សមាគមមិត្តភាពកាណាដា-វៀតណាមប្រារព្ធខួបលើកទី ៧៦ឆ្នាំ នៃបដិវត្តន៍ខែសីហានិងទិវាជាតិថ្ងៃទី ២ ខែកញ្ញា

ស្ថានទូតវៀតណាមប្រចាំកម្ពុជា និងការិយាល័យអនុព័ន្ធយោធាវៀតណាមប្រចាំនៅកម្ពុជា អបអរសាទរខួបលើកទី ៧៦ នៃការបង្កើតកងទ័ពប្រជាជនវៀតណាម

អង្គការ Global Vision ប្រគល់ផ្ទះសប្បុរសធម៌ដែលមានតម្លៃ ៧៦ លានដុងនៅ Ben Tre

សមាគមមិត្តភាពកាណាដា-វៀតណាមប្រារព្ធខួបលើកទី ៧៦ នៃបដិវត្តន៍ខែសីហានិងទិវាជាតិថ្ងៃទី ២ ខែកញ្ញា

នៅថ្ងៃទី ២២ ខែសីហា សមាគមមិត្តភាពកាណាដា-វៀតណាម (CVFS) បានរៀបចំសិក្ខាសាលាតាមប្រព័ន្ធវីដេអូ ដើម្បីអបអរសាទរខួបលើកទី ៧៦ឆ្នាំ នៃបដិវត្តន៍ខែសីហា (១៩ សីហា ១៩៤៥ - ១៩ សីហា ២០២១) និងទិវាបុណ្យឯករាជ្យជាតិវៀតណាម (២ កញ្ញា ១៩៤៥ -២ កញ្ញា ២០២១) ។

ថ្លែងមតិនៅសិក្ខាសាលាឯកអគ្គរដ្ឋទូតវៀតណាមប្រចាំនៅកាណាដាលោក Pham Cao Phong បានសង្កត់ធ្ងន់លើសារៈសំខាន់អន្តរជាតិយ៉ាងជ្រាលជ្រៅនិងលក្ខណៈពិសេសនៃការបង្កើតរដ្ឋកម្មករនិងកសិករនៅវៀតណាម ដែលជាព្រឹត្តិការណ៍ដ៏រុងរឿងក្នុងប្រវត្តិសាស្ត្រកសាងប្រទេសនិងការពារប្រទេសជាតិ។

ក្នុងរយៈពេលពីរទសវត្សរ៍កន្លងមកនេះ វៀតណាមតែងតែស្ថិតក្នុងចំណោមប្រទេសដែលមានសេដ្ឋកិច្ចលូតលាស់លឿនបំផុតនៅលើពិភពលោក។ ក្នុងបរិបទនៃជំងឺរាតត្បាតសកលកូវីដ-១៩ អត្រាកំណើនផលិតផលក្នុងស្រុកសរុបរបស់វៀតណាមនៅឆមាសទី ១ ឆ្នាំនេះសម្រេចបាន ៥,៦៤%ដែលបង្ហាញថាវៀតណាមជាទិសដៅទាក់ទាញសម្រាប់សកម្មភាពសេដ្ឋកិច្ចនិងវិនិយោគ។

ក្នុងបរិបទដែលវៀតណាមកំពុងរងផលប៉ះពាល់ដោយជំងឺរាតត្បាតកូវីដ-១៩ ឯកអគ្គរដ្ឋទូត Pham Cao Phong បានសម្តែងនូវបំណងប្រាថ្នាថាមិត្តភក្តិអន្តរជាតិគាំទ្រវៀតណាមក្នុងការទទួលបានថ្នាំបង្ការជួយប្រជាជនវៀតណាមជម្នះលើគ្រាលំបាកនេះ។

សាស្រ្តាចារ្យ-បណ្ឌិត Pham Quang Minh-អនុប្រធានសមាគមមិត្តភាពវៀតណាម-កាណាដាបានផ្តល់នូវទិដ្ឋភាពទូទៅនៃជ័យជំនះដ៏ធំធេងក្នុងបុព្វហេតុរំដោះជាតិនិងការបង្រួបបង្រួមជាតិឡើងវិញ។ ក្នុងកិច្ចការពារនិងអភិវឌ្ឍន៍ប្រទេសវៀតណាម ស្ថានភាពបង្ការនិងគ្រប់គ្រងជំងឺកូវីដ-១៩ របស់វៀតណាម ...

លោកសាស្ត្រាចារ្យបណ្ឌិត Pham Quang Minh ក៏បានសង្កត់ធ្ងន់ថា៖ «ស្មារតីនៃបដិវត្តន៍ខែសីហាកំពុងបន្តលើកស្ទួយក្នុងបុព្វហេតុកសាងសង្គមនិយមនៅវៀតណាមនាពេលបច្ចុប្បន្ន ជាពិសេសក្នុងការប្រយុទ្ធប្រឆាំងនឹងជំងឺរាតត្បាតកូវីដ -១៩» ៕

ហេង វុធ្ធី

VNA