នាថ្ងៃទី២ ខែកុម្ភៈ លេខាទី ១ នៃគណៈកម្មាធិការកណ្តាលបក្សកុម្មុយនិស្តគុយបា លោក Raul Castro បានផ្ញើសារអបអរសាទរអគ្គលេខាបក្ស និងជាប្រធានរដ្ឋវៀតណាម លោក Nguyen Phu Trong បន្តជាប់ឆ្នោតជាអគ្គលេខាបក្សនៃគណៈកម្មាធិការមជ្ឈិមបក្សកុម្មុយនិស្តវៀតណាមអាណត្តិទី ១៣។
គុយបា-វៀតណាមជម្រុញឲ្យស៊ីជម្រៅថែមទៀតនូវទំនាក់ទំនងជិតស្និទ្ធ
សារអបអរសាទរមានខ្លឹមសារថា ខ្ញុំសូមជូនពរឱ្យលោក Nguyen Phu Trong នឹងសម្រេចបាននូវសមិទ្ធិផលជាច្រើនថែមទៀតក្នុងការអនុវត្តសេចក្តីសម្រេចចិត្ត និងគោលដៅរបស់មហាសន្និបាតបក្សលើកទី១៣។ ក្រោមការដឹកនាំរបស់បក្សកុម្មុយនិស្តវៀតណាម ប្រជាជនវៀតណាមនឹងបន្តសម្រេចបាននូវសមិទ្ធិផលដ៏ធំធេងថែមទៀតក្នុងការកសាងសង្គមនិយម។
ក្នុងរយៈពេល ៦ ទសវត្សរ៍កន្លងមក ប្រទេសទាំងពីរបានកសាងទំនាក់ទំនងល្អប្រសើរ ដែលជានិមិត្តសញ្ញានៃចំណងមិត្តភាព សាមគ្គីភាព និងកិច្ចសហប្រតិបត្តិការរវាងគុយបា-វៀតណាម។ ក្នុងឱកាសនេះ ខ្ញុំសូមបញ្ជាក់សារជាថ្មីនូវការប្ដេជ្ញាចិត្តជម្រុញឲ្យស៊ីជម្រៅថែមទៀតនូវចំណងទំនាក់ទំនងរវាងបក្សទាំងពីរ រដ្ឋទាំងពីរ រដ្ឋាភិបាលទាំងពីរនិងប្រជាជននៃប្រទេសទាំងពីរគុយបា-វៀតណាម ដែលគ្មានអ្វីអាចបំបែកបំបាក់ឡើយ៕
(យោងតាមកាសែតកងទ័ពប្រជាជន)
មតិពីមិត្តអ្នកអាន