ប្រទេសវៀតណាមផលិតសាកល្បងវ៉ាក់សាំង Sputnik-V ជាលើកដំបូង

ប្រទេសរុស្ស៊ីប្រគល់វ៉ាក់សាំង Sputnik V ការពារជំងឺ Covid-19 ចំនួន ១០០០ ដូស ជូនវៀតណាម

ប្រជាជនវៀតណាមមានទំនុកចិត្តលើវ៉ាក់សាំង Sputnik V

ប្រទេសវៀតណាមផលិតសាកល្បងវ៉ាក់សាំង Sputnik-V ជាលើកដំបូង

ទីភ្នាក់ងារសារព័ត៌មានរ៉យទ័រ បានរាយការណ៍ថាគំរូនៃវ៉ាក់សាំងពិសោធន៍នេះនឹងត្រូវបញ្ជូនទៅមជ្ឈមណ្ឌលហ្គាម៉ាយ៉ានៅប្រទេសរុស្ស៊ីដើម្បីវាយតម្លៃគុណភាព។

សេចក្តីថ្លែងការណ៍របស់ RDIF បានបញ្ជាក់ថា“ មូលនិធិវិនិយោគផ្ទាល់របស់រុស្ស៊ីដែលជាមូលនិធិទ្រព្យសម្បត្តិអធិបតេយ្យរបស់សហព័ន្ធរុស្ស៊ីនិងក្រុមហ៊ុន Vabiotech ដែលជាក្រុមហ៊ុនឱសថឈានមុខគេមួយនៅប្រទេសវៀតណាម បានប្រកាសផលិតវ៉ាក់សាំងសាកល្បង Sputnik -V ប្រឆាំងនឹង SARS-CoV- ២។ គំរូនៃកញ្ចប់វ៉ាក់សាំងនឹងត្រូវបញ្ជូនទៅទីភ្នាក់ងារត្រួតពិនិត្យគុណភាពរុស្ស៊ី។

ថ្លែងទៅកាន់អ្នកសារព័ត៌មានលោក Kirill Dmitriev នាយក RDIF បានមានប្រសាសន៍ថា“ RDIF និង Vabiotech កំពុងសហការយ៉ាងសកម្មក្នុងដំណើរការផ្ទេរបច្ចេកវិទ្យា។ នៅពេលដែលជំងឺរាតត្បាតកំពុងបន្តកើតមានប្រភេទវីរុសថ្មីនិងគ្រោះថ្នាក់កាន់តែខ្លាំងឡើងកំពុងលេចចេញនៅតំបន់ផ្សេងៗលើពិភពលោកដូច្នេះ RDIF កំពុងបង្កើនសមត្ថភាពផលិតរបស់ Sputnik-V ដើម្បីបង្កើនល្បឿនចាក់វ៉ាក់សាំងជាមួយថ្នាំដ៏ល្អបំផុតនៅលើពិភពលោក។ ។

Sputnik - V គឺជាប្រភេទវ៉ាក់សាំង COVID-19 ដែលត្រូវបានអនុម័តដំបូងគេលើពិភពលោក។ ចាប់ពីថ្ងៃទី ១១ ខែសីហាឆ្នាំ ២០២០ ក្រសួងសុខាភិបាលនៃប្រទេសរុស្ស៊ី បានអនុវត្តន៍ការចាក់វ៉ាកសាំងទូទាំងប្រទេសទោះបីជាវ៉ាក់សាំងនេះ មិនទាន់បានបញ្ចប់ការសាកល្បងគ្លីនិកដំណាក់កាលទី ៣ ក៏ដោយ។ យោងតាម ​​RDIF មកទល់ពេលនេះមានប្រទេសនឹងតំបន់ជិត ៦៨ដែលមានប្រជាជនសរុបជាង ៣,៧ ពាន់លាននាក់បានចុះឈ្មោះសម្រាប់វ៉ាក់សាំង Sputnik-V ។

វិទ្យាស្ថានហ្គាម៉ាឡាយ៉ានៅថ្ងៃទី ២៩ ខែមិថុនាបានអោយដឹងបន្ថែមថាវ៉ាក់សាំង Sputnik-V ក៏មានប្រសិទ្ធភាពប្រហែល ៩០% ផងដែរក្នុងការទប់ស្កាត់ការបំលែងវីរុស Delta ដែលជាប្រភេទវីរុសបំលែងថ្មីរបស់វីរុស Sars-Cov-2៕

ហេង វុធ្ធី

baotintuc