ភូមិ Ia Der ឃុំ Ia Toi ស្រុក Ia H'Drai ខេត្ត Kon Tum មានប្រជាជនជាជនជាតិភាគតិចចំនួន ៨០%។ ដោយយល់ដឹងពីស្ថានភាពក្រីក្ររបស់ប្រជាជន លោក Le Viet Vinh ជាគិលានុបដ្ឋាកនៃក្រុមលេខ១ អង្គភាពទ័ពលេខ ១៥ មានទង្វើជាក់ស្តែងដ៏មានអត្ថន័យដើម្បីជួយដល់ប្រជាជន។
 គ្រាប់អង្ករពោរពេញទៅដោយមនោសញ្ចេតនាដ៏ថ្លៃថ្លានៅឯតំបន់ព្រំដែន |
 យកចិត្តទុកដាក់និងមើលថែទាំកុមារ នៅតាមតំបន់ព្រំដែនដោយអស់ពីទឹកដួងចិត្ត |
រំលឹកអំពីរឿង “ឆ្លងទន្លេ” កាលពី ៩ ឆ្នាំមុន អ្នកស្រី Pham Thi Mui ជនជាតិថៃនៅភូមិ Ia Der នៅតែញ័ររន្ធត់ដែរ។ នៅពាក់កណ្តាលអធ្រាត្រ នាងឈឺពោះជិតសម្រាលកូន បែកទឹកភ្លោះហើយ។ ភ្លៀងធ្លាក់ខ្លាំង ផ្លូវភក់រអិល ហើយឡានពេទ្យមិនអាចទៅបានទៀតទេ។ ក្នុងកាលៈទេសៈនោះ លោក Le Viet Vinh បានសំរេចចិត្តធ្វើជា “ឆ្មប” ជួយលោកស្រី “ឆ្លងទន្លេ” ដោយជោគជ័យ។
 |
| លោក Le Viet Vinh (ទី ២ រាប់ពីស្តាំ) ត្រូវបានប្រជាជននៅភូមិ Ia Der ស្រឡាញ់ដូចជាសមាជិកក្នុងគ្រួសារ |
អ្នកស្រី Pham Thi Mui បានចែករំលែកថា ប្រសិនបើគ្មានលោក Vinh នោះ ខ្ញុំមិនដឹងថាទៅជាយ៉ាងណាដែរ។ នៅពេលយើងខ្ញុំសួរពីរឿងលោក Vinh ជួយសង្គ្រោះជីវិត និងព្យាបាលជំងឺអ្នកភូមិនោះ អ្នកភូមិ Ia Der ចាំមិនអស់ឡើយ។ គេគ្រាន់តែដឹងថា ក្នុងរយៈពេល ៨ ឆ្នាំដែលធ្វើការនៅក្រុមលេខ១ មិនថាយប់ឬថ្ងៃ មិនថាភ្លៀងធ្លាក់ឬថ្ងៃក្តៅខ្លាំង នៅពេលបងប្អូនត្រូវការគឺបង Vinh មានវត្តមានភ្លាម។ គាត់បានជួយមនុស្សជាច្រើនដែលរងគ្រោះដោយគ្រោះថ្នាក់ការងារ គ្រោះថ្នាក់ចរាចរណ៍ ពុលអាហារ ពស់ខាំ ... ជាពិសេសកាលពីមុន ប្រជាជននៅតែមានទំនៀមទម្លាប់ហួសសម័យ នៅពេលឈឺមិនទៅពេទ្យទេដែលគេអញ្ជើញគ្រូធ្មប់មកដេញខ្មោចវីញ។ លោក Vinh ត្រូវទៅដល់ផ្ទះនីមួយៗដើម្បីផ្សព្វផ្សាយឲ្យមនុស្សគ្រប់គ្នាមានការយល់ដឹងអំពីជំងឺនានា។ លោកណែនាំប្រជាជនឲ្យចេះសម្អាតទីសាធារណៈ អនាម័យផ្ទាល់ខ្លួន និងបង្ការជំងឺផ្សេងៗ ដូចជាគ្រុនចាញ់ គ្រុនឈាមជាដើម។
មិនត្រឹមតែជួយប្រជាជនព្យាបាលជំងឺ និងថែរក្សាសុខភាពប៉ុណ្ណោះទេ លោក Vinh ក៏ជួយប្រជាជនលុបបំបាត់ភាពអត់ឃ្លាន កាត់បន្ថយភាពក្រីក្រដែរ។ ដើម្បីឱ្យប្រជាជនមានលទ្ធភាពទទួលបានប្រាក់កម្ចីយ៉ាងឆាប់រហ័សពីគោលនយោបាយរបស់រដ្ឋ លោក Vinh បានចូលរួមយ៉ាងសកម្មក្នុងការងាររបស់គណៈកម្មាធិការរណសិរ្សមាតុភូមិ និងធ្វើជាប្រធានក្រុមប្រាក់កម្ចី។ ជារៀងរាល់ឆ្នាំ គាត់ជួយគ្រួសារជាច្រើនខ្ចីបានប្រាក់រាប់រយលានដុង។ លើសពីនេះទៅទៀត គាត់ក៏ស្វែងរកប្រភពជួយគាំទ្រនូវពូជសត្វ ពូជដំណាំពីមូលដ្ឋាននានាសម្រាប់ជូនប្រជាជនទៀតផង និងណែនាំប្រជាជនឲ្យចេះប្រើប្រាស់ប្រាក់កម្ចីប្រកបដោយប្រសិទ្ធភាពដើម្បីបង្កបង្កើនផល និងចិញ្ចឹមសត្វ។ អាស្រ័យហេតុនេះ គ្រួសារជាច្រើនដែលពីមុនចេះតែពឹងផ្អែកលើប្រាក់ខែពីការថែទាំកៅស៊ូនោះ ឥឡូវទទួលបានប្រាក់រាប់សិបលានដុងបន្ថែមទៀតក្នុងមួយឆ្នាំពីចំការហើយ៕
kh.qdnd.vn
មតិពីមិត្តអ្នកអាន