យុគសម័យ - នៅក្នុងការដេញថ្លៃពិសេសមួយនៅទីក្រុងភើត (Perth) នៃភាគខាងលិចអូស្ត្រាលី ផ្លែគូលេនស្រស់ ១ គីឡូក្រាមដែលនាំចូលពីប្រទេសវៀតណាមបានលក់ក្នុងតម្លៃ ៣,០០០ ដូល្លារអូស្ត្រាលី (ស្មើរនឹងប្រហែល ៥៣ លានដុង) ។
 ជាលើដំបូង ផ្លែគូលេនដែលបិទតែមបញ្ជាក់ពីប្រភពដើមបាននាំចេញទៅទីផ្សារបារាំង |
 ផ្លែគូលេនដ៏ស្រស់របស់វៀតណាមដណ្តើមបានទីផ្សារកូកូស៊ីម៉ា និងសិង្ហបុរី |
 |
| ផ្លែគូលេនរបស់វៀតណាមលក់ក្នុងតម្លៃ ៥៣ លានដុង / គីឡូក្រាមនៅអូស្ត្រាលី |
នេះជាព្រឹត្តិការណ៍នៃពិធីបើកសប្តាហ៍ផ្លែគូលេនវៀតណាមដែលត្រូវបានរៀបចំឡើងដោយ ស្ថាប័នពាណិជ្ជកម្មវៀតណាមប្រចាំនៅអូស្ត្រាលី។ ចំនួនផ្លែគូលេនសម្រាប់ដេញថ្លៃត្រូវបានជ្រើសរើសពីកញ្ចប់ទំនិញផ្លែគូលេនស្រស់ចំនួន ១៧ តោនដែលទើបតែចូលចតនិងចែកចាយនៅភាគខាងលិចអូស្ត្រាលី។
ការដេញថ្លៃលើកនេះ (នៅផ្សារទំនើប MCQ ថ្ងៃទី ១៩ ខែមិថុនា) បានទាក់ទាញចំណាប់អារម្មណ៍របស់អតិថិជនយ៉ាងច្រើន។ មនុស្សជាច្រើនបានបញ្ចេញមតិថាផ្លែលែគូលេនស្រស់របស់វៀតណាមនៅឆ្នាំនេះមានរូបរាងដ៏គួរអោយទាក់ទាញនិងមានគុណភាពខ្ពស់បើប្រៀបធៀបនឹងឆ្នាំមុនៗ។
ប្រធានស្ថាប័នពាណិជ្ជកម្មវៀតណាមប្រចាំអូស្រ្តាលីលោក Nguyen Phu Hoa បាននិយាយថារាល់ចំណូលដែលទទួលបានពីការដេញថ្លៃនេះនឹងត្រូវបានស្ថាប័នពាណិជ្ជកម្ម រួមជាមួយក្រុមហ៊ុននាំ 4waysfresh ផ្តេរទៅកាន់ប្រទេសវៀតណាមដើម្បីជួយឧបត្ថម្ភដល់កុមារនៅតំបន់ដែលកំពុងដាំដុះផ្លែគូលេន។
គួរបញ្ជាក់ថា ដោយមានវត្តមាននៅលើទីផ្សារអូស្រ្តាលីតាំងពីឆ្នាំ ២០១៥ ផ្លែគូលេនស្រស់របស់វៀតណាមកាន់តែមានការពេញនិយមពីសំណាក់អតិថិជនក្នុងស្រុក។ នៅឆ្នាំ ២០២០ បរិមាណផ្លែគូលេនស្រស់ដែលនាំចេញទៅអូស្ត្រាលីនឹងកើនឡើងដល់ ៨០ តោន ហើយគេរំពឹងថានឹងឡើងដល់ជាង ១០០ តោននៅឆ្នាំ ២០២១ ផងដែរ៕
VNA
មតិពីមិត្តអ្នកអាន