ដោយការរីករាលដាលនៃជំងឺ Covid-19 បាននាំឲ្យពិភពលោកជួបនឹងវិបត្តិយ៉ាងធ្ងន់ធ្ងរ នៅប្រទេសកម្ពុជា រាជរដ្ឋាភិបាល ក្រោមករដឹកនាំប្រកបដោយទស្សនវិស័យវែងឆ្ងាយនិងម៉ឺងមាត់របស់ សម្តេចអគ្គមហាសេនាបតីតេជោហ៊ុនសែន នាយករដ្ឋមន្ត្រីព្រះរាជាណាចក្រកម្ពុជា បានទប់ស្កាត់ការឆ្លងនៃជំងឺនេះ ថែមទាំងជំរុញការនាំចេញផលិតផលកម្ពុជាទៅកាន់ទីផ្សារអន្តរជាតិ ដែលក្នុងនោះមានការនាំចេញកសិផល។
រយៈពេល ៦ខែ ឆ្នាំ២០២១ កម្ពុជាទទួលបានចំណូលប្រមាណ ២.៥៧១លានដុល្លារ ពីការនាំចេញកសិផលសំខាន់ៗ សរុប ៤លានតោន ទៅកាន់ទីផ្សារអន្តរជាតិ ចំនួន ៦២ប្រទេស។ តាមរបាយការណ៍នាំចេញរបស់ក្រសួងកសិកម្ម ទំហំនាំចេញផលិតផលកម្មកម្ពុជានៅឆមាសទី១ នេះ កើនឡើងជាង៨៤ភាគរយ ធៀបនឹងរយៈពេលដូចគ្នា នៅឆ្នាំ២០២០។
 |
ការនាំចេញកសិផលកម្ពុជា ក្នុងរយៈពេល ៦ ខែដើមឆ្នាំ២០២១។ (រូបថត៖ Thmey Thmey.com) |
របាយការណ៍ដដែលឱ្យដឹងបង្ហាញថា រយៈពេល៦ខែ កម្ពុជាបាននាំចេញសូ្រវជាង ១លានតោន និងអង្ករប្រមាណ ២៨ម៉ឺនតោន។ ក្រៅពី ស្រូវ-អង្ករ កម្ពុជាបាននាំចេញចំណិតដំឡូងមីក្រៀមជាង ១លានតោន, គ្រាប់ស្វាយចន្ទីជាង ៨៤ម៉ឺនតោន, ផ្លែចេកស្រស់ជាង ២៣ម៉ឺនតោន, ផ្លែស្វាយ ស្រស់ជិត ១៦ម៉ឺនតោន និងម្រេចជាង ១ម៉ឺនតោន។
សូមរំលឹកថា ការនាំចេញអង្កររបស់កម្ពុជាទៅកាន់ទីផ្សារពិភពលោក (ក្នុងដំណាក់កាលនៃការរីករាលដាលមេរោគកូវិដ ១៩) ក្នុងរយៈពេល ៤ខែដើមឆ្នាំ២០២០ មានកំណើន ៨៦ ៤៨៩ តោន ស្មើនឹង ៤០,៤៦% ធៀបទៅការនាំអង្ករចេញក្នុងរយៈពេលដូចគ្នានៅឆ្នាំ២០១៩ ។ ដោយឡែក ការនាំចេញផលិផលកសិកម្មផ្លូវការសរុប មានការកើនឡើងគួរកត់សំគាល់ផងដែរ គឹមានចំនួនជាងពីរលានតោន និងក្រៅផ្លូវការជាងមួយលានតោន ។
រយៈពេល៦ខែ ឆ្នាំ២០២១ ចំណូលពីការនាំចេញអង្ករ សរុបជាង ២៣លានដុល្លារ។ រីឯ ចំណូល ពីការនាំចេញស្រូវ សរុបជាង ២៧៩លានដុល្លារ។ ដោយឡែក ចំណូលសរុបនៃការនាំចេញ កសិផល ក្រៅពីស្រូវ-អង្ករ មានចំនួនជាង ២ពាន់លានដុល្លារ៕
មតិពីមិត្តអ្នកអាន