បងប្អូនជនជាតិ Muong នៅឃុំ Cuc Phuong អភិវឌ្ឍសេដ្ឋកិច្ចតាមរយៈការចិញ្ចឹមសត្វ

ឃុំ Muong Va (ខេត្ត Son La) ជាមួយមុខម្ហូបអង្ករដំណើបប្រចាំតំបន់

ជនជាតិ Mong នៅខេត្ត Ha Giang ជាមួយនឹងបច្ចេកទេសដាំដំណាំតាមក្រហូងថ្ម

នាពេលថ្មីៗនេះ យើងខ្ញុំមានឱកាសមកទស្សនាផ្ទះរបស់លោក Dinh Van Lang ជាជនជាតិ Muong ដែលជាគំរូក្នុងការអភិវឌ្ឍសេដ្ឋកិច្ចល្អមួយនៅភូមិ Dong Bot ឃុំ Cuc Phuong។ នៅឆ្នាំ ២០១២ នៅពេលដែលផ្លូវថ្មីឆ្ពោះទៅភូមិត្រូវបានសាងសង់រួចរាល់ហើយ លោក Lang បានខ្ចីប្រាក់កម្ចីដើម្បីវិនិយោគក្នុងការចិញ្ចឹមពពែពូជ។ នៅបណ្តាឆ្នាំដំបូងនៃការចិញ្ចឹមពពែ លោកត្រូវតែយកពពែទៅលក់នៅភោជនីយដ្ឋាន។ មកទល់បច្ចុប្បន្ននេះ ម្ចាស់ភោជនីយដ្ឋានបានមកទិញពពែដល់ផ្ទះ។ ពីពពែមួយចំនួនក្បាលដែលបានចិញ្ចឹមដំបូង គ្រួសាររបស់លោក Lang ឥឡូវនេះមានពពែជាង ១០ ក្បាល។ ជារៀងរាល់ឆ្នាំ លោករកបានប្រាក់ចំណេញជាង ១០០ លានដុងពីការចិញ្ចឹមពពែ ។

ក្រៅពីទម្រង់ចិញ្ចឹមក្តាន់ និងពពែ នាពេលបច្ចុប្បន្ន នៅឃុំ Cuc Phuong ក៏មានទម្រង់ចិញ្ចឹមឃ្មុំយកទឹកឃ្មុំផងដែរ។ អ្នកនាំមុខគេក្នុងចលនានេះគឺគ្រួសាររបស់លោក Dinh Minh Chau នៅភូមិ Dong Tam។ លោក Chau បានចែករំលែកថា ដោយឃើញថាស្រុកកំណើតមានសក្តានុពលជាច្រើនសម្រាប់ការអភិវឌ្ឍ លោកបានអនុវត្តទម្រង់ចិញ្ចឹមឃ្មុំយកទឹកឃ្មុំ។ អាស្រ័យដោយធម្មជាតិអំណោយផលពីព្រៃជាតិ Cuc Phuong ម៉្លោះហើយ ឃ្មុំដែលចិញ្ចឹមដោយក្រុមគ្រួសារលោក Chau មិនមានពេលណាខ្វះលំអងនោះទេ។ អាស្រ័យហេតុនោះ លោក Chau មានផលិតផលទឹកឃ្មុំធម្មជាតិសុទ្ធសាធដែលទាក់ទាញចំណាប់អារម្មណ៍ភ្ញៀវទេសចរជាច្រើនណាស់។ ជារៀងរាល់ឆ្នាំ លោករកចំណូលបានជិត ១០០ លានដុង។

បច្ចុប្បន្ននេះ ឧស្សាហកម្មចិញ្ចឹមសត្វនៅឃុំ Cuc Phuong មានការអភិវឌ្ឍជាបណ្តើរៗ។ នៅក្នុងឃុំមានសមាជិកសមាគមកសិករជាង ៧៥% បានចូលរួមក្នុងចលនាប្រឡងប្រណាំងផលិត និងធ្វើអាជីវកម្មល្អ។ ទម្រង់ធ្វើអាជីវកម្មនៅក្នុងវិស័យចិញ្ចឹមសត្វ បានជួយក្រុមគ្រួសារនានានៅក្នុងឃុំដែលជួបការលំបាក រួចផុតពីភាពក្រីក្រ៕

kh.qdnd.vn