វៀតណាមរួមជាមួយសហគមន៍អន្តរជាតិខិតខំលុបបំបាត់អាវុធនុយក្លេអ៊ែរទាំងស្រុង

វៀតណាមនឹងបន្តធ្វើឲ្យជាក់ស្តែងនូវគោលដៅនៃការកសាងពិភពលោកមួយប្រកបដោយសន្តិភាព ស្ថិរភាពការ អភិវ​ឌ្ឍន៍ និងគ្មានអាវុធនុយក្លេអ៊ែរ

វៀតណាមគាំទ្ររាល់កិច្ចខិតខំប្រឹងប្រែងក្នុងការរំសាយចោលសព្វាវុធនិងមិនរីកសាយអាវុធនុយក្លេអ៊ែរ

វៀតណាមរួមជាមួយសហគមន៍អន្តរជាតិខិតខំលុបបំបាត់អាវុធនុយក្លេអ៊ែរទាំងស្រុង។ (រូបថត៖ yorkshirecnd.org.uk)

ថ្លែងនៅទីនេះ លោកឯកអគ្គរដ្ឋទូត Dang Dinh Quy ប្រធានស្ថានបេសកកម្ម វៀតណាមប្រចាំអ.ស.ប បានសង្កត់ធ្ងន់ទៅលើភាពចាំបាច់នៃការការពារមនុស្សលោក ពីអាវុធនុយក្លេអ៊ែរ ព្រមទាំងចាំបាច់ត្រូវចាត់វិធានការជាក់ស្ដែងដើម្បីអនុវត្តន៍មាត្រាទី៦ នៃសន្ធិសញ្ញាមិនរីកសាយភាយអាវុធនុយក្លេអ៊ែរ (NPT) ស្ដីពីការចរចាដោយស្មោះ ស្ម័គ្រឆ្ពោះទៅរកការលុបបំបាត់អាវុធនុយក្លេអ៊ែរគ្រប់ជ្រុងជ្រោយនិងដាច់ខាត។ ក្រៅ ពីនោះ ត្រូវការពង្រឹងយន្តការបង្ការប្រឆាំងនឹងការរីកសាយភាយអាវុធនុយក្លេអ៊ែរ ជំរុញ ការរំសាយយុទ្ធភ័ណ្ឌនុយក្លេអ៊ែរ ឆ្ពោះទៅការជំរុញសន្ធិសញ្ញាហាមឃាត់ការធ្វើតេស្តនុយក្លេអ៊ែរ គ្រប់ជ្រុងជ្រោយ (CTBT) ចូលជាធរមានក្នុងពេលឆាប់ៗ។

លោកឯកអគ្គរដ្ឋទូតបានបញ្ជាក់សារជាថ្មីម្ដងទៀតនូវគោលនយោបាយដ៏ឥត ងាករេរបស់វៀតណាមអំពីការបង្ការប្រឆាំងនឹងការរីកសាយភាយ ការរំសាយយុទ្ធភ័ណ្ឌ នុយក្លេអ៊ែរ ឆ្ពោះទៅរកលុបបំបាត់អាវុធនុយក្លេអ៊ែរទាំងស្រុង។ វៀតណាមជាសមាជិក នៃ NPT CTBT សន្ធិសញ្ញាហាមឃាត់អាវុធ នុយក្លេអ៊ែរ (TPNW) ហើយជានិច្ចកាល អនុវត្តន៍យ៉ាងម៉ឺងម៉ាត់កាតព្វកិច្ចរបស់ខ្លួន ព្រមទាំងត្រៀមខ្លួនជាស្រេចរួមដៃជាមួយ សហគមន៍អន្តរជាតិខិតខំលុបបំបាត់អាវុធនុយក្លេអ៊ែរទាំងស្រុងផងដែរ៕

យោងតាមវិឡុសំលេងវៀតណាម