នៅពេលមកដល់តំបន់ខ្ពង់រាប Moc Chau (ស្រុក Moc Chau ខេត្ត Son La វៀតណាម) ភ្ញៀវទេសចរមិនត្រឹមតែគយគន់កូនភ្នំដំណាំតែខៀវស្រងាត់ វាលស្ពៃពណ៌លឿង ពណ៌សប៉ុណ្ណោះទេ ថែមទាំងបានសម្របខ្លួនក្នុងបរិយាកាសដ៏សប្បាយរីករាយនៃផ្សារណាត់នៅតំបន់ខ្ពង់រាប ហើយបានជ្រើសរើសផលិតផលរបស់បងប្អូនជនជាតិ Mong និង Thai ទៀតផង។
 ដើម្បីសុវត្ថិភាពរបស់រដ្ឋធានី |
 ខិតខំប្រឹងប្រែងអស់ពីកម្លាំងកាយចិត្តជួយដល់ប្រជាជននៅតាមតំបន់ព្រំដែន |
ជារៀងរាល់ថ្ងៃ នៅម៉ោង ៤ ព្រឹក អ្នកស្រី Ha Thi Xua នៅទីរួមស្រុក Moc Chau (ស្រុក Moc Chau) បានកាត់បន្លែស្ពៃ ហើយដឹកទៅលក់នៅតំបន់កូនភ្នំតែនៃកសិដ្ឋាន Moc Chau។ ជាធម្មតា នៅតំបន់នេះមានភ្ញៀវទេសចរជាច្រើនមកទស្សនា និងថតរូប ហើយនៅពេលត្រឡប់មកផ្ទះវិញ ពួកគេនឹងជ្រើសរើសទិញកសិផលជាកាដូ។ អ្នកស្រី Xua បានចែករំលែកថា “ខ្ញុំបានលក់បន្លែនៅទីនេះអស់រយៈពេលជាយូរមកហើយ។ បន្លែដាំដោយផ្ទាល់ដៃនៃគ្រួសារ ហើយបានលក់អស់នៅផ្សារ។ បងប្អូននៅទីនេះសប្បាយរីករាយណាស់ ព្រោះបើលក់អស់ហើយពួកគេនឹងមានលុយទិញរបស់របរ និងថែរក្សាការអប់រំកូនៗ របស់ពួកគេ”។
 |
| សម្លៀកបំពាក់ជាច្រើនត្រូវបានដាក់លក់សម្រាប់ភ្ញៀវទេសចរនៅតំបន់កូនភ្នំតែនៃកសិដ្ឋាន Moc Chau |
កាលពីមុន អ្នកស្រី Xua និងគ្រួសារជាច្រើននៅទីរួមស្រុក Moc Chau គ្រាន់តែដាំដំណាំសម្រាប់ប្រើប្រាស់ក្នុងផ្ទះតែប៉ុណ្ណោះ។ បើចង់លក់ ពួកគេត្រូវទៅឆ្ងាយណាស់។ ដោយឃើញថាតំបន់កូនភ្នំតែមានភ្ញៀវទេសចរជាច្រើនមកទស្សនា បងប្អូននៅទីនេះបាននាំយកកសិផលមកដាក់លក់។ នៅគ្រាដំបូង ទំនិញដែលបានដាក់លក់នៅទីនេះមានតែបន្លែ និងផ្លែឈើប៉ុណ្ណោះ។ បន្ទាប់មក អ្នកលក់នៅកន្លែងផ្សេងទៀតបាននាំយកផលិតផលបន្ថែមទៀតដើម្បីបម្រើតម្រូវការរបស់អតិថិជន ជាពិសេសសម្លៀកបំពាក់របស់ជនជាតិ Mong។ ភ្ញៀវទេសចរអាចទិញ ឬជួលសម្លៀកបំពាក់នៅតូប ដើម្បីថតរូបនៅកូនភ្នំតែ។ បង Pham Ngoc Thanh ភ្ញៀវទេសចរមកពីទីក្រុងហាណូយបានចែករំលែកថា៖ “មកទីនេះ យើងខ្ញុំមានអារម្មណ៍ថា បានរស់នៅក្នុងជីវភាពរស់នៅដ៏សាមញ្ញរបស់ជនជាតិភាគតិច។ ទំនិញមានតម្លៃសមរម្យ ដូច្នេះភ្ញៀវទេសចរគ្រប់រូបបានជ្រើសរើសទិញផលិតផលមួយចំនួនជាកាដូ”។
ក្រៅពីកសិផលធម្មតា ផ្សារក៏មានផលិតផលដែលមានគុណភាពខ្ពស់ដែលបានផលិតតាមគំរូ VietGAP ឬផលិតផល OCOP ក្នុងស្រុក។ ផ្សារជាកន្លែងធ្វើពាណិជ្ជកម្ម និងដោះដូរទំនិញផង ព្រមទាំងចូលរួមចំណែកណែនាំ និងផ្សព្វផ្សាយផលិតផលប្រចាំតំបន់ដល់ភ្ញៀវទេសចរផង។ លោក Nguyen Dai Thang អនុប្រធានសមាគមកសិករស្រុក Moc Chau បានមានប្រសាសន៍ថា៖ “ទន្ទឹមនឹងការផលិតកសិផល អ្នកតំបន់នេះក៏បានម្ចាស់ការលក់ទំនិញតាមរយៈផ្សារប្រពៃណី ជាពិសេសតម្លៃផលិតផលជាច្រើនត្រូវបានលើកកម្ពស់ អាស្រ័យដោយផ្សាភ្ជាប់ជាមួយសកម្មភាពទេសចរណ៍។ អាជ្ញាធរដែនដីតែងតែលើកទឹកចិត្តសកម្មភាពផ្សាភ្ជាប់ផលិតកម្មកសិផល ជាមួយទេសចរណ៍ ដើម្បីជួយលើកកម្ពស់ជីវភាពរស់នៅរបស់ប្រជាជន៕
kh.qdnd.vn
មតិពីមិត្តអ្នកអាន