា ត្រូវបានប្រជាជនដែលមានស្ថានភាពរស់នៅលំបាក បងប្អូនជនជាតិក្នុងតំបន់ទុកចិត្តស្រឡាញ់រាប់ អានយ៉ាងខ្លាំង"៕

ឌីណា