Trending now

លោកឯកអគ្គរដ្ឋទូត Ha Kim Ngoc៖ ជំនួយវ៉ាក់សាំងពីអាមេរិកគឺជាការចែករំលែកទាន់ពេលវេលា និងមានអត្ថន័យសម្រាប់វៀតណាម

10:35 | 26/07/2021 យោងតាមកាសែតកងទ័ពប្រជាជន

វ៉ាក់សាំងការពារ Covid-19 ជាង ៣ លានដូសដែលឧបត្ថម្ភដោយអាមេរិក ត្រូវបានបញ្ជូនទៅវៀតណាមនៅថ្ងៃទី ២៤ ខែកក្កដា។ ក្នុងឱកាសនេះ អ្នកយកព័ត៌មាននៃវិទ្យុសម្លេងវៀតណាម បានជួបសម្ភាសន៍ជាមួយឯកអគ្គរដ្ឋទូតវៀតណាមប្រចាំអាមេរិក លោក Ha Kim Ngoc។

លោកឯកអគ្គរដ្ឋទូត Vu Quang Minh បានជូនពរពិធីបុណ្យចូលឆ្នាំថ្មីប្រពៃណីដល់សហគមន៍ប្រជាជនមានដើមកំណើតវៀតណាមនៅប្រទេសកម្ពុជា លោកឯកអគ្គរដ្ឋទូត Vu Quang Minh បានជូនពរពិធីបុណ្យចូលឆ្នាំថ្មីប្រពៃណីដល់សហគមន៍ប្រជាជនមានដើមកំណើតវៀតណាមនៅប្រទេសកម្ពុជា
លោកឯកអគ្គរដ្ឋទូត Pham Hai Anh៖ ពង្រឹងកិច្ចសហប្រតិបត្តិការរវាង AL និងអង្គការសហប្រជាជាតិ លោកឯកអគ្គរដ្ឋទូត Pham Hai Anh៖ ពង្រឹងកិច្ចសហប្រតិបត្តិការរវាង AL និងអង្គការសហប្រជាជាតិ
ឯកអគ្គរដ្ឋទូតវៀតណាមប្រចាំអាមេរិក លោក Ha Kim Ngoc  (រូបថត៖ vov.vn)
ឯកអគ្គរដ្ឋទូតវៀតណាមប្រចាំអាមេរិក លោក Ha Kim Ngoc (រូបថត៖ vov.vn)

អ្នកយកព័ត៌មាន៖ តើលោកឯកអគ្គរដ្ឋទូតវាយតម្លៃយ៉ាងដូចម្ដេចចំពោះចំនួនវ៉ាក់សាំងការពារ Covid-19 លើកទី ២ ដែលបានបញ្ជូនទៅឲ្យវៀតណាមតាមរយៈយន្តការ COVAX ក្រោមការជួយឧបត្ថម្ភដោយអាមេរិក?

លោកឯកអគ្គរដ្ឋទូត Ha Kim Ngoc៖ ដូចដែលយើងបានដឹងហើយថា កាលពីថ្ងៃទី ១០ ខែកក្កដា រដ្ឋាភិបាលអាមេរិកបានផ្តល់វ៉ាក់សាំង Moderna ចំនួន ២ លានដូសដំបូងដើម្បីឧបត្ថម្ភដល់វៀតណាមតាមរយៈកម្មវិធី COVAX។ ក្នុងបរិបទការវិវឌ្ឍដ៏ស្មុគស្មាញនៃជំងឺរាតត្បាត Covid-19 នៅវៀតណាម រដ្ឋាភិបាលអាមេរិកបានសំរេចចិត្តបន្តផ្តល់វ៉ាក់សាំង Moderna ជាង ៣ លានដូសបន្ថែមទៀតជូនវៀតណាម ហើយចំនួនវ៉ាក់សាំងលើកទី ២ នេះទើបតែបានបញ្ជូនមកកាន់វៀតណាមកាលពីថ្ងៃទី ២៤ ខែកក្កដា។ មកទល់បច្ចុប្បន្ននេះ អាមេរិកបានឧបត្ថម្ភវ៉ាក់សាំងចំនួន ៥ លានដូសដល់វៀតណាមហើយ ក្នុងចំណោមចំនួនសរុប ២៣ លានដូសសំរាប់ប្រទេស និងដែនដីចំនួន ២០ នៅអាស៊ី។ ភាគីអាមេរិកក៏បានឲ្យដឹងថា អាមេរិកកំពុងពិចារណាផ្ដល់ជំនួយបន្ថែមទៀតដល់វៀតណាមនាពេលខាងមុខ។ នេះគឺជាការចែករំលែកទាន់ពេលវេលា និងមានអត្ថន័យសម្រាប់វៀតណាម។

