សមាគមមិត្តភាពបារាំង-វៀតណាមបន្តរួបរួមសាមគ្គីគ្នាគាំទ្រវៀតណាម

ប្រទេសវៀតណាមទទួលវ៉ាក់សាំងបង្ការជំងឺកូវីដ-១៩ ពីប្រទេសបារាំងនិងអ៊ីតាលី

កាសែត Nhan Dan បញ្ជាក់ពីឋានៈរបស់ខ្លួននៅក្នុងពិធីបុណ្យសារព័ត៌មានមនុស្សធម៌បារាំងឆ្នាំ ២០២១

ឯកអគ្គរដ្ឋទូតវៀតណាមប្រចាំនៅបារាំង លោក Dinh Toan Thang (ទី ២ ពីឆ្វេង) បានជួបនិងធ្វើការជាមួយថ្នាក់ដឹកនាំសមាគមមិត្តភាពបារាំង - វៀតណាម (AAFV) នាថ្ងៃទី ២៧ ខែកញ្ញានៅទីក្រុងប៉ារីស។ (រូបថត៖ VNA)

ភាគីទាំងពីរបានពិភាក្សាលើបញ្ហាជាច្រើន ក៏ដូចជាផែនការដែលនឹងអនុវត្តនាពេលអនាគតដ៏ខ្លីខាងមុខនេះ ក្នុងគោលបំណងរួមចំណែកនាំទំនាក់ទំនងរវាងប្រទេសទាំងពីរឡើងដល់កម្រិតកម្ពស់ថ្មីមួយ។

ឯកអគ្គរដ្ឋទូត លោក Dinh Toan Thang បានបញ្ជាក់ថាលោកតែងតែគាំទ្រសកម្មភាពរបស់ AAFV និងរំពឹងទុក​ថា សមាជិករបស់សមាគមនេះបន្ត​ប្រកៀក​ស្មាជាមួយប្រជាជនវៀតណាម នាពេលបច្ចុប្បន្ន ក៏ដូចជាក្នុងការកសាងនិងអភិវឌ្ឍប្រទេសជាតិនាប៉ុន្មានឆ្នាំខាងមុខនេះ។

ថ្នាក់ដឹកនាំ AAFV បាននិយាយថា សមាគមបាននិងកំពុងបន្តមានសកម្មភាពជាច្រើន ដើម្បីគាំទ្រប្រទេសវៀតណាមដូចជាជួយដល់ប្រជាពលរដ្ឋដែលជួបការលំបាកនិងជនជាតិភាគតិច គាំទ្រជនរងគ្រោះដោយសារជាតិគីមីពុលពណ៌លឿងទុំនិងគាំទ្រលោកស្រី Tran To Nga ក្នុងការបណ្តឹងប្រឆាំងក្រុមហ៊ុនគីមីដែលផ្គត់ផ្គង់ថ្នាំសំលាប់ស្មៅដល់យោធាអាមេរិកបានប្រើប្រាស់ក្នុងសង្គ្រាមវៀតណាម រៀបចំសកម្មភាព​ផ្លាស់ប្តូរនិងមិត្តភាពរវាងប្រជាជននៃប្រទេសទាំងពីរ លើកតម្កើងរូបភាពវៀតណាមនៅប្រទេសបារាំង ... នាពេលខាងមុខនេះ AAFV នឹងបន្តជំរុញសកម្មភាពគាំទ្រនិងសាមគ្គីភាពជាមួយវៀតណាមរួមជាមួយវៀតណាម ចូលរួមជាមួយវៀតណាមក្នុងការប្រយុទ្ធប្រឆាំងនឹងជំងឺកូវីដ ១៩ បន្សាំខ្លួនទៅនឹងការប្រែប្រួលអាកាសធាតុ បណ្តុះបណ្តាលធនធានមនុស្សសម្រាប់ការអភិវឌ្ឍ។

ក្នុងឱកាសនេះ ប្រធានសមាគម AAFV ត្រូវបានអញ្ជើញនិងទទួល​ការយល់ព្រម​ពីឯកអគ្គរដ្ឋទូតលោក Dinh Toan Thang ឱ្យចូលរួមក្នុង​មហាសន្និបាតនៃគណៈកម្មាធិការប្រតិបត្តិរបស់ AAFV ដែលគ្រោងនឹងប្រព្រឹត្តទៅនៅខែវិច្ឆិកា។

AAFV បានបង្កើតឡើងក្នុងឆ្នាំ ១៩៦១ ក្នុងគោលបំណងគាំទ្រប្រជាជនវៀតណាមក្នុងការតស៊ូដើម្បីឯករាជ្យជាតិ។ ចាប់តាំងពីពេលនោះមក សមាគមតែងតែប្រកៀកជាមួយប្រជាជនវៀតណាម ក្នុងបុព្វហេតុកសាងនិងអភិវឌ្ឍប្រទេសជាតិ។

ដោយមានបណ្តាញសាខាធំទូលាយនៅទូទាំងខេត្ត/ក្រុងនៃប្រទេសបារាំង AAFV បាននិងកំពុងអនុវត្តសកម្មភាពវិជ្ជមានជាច្រើនដើម្បីតភ្ជាប់និងប្រមូលផ្តុំមិត្តភក្តិបារាំងដែលមានទំនាក់ទំនងជិត​ស្និទ្ធនិងស្រឡាញ់វៀតណាម៕

ឌីណា

Vietnam plus