យុគសម័យ - មហាសន្និបាតអង្គការសហប្រជាជាតិកាលពីថ្ងៃទី ២ ខែមេសា បានអនុម័តសេចក្តីសម្រេចស្តីពីការរីករាលដាលនៃជំងឺរលាកផ្លូវដង្ហើមស្រួចស្រាវកីវីដ១៩ (Covid-19) ដោយបានអំពាវនាវឱ្យបង្កើនកិច្ចសហប្រតិបត្តិការអន្តរជាតិដើម្បីទប់ស្កាត់នឹងជំងឺដ៏គ្រោះថ្នាក់នេះ។
មហាសន្និបាតរបស់អង្គការសហប្រជាជាតិបានអនុម័តសេចក្តីសម្រេចចិត្តនៃការប្រយុទ្ធប្រឆាំងនឹងជម្ងឺរាតត្បាតកូវីដ១៩ (Covid-19) ជាលើកដំបូង (រូបភាព៖ UNESCO Globe)
នេះជាលើកដំបូងដែលមហាសន្និបាតអង្គការសហប្រជាជាតិបានអនុម័តសេចក្តីសម្រេចចិត្តស្តីពីជំងឺរាតត្បាតសលកកូវីដ១៩។ សេចក្តីសម្រេចចិត្តលេខ ៧៤/២៧០ បានចែងថាមហាសន្និបាតអង្គការសហប្រជាជាតិមានសមាជិកចំនួន ១៩៣ មានការព្រួយបារម្ភជាពិសេសអំពីការគំរាមកំហែងដល់សុខភាពសុវត្ថិភាពនិងវិបុលភាពរបស់មនុស្សក្នុងបរិបទដែលការរីករាលដាលនៃជម្ងឺរាតត្បាតកូវីដ១៩នៅតែបន្តផ្ទុះឡើងដ៏ស្មុគស្មាញនៅជំវិញពិភពលោក។
មហាសន្និបាតអង្គការសហប្រជាជាតិបានបញ្ជាក់ថាការទប់ស្កាត់ជម្ងឺរាតត្បាតសកលនេះត្រូវទាមទារឱ្យមានការឆ្លើយតបជាសកលដោយផ្អែកលើសាមគ្គីភាព ឯកភាពមតិនិងផ្លាស់ប្តូរថ្មីនៃកិច្ចសហប្រតិបត្តិការពហុភាគីផងដែរ។ អាស្រ័យហេតុនេះ សេចក្តីសម្រេចចិត្តក៏បានអំពាវនាវឱ្យ “ពង្រឹងកិច្ចសហប្រតិបត្តិការអន្តរជាតិដើម្បីបង្ការនិងទប់ស្កាត់ជំងឺរាតត្បាត រួមមានការផ្លាស់ប្តូរព័ត៌មាន ចំណេះដឹងវិទ្យាសាស្ត្រ និងមេរៀនជាក់ស្តែងដ៏ល្អបំផុត ព្រមទាំងអនុវត្តសេចក្តីណែនាំពាក់ព័ន្ធដែលបានឡើកឡើងដោយអង្គការសុខភាពពិភពលោក (WHO) "។
ម្យ៉ាងវិញទៀត មហាសន្និបាតអង្គការសហប្រជាជាតិបានអំពាវនាវឱ្យប្រព័ន្ធអង្គការសហប្រជាជាតិសហការជាមួយនឹងអង្គភាពពាក់ព័ន្ធនានាដើម្បីបង្កើតការសម្របសម្រួលព្រមៗនឹងគ្នាក្នុងការឆ្លើយតបនឹងជំងឺជាសកលនេះក៏ដូចជាផលប៉ះពាល់អវិជ្ជមាននានាដោយសារជំងឺឆ្លងកូវីដ១៩បាននាំមកនូវសេដ្ឋកិច្ចនិងសង្គមពិភពលោកផងដែរ៕
(បកប្រែដោយ ហេងវុធ្ធី)
(ប្រភពព័ត៌មាន: baoquocte.vn)
មតិពីមិត្តអ្នកអាន