យុគសម័យ - ថ្មីៗនេះនៅវិមានប្រធានរដ្ឋ លោកប្រធានរដ្ឋ Nguyen Xuan Phuc បានជួបសន្ទនាជាមួយលោក Antonio Guterres ដើម្បីអបអរសាទរក្នុងឱកាសដែលលោកបានតែងតាំងជាថ្មី ក្នុងនាមជាអគ្គលេខាធិការអង្គការសហប្រជាជាតិសម្រាប់អាណត្តិ ២០២២-២០២៦ ដោយមហា សន្និបាតអង្គការសហប្រជាជាតិ ហើយភាគីទាំងពីរពិភាក្សាអំពីការពង្រឹងទំនាក់ទំនងកិច្ចសហប្រតិបត្តិការរវាងវៀតណាមនិងអង្គការសហប្រជាតិ ។
 អគ្គលេខាធិការអង្គការសហប្រជាជាតិ អបអរសាទរចំពោះសហរដ្ឋអាមេរិកដែល ចូលរួមក្រុមប្រឹក្សាសិទ្ធិមនុស្សឡើងវិញ |
 អគ្គលេខាធិការអង្គការសហប្រជាជាតិ លោក António Guterres អញ្ជើញអបអរសាទរទិវាឯករាជ្យជាតិវៀតណាម |
 |
| លោកអគ្គលេខាធិការអង្គការសហប្រជាជាតិលោក Antonio Guterres ។ ( រូបថត៖ អង្គការសហប្រជាជាតិ) |
លោកអគ្គលេខាធិការអង្គការសហប្រជាជាតិ Antonio Guterres បានវាយតំលៃខ្ពស់ចំពោះសមិទ្ធិផលអភិវឌ្ឍន៍សេដ្ឋកិច្ច សង្គមកិច្ច របស់វៀតណាម ជាពិសេសលើវិស័យបង្ការជំងឺឆ្លងរាតត្បាត Covid-១៩ ។ លោកអគ្គលេខាធិការបានទទួលស្គាល់ការរួមចំណែកយ៉ាងសកម្មនិងប្រកបដោយទំនួលខុសត្រូវរបស់ វៀតណាមនៅអង្គការសហប្រជាជាតិនិងក្នុងបញ្ហាសកលលោកជាពិសេសនៅក្រុមប្រឹក្សាសន្តិសុខអង្គការសហប្រជាជាតិក្នុងការអនុវត្ត SDGs ឆ្លើយតបទៅនឹងការប្រែប្រួលអាកាសធាតុនិងជំងឺរាតត្បាត Covid-១៩ ហើយ Antonio Guterres បានចាត់ទុកថា វៀតណាមគឺជាកត្តាដ៍សំខាន់ដែលរួមចំណែកដល់សន្តិភាពនិងស្ថិរភាពក្នុងតំបន់។ លោកអគ្គលេខាធិការបានថ្លែងអំណរគុណចំពោះការដែលប្រទេសវៀតណាមបានទទួលនិងព្យាបាលបុគ្គលិកអង្គការសហប្រជាជាតិដែលឆ្លងជំងឺ Covid-១៩ ដោយជោគជ័យ ហើយបង្ហាញស្មារតីសាមគ្គីភាពអន្តរជាតិដើម្បីជំនះនូវជំងឺរាតត្បាត។
ធ្វការពិភាក្សាអំពីស្ថានភាពអន្តរជាតិនិងក្នុងតំបន់ ភាគីទាំងពីរបានចែករំលែកអំពីសារៈសំខាន់នៃការថែរក្សានិងលើកកម្ពស់សន្តិភាព ស្ថិរភាពសន្តិសុខ សុវត្ថិភាពនិងសេរីភាពនាវាចរណ៍ ដោយឈរលើមូលដ្ឋាននៃច្បាប់អន្តរជាតិ ជាពិសេសគឺអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ ទន្ទឹមនឹងនេះ បានអះអាងនូវតួនាទីស្នូលរបស់អាស៊ានក្នុងការដោះស្រាយបញ្ហាក្នុងតំបន់ផងដែរ៕
thoidai.com.vn
មតិពីមិត្តអ្នកអាន