នាថ្ងៃទី ១៦ ខែកក្កដា ឆ្លើយតបទៅនឹងសំនួររបស់អ្នកយកព័ត៌មានអំពីការអត្ថាធិប្បាយរបស់វៀតណាមអំពីស្ថានភាពអសន្តិសុខនៅគុយបានៅថ្ងៃទី ១១ ខែកក្កដា អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang បានមានប្រសាសន៍ថា៖
វៀតណាមបោះឆ្នោតគាំទ្រសេចក្ដីសម្រេចចិត្តរបស់មហាសន្និបាតអង្គការសហប្រជាជាតិដែលអំពាវនាវឲ្យសហរដ្ឋអាមេរិកបញ្ចប់បទដាក់ទណ្ឌកម្មសេដ្ឋកិច្ចលើគុយបា |
គុយបា-វៀតណាមជម្រុញឲ្យស៊ីជម្រៅថែមទៀតនូវទំនាក់ទំនងជិតស្និទ្ធ |
អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang (រូបថត៖ vtv.vn) |
យើងខ្ញុំបានដឹងថា នៅថ្ងៃទី ១១ ខែកក្កដា មានបាតុកម្មមួយចំនួនបានបញ្តាលឲ្យមានស្ថានភាពអសន្តិសុខនៅក្នុងប្រទេសគុយបា ប៉ុន្តែស្ថានភាពបានវិលទៅរកភាពធម្មតាឡើងវិញភ្លាមៗក្រោយមក។ វៀតណាមយកចិត្តទុកដាក់ជានិច្ច និងជឿជាក់ថា គុយបានឹងជំនះពុះពាររាល់ការលំបាកខាងសេដ្ឋកិច្ច - សង្គម ដែលបណ្តាលពីជំងឺរាតត្បាត Covid-19 និងការហុំព័ទ្ធ និងការដាក់ទណ្ឌកម្ម ហើយអនុវត្តប្រកបដោយជោគជ័យនូវដំណើរការនៃការធ្វើបច្ចុប្បន្នភាពគំរូសេដ្ឋកិច្ច-សង្គម ពង្រីកសមិទ្ធិផលធំធេងរបស់ប្រទេសក្នុងវិស័យអប់រំ សុខាភិបាល និងវិទ្យាសាស្ត្របច្ចេកវិទ្យា។
វៀតណាមជានិច្ចកាលចងចាំនូវសាមគ្គីភាព និងការគាំទ្រដ៏មានតំលៃដែលប្រទេសគុយបាបានផ្តល់ជូនប្រទេសវៀតណាមនាពេលកន្លងមកក្នុងគ្រាលំបាកបំផុត។ វៀតណាមនឹងគាំទ្រជានិច្ចចំពោះប្រជាជនគុយបា ក្នុងសមត្ថភាពរបស់ខ្លួន។
វៀតណាមអំពាវនាវឱ្យសហរដ្ឋអាមេរិកបញ្ឈប់គោលនយោបាយអរិភាពរបស់ខ្លួន និងបទដាក់ទណ្ឌកម្មសេដ្ឋកិច្ច និងហិរញ្ញវត្ថុជាឯកតោភាគីប្រឆាំងនឹងប្រទេសគុយបា។ បទហ៊ុំព័ទ្ធ ដាក់ទណ្ឌកម្មរហូតក្នុងរយៈពេលជិត ៦០ ឆ្នាំ ដែលត្រូវបានរឹតបន្តឹងបន្ថែមនាពេលថ្មីៗនេះគ្រាន់តែធ្វើឱ្យវិស័យសេដ្ឋកិច្ចសង្គមរបស់ប្រជាជនគុយបាកាន់តែជួបការលំបាក។ សហរដ្ឋអាមេរិកគប្បីចាត់វិធានការជាក់ស្តែងឆ្ពោះទៅរកការធ្វើឱ្យប្រក្រតីនូវទំនាក់ទំនងជាមួយគុយបា ដើម្បីផលយោជន៍របស់ប្រជាជននៃប្រទេសទាំងពីរ រួមចំណែកដល់សន្តិភាព ស្ថិរភាព និងការអភិវឌ្ឍនៅក្នុងតំបន់ និងលើពិភពលោក៕
មតិពីមិត្តអ្នកអាន