មនោសញ្ចេនារបស់ប្រជាជនខេត្ត Khanh Hoa បានលៃទុកចំពោះជនបរទេស

ឧបនាយករដ្ឋមន្ត្រីវៀតណាមលោក Pham Binh Minh ទទួលជួបជាមួយគណៈប្រតិភូយុវជនរុស្ស៊ី

ឧទ្ទេសនាមគំនូរខ្មុកម្រ័ក្សណ៍វៀតណាមជាមួយមហាជនរុស្ស៊ីដែលស្រឡាញ់សិល្បៈ

សមាគមមិត្តភាពវៀតណាម - រុស្ស៊ីបានសម្របសម្រួលជាមួយសម្ព័ន្ធអង្គការមិត្តភាពនៃខេត្ត Khanh Hoa ដើម្បីប្រគល់អំណោយដល់ពលរដ្ឋរុស្ស៊ីដែលកំពុងជួបការលំបាក ដោយសារការរីករាលដាលនៃជំងឺកូវីដ ១៩ នៅខេត្ត Khanh Hoa។ (រូបថត៖VNA)

រួមដំណើរជាមួយសមាគមមិត្តភាពវៀតណាម - រុស្ស៊ីនៃខេត្ត Khanh Hoa បានចុះទៅដល់កន្លែងដែលមានជនជាតិរុស្ស៊ីរស់នៅ​ ក្នុងទីក្រុង Nha Trangដើម្បីប្រគល់អំណោយ យើងបានជួបអ្នកគ្រូម្នាក់​បង្រៀន​ភាសររុស្ស៊ី លោកស្រី Kontrabayeva Gulzhan ។ លោកស្រីបាននិយាយថាចាប់តាំងពីការផ្ទុះឡើងនូវការរីករាលដាល​នៃជំងឺកូវីដ ១៩ នៅខេត្ត Khanh Hoa ក៏ជាពេលដែលលោកស្រីត្រូវនៅផ្ទះ ដើម្បីបង្ការនិង​ទប់ស្កាត់នឹងការរីករាលដាល ដោយគ្មានប្រាក់ចំណូល ដូច្នេះវាពិបាកក្នុងការទិញគ្រឿង​បរិភោក​ ឧបភោក​និងសំភារៈចាំបាច់។ កាលពីមុនលោកស្រី Kontrabayeva Gulzhan បានជួលអាផាតមេនដែល​មាន​តំលៃចំ ៤ លានដុងក្នុងមួយខែ ស្ថិតនៅតំបន់ភាគខាងជើងនៃទីក្រុង។ ប៉ុន្តែ អស់រយៈពេលជាច្រើនខែជាប់ៗគ្នាដែលលោកស្រីមិនមាន​លុយ​បង់ថ្លៃផ្ទះថ្លៃទឹកនិងអគ្គីសនី។ ដោយសារការគាំទ្រពីសមាគមមិត្តភាពវៀតណាម - រុស្ស៊ីនៃខេត្ត Khanh Hoa លោកស្រីបានម្ចាស់ផ្ទះកាត់បន្ថយថ្លៃជួលមកត្រឹម ២,៥ លានដុង/ខែ។

សមាគមមិត្តភាពវៀតណាម - រុស្ស៊ីបានសម្របសម្រួលជាមួយសម្ព័ន្ធអង្គការមិត្តភាព Khanh Hoa ដើម្បីប្រគល់អំណោយដល់ពលរដ្ឋរុស្ស៊ីដែលកំពុងជួបការលំបាក ដោយសារការរីករាលដាលនៃជំងឺកូវីដ ១៩ នៅខាញ់ហូ។ (រូបថត៖ VNA)

“សាច់​ញ្ញាតិរបស់ខ្ញុំនៅប្រទេសរុស្ស៊ីក៏ជួបការលំបាកដែរ ដោយសារផលប៉ះពាល់នៃការរីករាលដាលនៃជំងឺ​កូវីដ ១៩ ដូច្នេះពួកគេមិនអាចជួយអ្វីបានច្រើនទេ ខណៈពេលដែលខ្ញុំរស់នៅខេត្ត Khanh Hoa ។ ដោយមានជំនួយពីប្រជាជននៅខេត្តនេះក្នុង​អំឡុងពេលនេះ ខ្ញុំនិងមិត្តភក្តិខ្ញុំជាច្រើននាក់ដឹងគុណយ៉ាងខ្លាំងណាស់” នេះបើតាមសម្តីរបស់លោកស្រី Kontrabayeva Gulzhan ។

លោក Duong Nam Khanh នាយករងទទួលបន្ទុកមន្ទីរកិច្ចការបរទេសខេត្ត Khanh Hoa (ខាងស្តាំ) ប្រគល់អំណោយដល់គ្រួសាររុស្ស៊ីគឺលោកស្រីឡារីសានិងលោកស្រី Larisa និង​លោក Denis ដែលកូនស្រីរបស់ពួកគេមានអាយុ ១១ ឆ្នាំនិងពិការជើង។ (រូបថត៖VNA)