បច្ចុប្បន្ននេះ តំរូវការរបស់ប្រទេសនានាសំរាប់ប្រភពវ៉ាក់សាំងពីអាមេរិកគឺមានសម្បើមណាស់។ អាមេរិកកំពុងដាក់ពង្រាយជំនួយដល់ប្រទេស និងដែនដីចំនួនជិត ៥០ នៅលើពិភពលោក។ ដើម្បីធានាការផ្គត់ផ្គង់វ៉ាក់សាំងនេះដល់ដៃគូរបស់ខ្លួនឱ្យបានឆាប់បំផុត ភាគីអាមេរិកបានជ្រើសរើសបណ្តាញចែកចាយជាផ្លូវការតាមរយៈយន្តការ COVAX ដូចដែលអាមេរិកបាន និងកំពុងធ្វើជាមួយវៀតណាម។

អ្នកយកព័ត៌មាន៖ យោងតាមលោកឯកអគ្គរដ្ឋទូត តើមានអ្វីខ្លះដែលគួរចាប់អារម្មណ៍នៅពេលដែលស្វែងរកប្រភពផ្គត់ផ្គង់វ៉ាក់សាំង និងសម្ភារៈបរិក្ខារពេទ្យពីអាមេរិក សម្រាប់ការបង្ការ និងប្រយុទ្ធប្រឆាំងនឹងជំងឺរាតត្បាត Covid-19?

លោកឯកអគ្គរដ្ឋទូត Ha Kim Ngoc៖ ក្នុងការអនុវត្តជាបន្ទាន់ និងយ៉ាងប្តូរផ្តាច់នូវការស្វែងរកប្រភពវ៉ាក់សាំង ក៏ដូចជាសម្ភារៈបរិក្ខារពេទ្យសម្រាប់ការបង្ការ និងប្រយុទ្ធប្រឆាំងនឹងជំងឺរាតត្បាត Covid-19 ស្ថានទូតវៀតណាមប្រចាំអាមេរិកបានទទួលការយកចិត្តទុកដាក់ ការបញ្ជារណែនាំពីថ្នាក់ដឹកនាំជាន់ខ្ពស់ ក្រសួងការបរទេស ក្រសួងសុខាភិបាល និងស្ថាប័នពាក់ព័ន្ធនានាក្នុងស្រុក។ យើងក៏ទទួលបានការគាំទ្រ និងការសម្របសម្រួលយ៉ាងជិតស្និទ្ធពីសហគមន៍ធុរកិច្ចអាមេរិកនៅវៀតណាម។ បុគ្គល និងអង្គការវៀតណាមជាច្រើននៅអាមេរិកក៏បានខិតខំប្រឹងប្រែង ក្នុងការជំរុញការទទួលប្រភពវ៉ាក់សាំង ថ្នាំព្យាបាល និងសម្ភារៈបរិក្ខារពេទ្យរបស់ប្រទេសសាមី។

