នាថ្ងៃទី ២១ ខែកក្កដា នៅទីក្រុងហាណូយ ក្នុងសន្និសីទកាសែតដែលរៀបចំឡើងដោយស្ថានទូតគុយបាប្រចាំវៀតណាម លោក Orlando Nicolás Hernández Guillén ឯកអគ្គរដ្ឋទូតគុយបាប្រចាំវៀតណាមបានបញ្ជាក់ថា គុយបាយកចិត្តទុកដាក់យ៉ាងខ្លាំងចំពោះទំនាក់ទំនងមិត្តភាពជាប្រពៃណីពិសេស និងកិច្ចសហប្រតិបត្តិការគ្រប់ជ្រុងជ្រោយជាមួយវៀតណាម ព្រមទាំងលោកវាយតម្លៃខ្ពស់ចំពោះសាមគ្គីភាពនិងការជួយគាំទ្រដ៏មានតម្លៃពីបក្សរដ្ឋ រដ្ឋាភិបាលនិងប្រជាជនវៀតណាមចំពោះប្រជាជនគុយបាក្នុងគ្រាលំបាក។
វៀតណាមយកចិត្តទុកដាក់ជានិច្ច និងជឿជាក់ថា គុយបានឹងជំនះពុះពារការលំបាកខាងសេដ្ឋកិច្ច - សង្គម |
គុយបា-វៀតណាមជម្រុញឲ្យស៊ីជម្រៅថែមទៀតនូវទំនាក់ទំនងជិតស្និទ្ធ |
លោក Orlando Nicolás Hernández Guillén ឯកអគ្គរដ្ឋទូតគុយបាប្រចាំវៀតណាម (រូបថត៖ TTXVN) |
លោកឯកអគ្គរដ្ឋទូត Hernández Guillén បានឲ្យដឹងថា ប្រទេសគុយបា កំពុងនៅគ្រាលំបាកបំផុតក្នុងប្រវត្តិសាស្រ្ត ៦០ ឆ្នាំរបស់បដិវត្តន៍ដោយរងឥទ្ធិពលនៃការហ៊ុមព័ទ្ធសេដ្ឋកិច្ចនិងផលប៉ះពាល់នៃការរាតត្បាត Covid-19 ។
លោកឯកអគ្គរដ្ឋទូត Hernández Guillén បន្ដថា បណ្ដាអនុភាពជាអមិត្ដបានឆ្លៀតយកផលប្រយោជន៍ពីបរិបទនៃការរីករាលដាល Covid-19 បាននញុះញង់ឱ្យបះបោរ។ ជាមួយគ្នានោះ លោកបានថ្កោលទោសយុទ្ធនាការផ្សព្វផ្សាយតាមបណ្ដាញសង្គមដើម្បីលាបពណ៌និងបំភ្លៃការពិតនូវស្ថានភាពប្រទេសគុយបា។
ក្នុងឱកាសនេះដែរ អ្នកការទូតគុយបាបានលើកឡើងនូវអាទិភាពក្នុងការជំរុញទំនាក់ទំនងមិត្តភាពពិសេស សាមគ្គីភាព និងជំនឿទុកចិត្តគ្នារវាងបក្ស រដ្ឋ និងប្រជាជននៃប្រទេសទាំងពីរគុយបានិងវៀតណាម រួមទាំងកិច្ចសហប្រតិបត្តិការក្នុងការផ្គត់ផ្គង់និងផ្ទេរបច្ចេកវិទ្យាផលិតវ៉ាក់សាំងផងដែរ៕
មតិពីមិត្តអ្នកអាន