ក្នុងឱកាសរំលឹកខួបលើកទី១០០ នៃទិវាបង្កើតបក្សកុម្មុយនិស្តចិន (ថ្ងៃទី១ កក្កដា ឆ្នាំ១៩២១ - ថ្ងៃទី១ កក្កដា ឆ្នាំ២០២១) គណៈកម្មាធិការមជ្ឈិមបក្សកុម្មុយនិស្តវៀតណាម បានផ្ញើរសារទូរលេខអបអរសាទរជូនគណៈកម្មាធិការមជ្ឈិមបក្សកុម្មុយនិស្តចិន។
 សារលិខិតអបអរសាទរខួបលើកទី៧១ នៃទិវាបង្កើតទំនាក់ទំនងការទូតវៀតណាម-ចិន |
 រំលឹកខួបលើកទី៧១ទិវាបង្កើតទំនាក់ទំនងការទូតវៀតណាម-ចិន |
នៅក្នុងសារទូរលេខអបអរសាទរ ថ្នាក់ដឹកនាំបក្ស រដ្ឋ និងប្រជាជនវៀតណាមបានសង្កត់ធ្ងន់ថា ការបង្កើតបក្សកុម្មុយនិស្តចិនគឺជារបត់ប្រវត្តិសាស្ត្រដ៏មានអត្ថន័យសំខាន់ក្នុងបុព្វហេតុបដិវត្តន៍របស់ប្រជាជនចិន។ ជាពិសេស ចាប់ពីមហាសន្និបាត លើកទី ១៨ របស់បក្សកុម្មុយនិស្តចិនរហូតមកដល់ពេលនេះ ក្រោមការដឹកនាំរបស់អគ្គលេខាបក្ស ប្រធានរដ្ឋ លោក Xi Jinping ប្រជាជនចិនសម្រេចបាននូវគោលដៅ ១០០ ឆ្នាំ លើកទី ១ របស់ខ្លួន ដែលជាការកសាងសង្គមសម្បូរធូធារ ដោយបង្កើតមូលដ្ឋានដ៏រឹងមាំសម្រាប់ការអនុវត្តគោលដៅ ១០០ ឆ្នាំ លើកទី ២ ដែលជាការកសាងប្រទេសសង្គមនិយមដ៏ទំនើប រុងរឿង ខ្លាំងមាំមួន ប្រជាធិបតេយ្យ អរិយធម៌ និងសុខដុមរមនា នៅពាក់កណ្ដាលសតវត្សរ៍ទី២១។
 |
| ពិធីរំលឹកខួបលើកទី ១០០ នៃទិវាបង្កើតបក្សកុម្មុយនិស្តចិននៅទីក្រុងប៉េកាំង នៅថ្ងៃទី១ កក្កដា ឆ្នាំ២០២១ (រូបថត៖ vnanet.vn) |
ថ្នាក់ដឹកនាំបក្ស រដ្ឋ និងប្រជាជនវៀតណាមមានក្ដីសោមនស្សរីករាយដោយឃើញថា ទំនាក់ទំនងរវាងបក្សទាំងពីរ រដ្ឋទាំងពីរនាពេលកន្លងមក បន្តរក្សាបាននូវនិន្នាការអភិវឌ្ឍជាវិជ្ជមាន និងស្ថិរភាព។ បក្ស រដ្ឋ និងប្រជាជនវៀតណាមត្រៀមខ្លួនជាស្រេចរួមជាមួយបក្ស រដ្ឋ និងប្រជាជនចិន ប្រកាន់ខ្ជាប់នូវ “បាវចនា ១៦ ពាក្យ” និង “ស្មារតីល្អ ៤ យ៉ាង” ព្រមទាំងជំរុញទំនាក់ទំនងប្រទេសជាអ្នកជិតខាងមិត្តភាព ភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយ វៀតណាម-ចិន ឲ្យបន្តអភិវឌ្ឍដោយឥតឈប់ឈរ ដែលឆ្លើយតបនឹងផលប្រយោជន៍នៃប្រទេសទាំងពីរ និងប្រជាជននៃប្រទេសទាំងពីរ។
ក្នុងឱកាសនេះដែរ អគ្គលេខាបក្សកុម្មុយនិស្តវៀតណាម លោក Nguyen Phu Trong បានផ្ញើរសារអបអរសាទរជូនអគ្គលេខាបក្ស ប្រធានរដ្ឋចិន លោក Xi Jinping៕
Quan doi Nhan dan
មតិពីមិត្តអ្នកអាន