អង្គការសហប្រជាជាតិបានវាយតម្លៃខ្ពស់ចំពោះវៀតណាមម្ចាស់ការការពារនិងជំរុញសិទ្ធិមនុស្ស

វៀតណាមស្នើឱ្យភាគីនានានៅក្នុងប្រទេសកូឡុំប៊ីការពារជនស៊ីវិល ជាពិសេសស្ត្រីនិងកុមារ

វៀតណាមគាំទ្រការដោះស្រាយជម្លោះនៅសមុទ្រខាងកើតដោយឈរលើមូលដ្ឋាននៃធម្មនុញ្ញអង្គការសហប្រជាជាតិនិង UNCLOS ១៩៨២

ទិដ្ឋភាពនៃសិក្ខាសាលា (រូបថត៖ baoquocte.vn)

ថ្លែងមតិក្នុងសិក្ខាសាលានេះ លោក Dang Hoang Giang អនុរដ្ឋមន្រ្តីក្រសួងការបរទេសបានអះអាងថា វៀតណាមគាំទ្រគោលការណ៍យុត្តិធម៌ តម្លាភាព មិនរើសអើង ការសន្ទនាជាក់ស្តែងនិងកិច្ចសហប្រតិបត្តិការប្រកបដោយប្រសិទ្ធភាពលើវិស័យសិទ្ធិមនុស្ស។ វៀតណាមតែងតែគោរពនិងចូលរួមយ៉ាងពេញទំហឹង ជានិច្ចចំពោះដំណើរការរបស់ UPR ដោយប្តេជ្ញាយ៉ាងមុតមាំក្នុងការបន្តចូលរួមវិភាគទានយ៉ាងសកម្មនិងប្រកបដោយទំនួលខុសត្រូវចំពោះការងាររបស់ក្រុមប្រឹក្សាសិទ្ធិមនុស្សនិងកំពុងឈរឈ្មោះជាសមាជិកក្រុមប្រឹក្សាសិទ្ធិមនុស្សរបស់អង្គការសហប្រជាជាតិសម្រាប់អាណត្តិ ២០២៣-២០២៥។ ក្នុងស្មារតីនេះ របាយការណ៍ពាក់កណ្ដាលស្ម័គ្រចិត្តរបស់ វៀតណាមត្រូវបានបង្កើតឡើងដើម្បីផ្តល់នូវព័ត៌មានពិតៗ ពេញលេញនិងឆ្លុះបញ្ចាំងពីការប្តេជ្ញាចិត្តនិងការខិតខំប្រឹងប្រែងរបស់ វៀតណាមក្នុងការបន្តស្ថេរភាពសេដ្ឋកិច្ចសង្គម ធានានូវសិទ្ធិមនុស្ស ជាពិសេសក្រុមងាយរងគ្រោះនៅក្នុងបរិបទជួបការលំបាកដោយសារជំងឺរាតត្បាតកូវីដ ១៩ នាបច្ចុប្បន្ននេះ។

លោក Dang Hoang Giang អនុរដ្ឋមន្រ្តីក្រសួងការបរទេស។​(រូបថត៖ Baoquocte)

ចំណែកខាងអង្គការសហប្រជាជាតិ លោក Kamal Malhotra អ្នកសម្របសម្រួលអង្គការសហប្រជាជាតិប្រចាំនៅវៀតណាមបានវាយតម្លៃខ្ពស់ចំពោះការដែលវៀតណាមបានម្ចាស់ការប្រឈមមុខនឹងបញ្ហាប្រឈមនានាក្នុងកិច្ចការពារនិងលើកស្ទួយសិទ្ធិមនុស្ស ដោយត្រៀមទទួលយកនិងចាត់វិធានការដើម្បីអនុវត្តអនុសាសន៍ក្នុងវិស័យនៅជួបការលំបាក។ លោក Kamal បានបញ្ជាក់ថា ទីភ្នាក់ងាររបស់អង្គការសហប្រជាជាតិប្រចាំនៅវៀតណាម នឹងបន្តពង្រឹងកិច្ចសហប្រតិបត្តិការដើម្បីគាំទ្រដល់រដ្ឋាភិបាលនិងប្រជាជនវៀតណាមនៅក្នុងវិស័យនេះ។

នៅក្នុងសិក្ខាសាលានេះ ប្រតិភូបានចែករំលែកមេរៀនជាក់ស្តែងដែលឆ្លងកាត់នៅក្នុងដំណើរការនៃការបង្កើតរបាយការណ៍ពាក់កណ្តាលអាណត្តិស្តីពីការអនុវត្តអនុសាសន៍របស់ UPR នៅវៀត ណាម។ ព័ត៌មាននិងយោបល់ទាំងនេះ នឹងត្រូវបានបូកសរុបនិងពិគ្រោះយោបល់ក្នុងដំណើរការនៃការអភិវឌ្ឍរបាយការណ៍ពាក់កណ្តាលអាណត្តិរបស់វៀតណាមស្តីពីការអនុវត្តវដ្តអនុសាសន៍របស់ UPR វដ្តទី ៣ ដែលបញ្ជូនទៅក្រុមប្រឹក្សាសិទ្ធិមនុស្សអង្គការសហប្រជាជាតិ៕

យោងតាមវិទ្យុសំលេងវៀតណាម