អង្គការ WVI ជួយឧបត្ថម្ភរខេត្ត Can Tho ក្នុងការបង្ការនិងប្រយុទ្ធប្រឆាំងនឹងជំងឺកូវីដ ១៩

ខេត្ត Can Tho ផ្តល់អំណោយចំនួន ១៧កញ្ចប់ ឧបត្ថម្ភដល់រនិស្សិតកម្ពុជាដែលជាប់គាំងនៅប្រទេសវៀតណាមដោយសារការរីករាលដាលនៃជំងឺកូវីដ-១៩

ខេត្ត Can Tho ជូនអំណោយជាក់ស្តែងក្នុងឱកាសបុណ្យចូលឆ្នាំថ្មីប្រពៃណីខ្មែរ

សម្ព័ន្ធអង្គការ​មិត្តភាពខេត្ត Can Tho ទទួលបានសម្ភារៈពេទ្យ​ជា​ជំនួយរបស់អង្គការ World Vision International (WVI/សហរដ្ឋអាមេរិក) ​ក្នុង​ការបង្ការប្រយុទ្ធប្រឆាំងនឹង​ជំងឺកូវីដ ១៩ ។

លោកស្រី Le Thi Thanh Giang ប្រធានសម្ព័ន្ធអ្គការមិត្តភាពខេត្ត Can Tho បាននិយាយឲ្យដឹងថា ដោយប្រឈមមុខនឹងការវិវត្តដ៏ស្មុគស្មាញនៃការរីករាលដាលនៃជំងឺកូវីដ ១៩ ទីក្រុង Can Tho បានអនុវត្តវិធានការរក្សាគម្លាតសង្គម តាមសារាចរណ៍ណែនាំលេខ ១៦ របស់រដ្ឋាភិបាលចាប់តាំងពីពាក់កណ្តាលខែកក្កដា។ អាជ្ញាធរ​គ្រប់ជាន់ថ្នាក់នៃទីក្រុងកំពុងផ្តោតលើការការពារ តាមរកនិងព្យាបាលអ្នកជំងឺផ្ទុក​មេរោគកូវីដ ១៩ ដូច្នេះតម្រូវការសម្ភារៈពេទ្យសម្រាប់ការបង្ការ ប្រយុទ្ធប្រឆាំងនិងព្យាបាលអ្នកជំងឺមានច្រើន ហើយត្រូវការជួយពីអង្គការនិងបុគ្គលក្នុងស្រុកនិងបរទេស។ ការជួយឧបត្ថរបស់អង្គការ WVI ធ្វើឱ្យមានការរួមចំណែកជាក់ស្តែងចំពោះការបង្ការ​និង​ប្រយុទ្ធប្រឆាំង​នឹងជំងឺនេះ ធានាសុខភាពប្រជាជនក្នុងតំបន់។

សម្ភារៈពេទ្យ រួមមាន ម៉ាស់ពេទ្យចំនួន ១.១៦៧ ប្រអប់ សម្លៀកបំពាក់ការពារចំនួន ៩៦៦ ឈុតនិងទឹកអាកុលសម្លប់មេរោគ ៥០០ ដបបានមកដល់សម្ព័ន្ធអង្គការ​មិត្តភាពខេត្ត Can Tho។

ប្រធានសម្ព័ន្ធអង្គការមិត្តភាពខេត្ត Can Tho បានបន្ថែមថា សម្ព័ន្ធអង្គការ​មិត្តភាព​ខេត្តនេះបានទទួលខុសត្រូវជាតួនាទី​ទទួលនិងចែកចាយសម្ភារៈពេទ្យទាំងនេះដល់មណ្ឌលសុខភាពនិងកងកម្លាំងជួរមុខក្នុងការប្រយុទ្ធប្រឆាំងនឹងជំងឺកូវីដ - ១៩ នៅទូទាំងតំបន់ទីក្រុង ដោយធានាបាននូវសិទ្ធិ គោលបំណងនិងខ្លឹមសារនៃជំនួយ។

WVI គឺជាអង្គការក្រៅរដ្ឋាភិបាលអាមេរិកដែលកំពុងប្រតិបត្តិការនៅប្រទេសវៀតណាមក្នុងវិស័យសន្តិសុខស្បៀងអាហារ កសិកម្ម ទឹកស្អាតនិងអនាម័យថាមពលកកើតឡើងវិញ ថាមពលប្រកបដោយនិរន្តរភាព មីក្រូហិរញ្ញវត្ថុ ការអភិវឌ្ឍសេដ្ឋកិច្ច ការបង្ការនិង​កាត់បន្ថយ​ផល​ប៉ះពាល់​នៃមហន្តរាយធម្មជាតិ ជួយ​សង្គ្រោះបន្ទាន់ ​ការប្រែប្រួល​អាសធាតុ និងការអប់រំ ការអភិវឌ្ឍនិងអប់រំកុមារនៅមតេយ្យសិក្សា គាំពារកុមារ សុខភាព ជំងឺអេដស៍/ការប្រឆាំងនឹងអំពើជួញដូរមនុស្ស ការគាំទ្រកុមារដែលមានស្ថានភាពលំបាក ពិសេសពិការភាពយេនឌ័រ ការធ្វើចលនានូវសិទ្ធិកុមារ ការកសាងសមត្ថភាពការចូលរួមនិងការការពារកុមារ៕

ឌីណា

thoidai.com.vn