ធ្វើដំណើរតាមបណ្តោយផ្លូវហូជីមិញ យើងបានមកដល់ឃុំ Trung Son ស្រុក A Luoi ខេត្ត Thua Thien Hue។ នៅតំបន់ព្រំដែននេះ យើងបានជួបជនជាតិភាគតិចរាប់រយនាក់ដូចជា៖ Ta Oi, Co Tu និង Van Kieu... ដែលនាំយកផ្លែឈើ រួមជាមួយអង្ករ និងសណ្តែកដីដែលទើបតែប្រមូលផល ដើម្បីផ្ញើទៅប្រជាជននៅបណ្តាខេត្តភាគខាងត្បូង ដែលកំពុងអនុវត្តការរក្សាគម្លាតសង្គមដោយសារជំងឺរាតត្បាត Covid-19។
 ជួយឧបត្ថម្ភរពលករដែលមានស្ថានភាពលំបាក ដោយសារការរីករាលដាលនៃជំងឺ Covid-19 |
 មូលនិធិវ៉ាក់សាំង COVID-១៩ ទទួលបាន ថវិការចំនួន៨,១៨៥ ពាន់លានដុង |
លោក Le Dinh Sinh អ្នកស្រុកម្នាក់ បានចែករំលែកថា៖ “ឆ្នាំមុន ស្រុក A Luoi បានរងផលប៉ះពាល់យ៉ាងធ្ងន់ធ្ងរដោយសារទឹកជំនន់ និងការបាក់ដី ប្រជាជនយើងខ្ញុំបានបាត់បង់អ្វីៗទាំងអស់។ អាស្រ័យដោយមានជនរួមជាតិនៅទូទាំងប្រទេស ក្នុងនោះមានជនរួមជាតិភាគខាងត្បូងជាច្រើនបានយកចិត្តទុកដាក់ និងផ្តល់គ្រឿងឧបភោគបរិភោគឲ្យយើងខ្ញុំបានពុះពារការលំបាកនេះដើម្បីវិលទៅរកជីវភាពរស់នៅធម្មតាឡើងវិញ។ ថ្មីៗនេះ ដោយបានដឹងគណៈកម្មាធិការរណសិរ្សមាតុភូមិស្រុកអំពាវនាវការជួយឧបត្ថម្ភពីប្រជាជននោះ ខ្ញុំនិងប្រជាជនគ្រប់រូបបានឆ្លើយតបដោយភាពរីករាយជាភ្លាមៗថា អ្នកណាមានអ្វី សូមចូលរួមចំណែកមួយហ្នឹង បើមិនមានកសិផល សូមរួមវិភាគទានជាទឹកប្រាក់។ យើងខ្ញុំសង្ឃឹមថាប្រជាជននៅបណ្តាខេត្តភាគខាងត្បូងនឹងជម្នះពុះពារជំងឺរាតត្បាតនាពេលឆាប់ៗ”។
 |
| ប្រជាជនស្រុក A Luoi វេចខ្ចប់កសិផលដើម្បីជូនប្រជាជននៅបណ្តាខេត្តភាគខាងត្បូង |
មិនត្រឹមតែរួមចំណែកកសិផលដែលប្រជាជនអាចដាំដុះដោយខ្លួនឯងបានទេ នាពេលថ្មីៗនេះ សមាគមសម្ព័ន្ធនារី សម្ព័ន្ធយុវជន សហជីព និងគ្រូបង្រៀន ... នៅឃុំ និងទីរួមស្រុកចំនួន ១៨ នៃស្រុក A Luoi ក៏បានជូនប្រាក់បៀវត្ស ១ ថ្ងៃ ព្រមទាំងទិញគ្រឿងផ្សំហើយធ្វើម្ហូបដោយខ្លួនឯងដើម្បីជូនប្រជាជននៅភាគខាងត្បូងក្នុងអំឡុងពេលរាក្សាគម្លាតសង្គម។ លោកស្រី Ho Thi Hong Le ប្រធានសមាគមសម្ព័ន្ធនារីទីរួមស្រុក A Luoi បានឲ្យដឹងថា៖ “មកទល់បច្ចុប្បន្ននេះ យើងខ្ញុំបានធ្វើម្ហូបអាហារចំនួន ១០០ គីឡូក្រាម ហើយកៀរគរទឹកប្រាក់បានចំនួន ៣.៦ លានដុង ដើម្បីជួយគាំទ្រដល់ប្រជាជននៅបណ្តាខេត្តភាគខាងត្បូង ដើម្បីប្រយុទ្ធប្រឆាំងនឹងជំងឺរាតត្បាត”។
បន្ទាប់ពីអំពាវនាវតែមួយរយៈពេលខ្លីប៉ុណ្ណោះ មកទល់បច្ចុប្បន្ននេះ គណៈកម្មាធិការរណសិរ្សមាតុភូមិស្រុក A Luoi ទទួលបានផ្លែចំនួន ១២ តោន; អាហារកែច្នៃចំនួន ១០០ គីឡូក្រាម; អង្ករ មី មីសួចំនួន ៣.៥ តោន... និងទឹកប្រាក់ចំនួន ៦០ លានដុង ពីអង្គការ និងបុគ្គលដើម្បីទិញគ្រឿងឧបភោគបរិភោគ។ បណ្តាឡានក្រុងដំបូងនៃ“ដំណើរដឹកជញ្ជូនមនោសញ្ចេតនា” ពីជនជាតិភាគតិចនៅស្រុក A Luoi បានឆ្ពោះទៅកាន់ភាគខាងត្បូងហើយ។ លោកស្រី Le Thi Mai Loan អនុប្រធានគណៈកម្មាធិការរណសិរ្សមាតុភូមិស្រុក A Luoi បានចែករំលែកថា៖ “បច្ចុប្បន្ននេះ យើងខ្ញុំនៅតែទទួលការបរិច្ចាគដើម្បីមានដំណើរឡានក្រុងបន្ថែមទៀតដល់ប្រជាជននៅក្នុងតំបន់ដែលមានជំងឺរាតត្បាត”៕
kh.qdnd.vn
មតិពីមិត្តអ្នកអាន