ស្តីពីការគ្រប់គ្រង និងចែកចាយវ៉ាក់សាំង ភាគីអាមេរិកចាត់ទុកវ៉ាក់សាំងគឺជាបញ្ហាសន្តិសុខជាតិ ដូច្នេះវ៉ាក់សាំងត្រូវបានគ្រប់គ្រងយ៉ាងតឹងរឹងពីផលិតកម្ម និងការចែកចាយនៅអាមេរិក ក៏ដូចជាការផ្គត់ផ្គង់ទៅប្រទេសដទៃទៀត។ ក្នុងរយៈពេលកន្លងមក ស្ថានទូតវៀតណាមបានកៀរគរប្រភពផ្គត់ផ្គង់វ៉ាក់សាំងជាច្រើន រួមទាំងប្រភពមកពីរដ្ឋ និងមូលដ្ឋានដទៃទៀត សប្បុរសជន សមាគម ក្រុមហ៊ុនឈ្មួញជើងសា និងបុគ្គលដែលពាក់ព័ន្ធនានា។ល។ ប៉ុន្តែរហូតមកទល់បច្ចុប្បន្ននេះ គ្មានប្រភពណាមួយដែលពោលខាងលើនាំមកនូវលទ្ធផលឡើយ។

មូលហេតុគឺដោយសារតែគោលនយោបាយគ្រប់គ្រងដោយឯកភាពរបស់អាមេរិក ដែលខ្ញុំលើកឡើងមិនបានការអនុញ្ញាតឱ្យទាក់ទងដោយផ្ទាល់ជាមួយដៃគូបរទេសទេ ទោះបីពួកគេមានវ៉ាក់សាំងជាច្រើនក៏ដោយ។ រាល់ការផ្គត់ផ្គង់វ៉ាក់សាំងទាំងអស់ទៅប្រទេសនានា ត្រូវតែឆ្លងកាត់ចំនុចប្រសព្វតែមួយគឺក្រសួងការបរទេសអាមេរិក។

ស្តីពីសម្ភារៈបរិក្ខារពេទ្យ និងថ្នាំព្យាបាល ស្ថានទូតវៀតណាមកំពុងអនុវត្តវិធានការយ៉ាងម៉ឺងម៉ាត់ ព្រមទាំងអំពាវនាវឲ្យសហគមន៍ធុរកិច្ចអាមេរិក និងសមាគមអាណិកជនវៀតណាមនៅអាមេរិកខិតខំប្រឹងប្រែងកៀរគរ និងទទួលបានការផ្គត់ផ្គង់។ នៅពេលខាងមុខ ភាគីអាមេរិកកំពុងពិភាក្សាជាបន្ទាន់ជាមួយដៃគូវៀតណាមដើម្បីបញ្ចប់នីតិវិធីក្នុងការដឹកជញ្ជូនទៅកាន់វៀតណាមនូវឧបករណ៍ធ្វើតេស្តរហ័ស CUE COVID-19 និងឧបករណ៍ត្រជាក់ផ្ទុកវ៉ាក់សាំងចំនួន ៧៥ គ្រឿង។

អ្នកយកព័ត៌មាន៖ សូមថ្លែងអរគុណលោកឯកអគ្គរដ្ឋទូត!

យោងតាមកាសែតកងទ័ពប្រជាជន

មតិពីមិត្តអ្នកអាន

ព័ត៌មានថ្មីៗ

ប្រធានរដ្ឋ លោក Nguyen Xuan Phuc ទទួលជួបជាមួយថ្នាក់ដឹកនាំប្រទេសនិងអង្គការអន្តរជាតិ
វៀតណាមបន្តលើកកម្ពស់តួនាទីដ៏សកម្មដោយមានការទទួលខុសត្រូវលើឆាកអន្តរជាតិ
AFF Suzuki Cup 2020៖ វៀតណាមឈរក្នុងពូលជាមួយម៉ាឡេស៊ី ឥណ្ឌូនេស៊ី កម្ពុជានិងឡាវ
ការរៀបចំពិធីសែនឡើងផ្ទះរ៉ុងថ្មីរបស់ជនជាតិ Gia Rai
ពួតដៃគ្នាជួយអ្នកនេសាទ