ការចាក់វ៉ាក់សាំងប្រឆាំងនឹងកូវីដ-១៩ សម្រាប់មន្រ្តីនិងបុគ្គលិកអង្គការក្រៅរដ្ឋាភិបាលជាង ១.០០០ នាក់ប្រចាំនៅវៀតណាម

កិចការបរទេសរវាងប្រជាជននិងប្រជាជនក្នុងស្ថានភាពថ្មី៖ កំណត់នូវឱកាសបញ្ហាប្រឈមនិងតម្រូវការ

VUFO បានប្រគល់ថវិការៃអង្គាស ដើម្បីគាំទ្រមូលនិធិវ៉ាក់សាំង Covid-19

យោងតាម ​​VUFO ក្នុងការចាក់វ៉ាក់សាំងនេះមន្ត្រី និងបុគ្គលិករបស់អង្គការក្រៅរដ្ឋាភិបាលត្រូវបានបែងចែកជា ១២ វគ្គខុសៗពីគ្នា ពេលវេលារៀងរាល់ ៣០ នាទីម្តង ដើម្បីធានារក្សាសុវត្ថិភាពដោយត្រូវអនុវត្តតាមច្បាប់ការពារជំងឺអោយបានតឹងរឹងរបស់ក្រសួងសុខាភិបាល។

ការចាក់វ៉ាក់សាំងលើកនេះ មន្ត្រីនិងនិយោជិករបស់អង្គការក្រៅរដ្ឋាភិបាលត្រូវបានចាក់វ៉ាក់សាំងប្រភេទ AstraZeneca ដែលផលិតនៅប្រទេសជប៉ុន។ មុនពេលចាក់ថ្នាំអ្នកចាក់ត្រូវធ្វើការប្រកាសវេជ្ជសាស្រ្ត ពិនិត្យ: វាស់សីតុណ្ហភាពរាងកាយ វាស់សម្ពាធឈាម ការប្រកាសប្រវត្តិវេជ្ជសាស្ត្រនិងអនុសាសន៍ប្រកបដោយការគិតគូរពីវេជ្ជបណ្ឌិតនៃមន្ទីរពេទ្យសួតមជ្ឈិម។

វគ្គចាក់ថ្នាំបង្ការកូវីដ-១៩ នៅព្រឹកថ្ងៃទី ១៣ ខែកក្កដាប្រព្រឹត្តទៅដោយរលូន គ្មានប្រតិកម្មអ្វីធ្ងន់ធ្ងរកើតឡើងឡើយ។ និយាយជាមួយអ្នកយកព័ត៌មានរបស់ទស្សនាវដ្តី យុគសម័យ មន្រ្តីនិងបុគ្គលិករបស់អង្គការក្រៅរដ្ឋាភិបាលមួយចំនួនបានវាយតម្លៃខ្ពស់ចំពោះការងារបង្ការនិងប្រយុទ្ធប្រឆាំងនឹងជំងឺរាតត្បាតរបស់ប្រទេសវៀតណាម និងជាពិសេសការគាំទ្រការចាក់វ៉ាក់សាំងកូវីដ-១៩ ។

ដោយមានគោលដៅឈានដល់ការគ្របដណ្តប់ជាអតិបរមានៃមុខសញ្ញាចាក់វ៉ាក់សាំង និងសម្រេចបាននូវភាពស៊ាំនឹងជំងឺកូវីដ-១៩ក្នុងសហគមន៍ ដើម្បីធ្វើឱ្យជីវភាពរស់នៅមានសភាពដូចដើមវិញ នាពេលអនាគតអង្គការ VUFO មានគោលបំណងចាក់វ៉ាក់សាំងជូនបុគ្គលិករបស់អង្គការក្រៅរដ្ឋាភិបាលនៅ ៥៦ ខេត្ត - ក្រុងផ្សេងទៀតក្នុងប្រទេសវៀតណាម។

លោក Michael Brosowski

លោក Michael Brosowski បានឲ្យដឹងថា “ ខ្ញុំមានការចាប់អារម្មណ៍យ៉ាងខ្លាំងចំពោះគោលនយោបាយរបស់រដ្ឋាភិបាលវៀតណាមចំពោះការងារនេះ។ VUFO ធ្វើអ្វីៗគ្រប់យ៉ាងតាំងពីការអញ្ជើញមន្រ្តីចុះបញ្ជីការរៀបចំមន្ទីរពេទ្យសម្របសម្រួលការងារ។ យើងបានមកមើលបុគ្គលិក VUFO នៅគ្រប់ទីកន្លែងពួកគេបានជួយណែនាំគ្រប់ជំហានទាំងអស់ផងដែរ»។

លោកស្រី Lia jacqueline Burns

លោកស្រី Lia jacqueline Burns ប្រធានកម្មវិធីនៅអង្គការ Childfund វៀតណាមបានអះអាងថា “ការរៀបចំចាក់វ៉ាក់សាំងលើកនេះល្អណាស់ លឿននិងមានជំនាញវិជ្ជាជីវៈ។ ខ្ញុំបានមកដល់តាំងពីម៉ោង៩នឹង ១០ នាទីព្រឹកហើយខ្ញុំមិនចាំបាច់រង់ចាំទេ” ។

លោក Rory Harrington - ប្រធានតំណាងរបស់ក្រុមហ៊ុន DKT International ប្រចាំនៅវៀតណាមបានចែករំលែកថា៖ “ខ្ញុំមានការចាប់អារម្មណ៍ចំពោះការសម្របសម្រួលនិងការរៀបចំការចាក់វ៉ាក់សាំងដោយ VUFO និងមន្ទីរពេទ្យសួតមជ្ឈិមលើកនេះ។ ដំបូងឡើយ នៅពេលខ្ញុំបានដឹងព័ត៌មានអំពីការចាក់វ៉ាក់សាំងនៅមន្ទីរពេទ្យរដ្ឋមួយនៅវៀតណាម ខ្ញុំមានការរក្រែងអែងបន្តិច។ ប៉ុន្តែនៅពេលដែលខ្ញុំមកដល់ទីនេះ ខ្ញុំមានអារម្មណ៍ថាមានសុវត្ថិភាពជាងមុន។ ខ្ញុំបាននៅទីនេះអស់រយៈពេល ២ ឆ្នាំ ហើយឃើញថាប្រទេសវៀតណាមគឺជាប្រទេសដែលមានភាពរួសរាយរាក់ទាក់និងមានសុវត្ថិភាព។ បន្ទាប់ពីខ្ញុំបានចាក់វ៉ាក់សាំង ខ្ញុំមានអារម្មណ៍ថាពិតជាមានសុវត្ថិភាព និងពេញចិត្តនៅពេលដែលមកស្នាក់នៅក្នុងប្រទេសវៀតណាម” ។

ហេង វុធ្ធី

Thoidai.com.vn