កម្មវិធីនេះរៀបចំឡើងដោយសមាគមជនវៀតណាមនៅឆែក សហការជាមួយការិយាល័យរដ្ឋាភិបាលឆែកផងដែរ។
 ពិធីទទួលវ៉ាក់សាំងការពារជំងឺកូវីដ ១៩ ចំនួន ២៥០.៨០០ ដូសដែលបរិច្ចាគដោយសាធារណរដ្ឋឆែក |
 “ រឿងរបស់វៀតណាម” - ការតាំងពិព័រណ៍រូបថតបានជួយជនជាតិឆែកយល់ច្បាស់ពីទំនៀមទម្លាប់របស់វៀតណាម |
 |
| នាយករដ្ឋមន្រ្តីនៃសាធារណរដ្ឋឆែកបានវាយតម្លៃខ្ពស់ចំពោះទំនាក់ទំនងជាមួយវៀតណាមនិងឋានៈរបស់សហគមន៍ជនវៀតណាម |
នាថ្ងៃទី ៤ ខែកញ្ញា នាយករដ្ឋមន្រ្តីឆែកលោក Andrej Babis បានបំពេញទស្សនកិច្ចនិងជួបសំណេះសំណាលជាមួយតំណាងសហគមន៍ជនវៀតណាមទូទាំងសាធារណរដ្ឋឆែកនៅមជ្ឈមណ្ឌលពាណិជ្ជកម្ម Sapa ដែលជាមជ្ឈមណ្ឌលពាណិជ្ជកម្មធំបំផុតរបស់ជនវៀតណាមនៅអឺរ៉ុប មានទីតាំងរដ្ឋធានីប្រាក។ កម្មវិធីនេះរៀបចំឡើងដោយសមាគមជនវៀតណាមនៅឆែក សហការជាមួយការិយាល័យរដ្ឋាភិបាលឆែកផងដែរ។
ថ្លែងនៅក្នុងពិធីនេះ នាយករដ្ឋមន្រ្តីលោក Andrej Babis បានទទួលស្គាល់និងវាយតម្លៃខ្ពស់ចំពោះសហគមន៍ជនវៀតណាមនៅឆែកដែលជាផ្នែកមួយនៃសង្គមឆែក ដោយថ្លែងអំណរគុណ ដែលបងប្អូនបានរួមដៃគ្នាប្រយុទ្ធប្រឆាំងនឹងជំងឺកូវីដ ១៩។ លោកបានវាយតម្លៃខ្ពស់ចំពោះទំនាក់ទំនងប្រពៃណីរវាងប្រទេសទាំងពីរវៀតណាម - សាធារណរដ្ឋឆែកនិងបានសម្តែងបំណងប្រាថ្នាចង់បំពេញទស្សនកិច្ចនៅវៀតណាមក្នុងពេលឆាប់ៗនេះ ដើម្បីលើកកម្ពស់ទំនាក់ទំនងនៃប្រទេសទាំងពីរ ជាពិសេសលើវិស័យសេដ្ឋកិច្ចនិងពាណិជ្ជកម្ម។ យោងតាមនាយករដ្ឋមន្រ្តីរូបនេះ មជ្ឈមណ្ឌលពាណិជ្ជកម្ម Sapa មិនត្រឹមតែជាមជ្ឈមណ្ឌលពាណិជ្ជកម្មប៉ុណ្ណោះទេ ថែមទាំងជាកន្លែងតភ្ជាប់មិត្តភាពរវាងឆែក-វៀតណាមផងដែរ។
ក្នុងនាមសហគមន៍ជនវៀតណាមនៅសាធារណរដ្ឋឆែក ប្រធានសមាគមជនវៀតណាម លោកបណ្ឌិត Nguyen Duy Nhien បានឲ្យដឹងថា សហគមន៍ជនវៀតណាមគឺជាសហគមន៍ដែលមានការទទួលខុសត្រូវ តែងតែស្ម័គ្រចិត្តចែករំលែកការលំបាកជាមួយគ្នា។ បណ្ឌិត Nguyen Duy Nhien បានបញ្ជាក់ថា សហគមន៍វៀតណាមនៅទីនេះនឹងធ្វើសមាហរណកម្មកាន់តែស៊ីជម្រៅនិងមានគុណភាពល្អប្រសើរជាង រួមចំណែកបន្ថែមនិងអភិរក្សរូបភាពនៃក្រុមជនជាតិដើមគំរូក្នុងសង្គមប្រទេសសាមី៕
VOV5
មតិពីមិត្តអ្នកអាន