យុគសម័យ - អនុវត្តតាមការណែនាំរបស់នាយករដ្ឋមន្រ្តីវៀតណាម រដ្ឋមន្រ្តីក្រសួងការងារយុទ្ធជនពិការនិងសង្គមកិច្ចលោក ដាវង៉ុកយុង (Dao Ngoc Dung) បានលើកឡើងថា នៅដើមខែកក្កដាការជួយឧបត្ថម្ភដោយផ្ទាល់នឹងត្រូវបានដាក់ពង្រាយដល់ពលករនិងអាជីវកម្មដែលរងផលប៉ះពាល់ដោយជំងឺរាតត្បាកូវីដ-១៩ ។
 |
| រដ្ឋមន្រ្តីក្រសួងការងារយុទ្ធជនពិការនិងសង្គមកិច្ចលោក ដាវង៉ុកយុង (Dao Ngoc Dung) |
យោងតាមស្ថិតិបានអោយដឹងថាចាប់តាំងពីការផ្ទុះឡើងនៃការរីករាលដាលនៃជំងឺកូវីដ ១៩ រហូតមកដល់ពេលនេះមានកម្មករប្រមាណ ៩,១ លាននាក់បានរងផលប៉ះពាល់ក្នុងនោះមាន ៥៤០.០០០ នាក់បានបាត់បង់ការងារ ២១% នៃនិយោជិកនៅក្នុងសហគ្រាសនិងសហករណ៍នានារងផលប៉ះពាល់។
ជាពិសេសកម្មករនៅតាមតំបន់ឧស្សាហកម្មពលករឯករាជ្យដែលមិនមានកិច្ចសន្យាការងារស្ទើរតែមិនអាចទ្រាំទ្របានយូរ។ ដូច្នេះអ្វីដែលត្រូវធ្វើជាបន្ទាន់គឺត្រូវចេញផ្សាយគោលនយោបាយជាបន្ទាន់ដើម្បីគាំទ្រដល់និយោជិកនិងនិយោជក ដែលកំពុងប្រឈមនឹងការលំបាកដោយសារជំងឺរាតត្បាតកូវីដ-១៩ ។
លោករដ្ឋមន្រ្តី Dao Ngoc Dung បានអះអាងថា៖“ គោលនយោបាយគាំទ្រនេះផ្តោតសំខាន់ទៅលើការគាំទ្រពលករនិងនិយោជិកដែលមានក្រុមគោលនយោបាយចំនួន១២ ផ្សេងគ្នាដោយថវិការដ្ឋ។ គោលការណ៍នេះមានលក្ខណៈជាក់លាក់និងជាក់ស្តែងជាមួយនឹងលក្ខណៈវិនិច្ឆ័យដែលជាលក្ខខណ្ឌសាមញ្ញនីតិវិធីសាមញ្ញបំផុតនិងវិធីធ្វើឱ្យប្រជាជនមានលទ្ធភាពទទួលបានលឿនបំផុតនិងបង្កើនការគាំទ្រជាសាច់ប្រាក់ដោយផ្ទាល់” ។
លោកលោករដ្ឋមន្រ្តី Dao Ngoc Dung ក៏បានបន្ថែមទៀតថាកញ្ចប់គោលនយោបាយថ្មីនេះនឹងធានា ថាគោលនយោបាយនេះគ្របដណ្តប់លើអ្នកដែលចាំបាច់ត្រូវការគាំទ្រ ដែលក្នុងនោះមុខសញ្ញាគាំទ្របន្ថែមគឺពលករដែលធ្វើការដោយសេរី៕
VOV
មតិពីមិត្តអ្នកអាន