ប្តី​ប្រពន្ធរបស់លោកស្រី Larisa និងលោក Denis Dugina (រុស្ស៊ី) មានស្ថានភាពពិសេសជាង។ ពួកគេមានកូនស្រីម្នាក់អាយុ ១១ ឆ្នាំពិការជើង ហើយបានរស់នៅទីក្រុង Nha Trang អស់រយៈពេលច្រើនឆ្នាំមកហើយ។ លោកស្រី Larisa បាននិយាយថា គ្រួសាររបស់លោកស្រីត្រូវបានប្រជាជននៅទីនេះយកចិត្តទុកដាក់យ៉ាងខ្លាំងនិង​បានទទួល​ការជួយឧបត្ថម្ភតាំងពីនំប៉័ងរហូតដល់អង្ករ។ “យើងបានចាប់អារម្មណ៍យ៉ាងខ្លាំងចំពោះរបៀបដែលរដ្ឋាភិបាលនិងប្រជាជនវៀតណាមកំពុងធ្វើការដើម្បីធានាថា គ្មាននរណាម្នាក់ត្រូវ​ទុក​ចោលនៅពីខាងក្រោយឡើយ។ ខ្ញុំពិតជាអរគុណប្រជាជនវៀតណាមចំពោះមនោសញ្ចេតនាដ៏ល្អប្រសើរដែលពួកគេមានចំពោះយើង។”

សមាគមមិត្តភាពវៀតណាម - រុស្ស៊ីបានសហការជាមួយសម្ព័ន្ធសមាគមមិត្តភាពខេត្ត Khanh Hoa ដើម្បីប្រគល់អំណោយនិងសម្ភារៈចាំបាច់ដល់ពលរដ្ឋរុស្ស៊ី ដែលជួបការលំបាក ដោយសារការរីករាលដាលនៃជំងឺកូវីដ ១៩ នៅខេត្ត Khanh Hoa។ (រូបថត៖ VNA)

លោកស្រី Nguyen Thi Thu Thanh ប្រធានសមាគមមិត្តភាពវៀតណាម - រុស្ស៊ីប្រចាំនៅខេត្ត Khanh Hoa បានឲ្យដឹងថា គណៈប្រតិភូបានអញ្ជើញចុះទៅសួរសុខទុក្ខឃុំនិងសង្កាត់ជាច្រើនដង ដើម្បីប្រគល់អំណោយនិងគាំទ្រជនបរទេសដែលរស់នៅក្នុងតំបន់កំពុងប្រឈមមុខនឹងការលំបាក ដោយសារជំងឺរាតត្បាតនេះ។

យោងតាមលោក Le Trung Hung ប្រធានសម្ព័ន្ធអង្គការមិត្តភាពនៃខេត្ត Khanh Hoa បានអោយដឹងថា ចាប់ពីខែមិថុនា ឆ្នាំ ២០២១ ដល់បច្ចុប្បន្ន សម្ព័ន្ធអង្គការមិត្តភាពខេត្ត Khanh Hoa បានសម្របសម្រួល​ជាមួយអង្គភាព អង្គការនិងបុគ្គលជាច្រើន ដើម្បីកៀរគរនិងរៃអង្គាសថវិកាបានរាប់ពាន់អំណោយ (រួម​មាន​គ្រឿងបរិភោក ឧបភោកនិង​វត្ថុ​ចាំបាច់) ហើយបានប្រគល់អំណោយចំនួន ៥ លើកដល់ពលរដ្ឋបរទេសនៅទីក្រុង Nha Trang ...

មិត្តអន្តរជាតិរីករាយ នៅពេលទទួលអំណោយគាំទ្រពីប្រជាជនខេត្ត Khanh Hoa ។ (រូបថត៖ VNA)

បានគេឲ្យដឹងថា ខេត្ត Khanh Hoa មានជនបរទេសជាង ៣.០០០ នាក់រស់នៅ សិក្សានិងធ្វើការក្នុងវិជ្ជាជីវៈផ្សេងៗគ្នា។ ដោយសារផលប៉ះពាល់នៃការរីករាលដាលនៃជំងឺកូវីដ ១៩ ពលរដ្ឋរុស្ស៊ីជាច្រើនត្រូវបង្ខំចិត្តនៅផ្ទះ ដូច្នេះជីវិតពិតជាលំបាកណាស់។ ខេត្ត Khanh Hoa មានសកម្មភាពគាំទ្រជាច្រើន។ មន្ទីរកិច្ចការបរទេសខេត្តបានបង្កើតលក្ខខណ្ឌល្អបំផុតសម្រាប់ជនបរទេសម្នាក់ៗ ដើម្បីធានាសុខភាពនិងសុវត្ថិភាព យកសំណាកសម្រាប់ការធ្វើតេស្តរកមេរោគកូវីដ -១៩ នៅក្នុងសហគមន៍...រៀចំការចាក់វ៉ាក់សាំងដោយឥតគិតថ្លៃជូន​ប្រជាជន​និង​ជនបរទេស​ក្នុងខេត្ត ដែល​មាន​អាយុ​ ចាប់ពី ១៨ ឆ្នាំ​ឡើង​ទៅ។ រហូតមកដល់បច្ចុប្បន្ននេះមានជនបរទេសជាង ២៥០ នាក់រស់នៅខេត្ត Khanh Hoa បានចាក់វ៉ាក់សាំងដូសដំបូងហើយ នឹងបន្តចាក់វ៉ាក់សាំងចំនួនប្រជាជននៅសល់ នាពេលអនាគត៕

ឌីណា

thoidai.com.vn