យុគសម័យ - ឯកអគ្គរដ្ឋទូតវៀតណាមប្រចាំប្រទេសអាល្លឺម៉ង់ លោក Nguyen Minh Vu បានទទួលជានិមិត្តរូបឧបករណ៍វេជ្ជសាស្រ្តដែលបានបរិច្ចាគដោយក្រុមហ៊ុនភាគហ៊ុន Techtronic Industries និងក្រុមហ៊ុនផ្ទះអាល្លឺម៉ង់ នៅទីក្រុងហូជីមិញ រួមទាំងម៉ាស៊ីនជំនួយដកដង្ហើម Savina ៣០០ ចំនួន ១៥ គ្រឿង ម៉ាស៊ីនតាមដានអាការៈអ្នកជំងឺចំនួន ៣០ គ្រឿង ដែលមានតម្លៃ ៣៥០.០០០ ដុល្លារអាមេរិកស្មើនឹង ៨ ពាន់លានដុង។
 ស្ថានអគ្គកុងស៊ុលអាល្លឺម៉ង់ប្រចាំទីក្រុងហូជីមិញផ្តល់អាហារ ចំនួន ៣០០កញ្ចប់ ដល់ប្រជាជនទីក្រុងហូជីមិញដែលជួបការលំបាក |
 អតីតយុទ្ធជនជួយតភ្ជាប់សហគមន៍វៀតណាមនៅអាល្លឺម៉ង់ |
 |
| ឯកអគ្គរដ្ឋទូត លោក Nguyen Minh Vu (ស្តាំ) ទទួលបានប័ណ្ណនិមិត្តរូបឧបករណ៍វេជ្ជសាស្ត្រពីក្រុមហ៊ុនផ្ទះអាល្លឺម៉ង់និងក្រុមហ៊ុន Techtronic Industries ។ (រូបថត៖ VNA) |
ទំនិញទាំងនេះបានបញ្ជូនទៅកាន់ប្រទេសវៀតណាម ហើយទទួលដោយគណៈកម្មការអចិន្ត្រៃយ៍នៃគណៈកម្មាធិការរណសិរ្សមាតុភូមិវៀតណាមនៅទីក្រុងហូជីមិញ។
នៅក្នុងពិធីប្រគល់អំណោយនេះ តំណាងក្រុមហ៊ុនអាល្លឺម៉ង់ចំនួនពីរបានចែករំលែកអំពីស្ថានភាពស្មុគស្មាញនៃជំងឺរាតត្បាតនៅវៀតណាមនិយាយរួមនិងទីក្រុងហូជីមិញនិយាយដោយឡែក។ លោក Horst Geicke ប្រធានក្រុមហ៊ុនផ្ទះអាល្លឺម៉ង់នៅទីក្រុងហូជីមិញសង្ឃឹមថា ការគាំទ្ររបស់ក្រុមហ៊ុនទាំងពីរ និងបណ្តាក្រុមហ៊ុនផ្សេងទៀតនិងមិត្តភក្តិជនជាតិអាល្លឺម៉ង់នឹងចូលរួមចំណែកជាមួយទីក្រុងហូជីមិញ ដើម្បីកំចាត់ជំងឺរាតត្បាតកូវីដ -១៩ ។
ឯកអគ្គរដ្ឋទូត លោក Nguyen Minh Vu បានថ្លែងអំណរគុណដល់ក្រុមហ៊ុនផ្ទះអាល្លឺម៉ង់និងក្រុមហ៊ុន Techtronic Industries ដែលបានឆ្លើយតបទៅនឹងការអំពាវនាវរបស់ស្ថានទូត ក្នុងការបរិច្ចាគឧបករណ៍វេជ្ជសាស្ត្រដល់ប្រទេសវៀតណាមនិងសម្តែងអំណរគុណដែលអាជីវកម្មនិងមិត្តភក្តិរបស់អាល្លឺម៉ង់និងអន្តរជាតិបានគាំទ្រវៀតណាមក្នុងគ្រាដ៏លំបាកនេះ។
ឯកអគ្គរដ្ឋទូតសង្ឃឹមថា ក្រុមហ៊ុននិងធុរកិច្ចអាល្លឺម៉ង់នឹងបន្តរួមដំណើរជាមួយវៀតណាម ដើម្បីជំនះលើគ្រាលំបាកនាបច្ចុប្បន្ន។ ទន្ទឹមនឹងនេះបន្តមានអារម្មណ៍នឹងនរចិត្តក្នុងការវិនិយោគនិងធ្វើអាជីវកម្មនៅវៀតណាម។
ក្នុងរយៈពេលកន្លងមក វៀតណាមទទួលបានវ៉ាក់សាំងសរុបជិត ៣.៥ លានដូសដែលផ្តល់ដោយរដ្ឋាភិបាលអាល្លឺម៉ង់។ រដ្ឋាភិបាលអាល្លឺម៉ង់បានសន្យា ជួយឧបត្ថម្ភវៀតណាមឧបករណ៍វេជ្ជសាស្រ្តដែលមានតំលៃប្រហែល ២០ ពាន់លានដុង ក្នុងនោះមានម៉ាស៊ីនដកដង្ហើម ៧៥ គ្រឿង ម៉ូនីទ័រតាមដានស្ថានភាពអ្នកជំងឺ ១៥ គ្រឿង ម៉ាស៊ីនវាស់ការប្រមូលផ្តុំអុកស៊ីសែនចំនួន ២០.០០០ គ្រឿង។ រដ្ឋ តំបន់និងអាជីវកម្មដទៃទៀតរបស់អាល្លឺម៉ង់ក៏បានគាំទ្រប្រទេសវៀតណាមឧបករណ៍ធ្វើតេស្ត៍រកមេរោគកូវីដ១៩ ឆាប់រហ័សចំនួន៨០០.០០០ ឈុត ម៉ាស់ពេទ្យរាប់សែននិងឧបករណ៍វេជ្ជសាស្ត្រជាច្រើន៕
ឯកអគ្គរដ្ឋទូត លោក Nguyen Minh Vu (ស្តាំ) ទទួលបានប័ណ្ណនិមិត្តរូបឧបករណ៍វេជ្ជសាស្ត្រពីក្រុមហ៊ុនផ្ទះអាល្លឺម៉ង់និងក្រុមហ៊ុន Techtronic Industries ។ (រូបថត៖ VNA)
មតិពីមិត្តអ្នកអាន