យុគសម័យ - នាថ្ងៃទី ១៥ មិថុនា លោក Nguyen Van Thaiនាយកមជ្ឈមណ្ឌលអភិរក្សសត្វព្រៃនៅប្រទេសវៀតណាម (Save Vietnam's Wildlife - SVNW) បានទទួលពានរង្វាន់បរិស្ថានGoldman (Goldman Environmental Prize) ។
 វៀតណាមចូលរួមកិច្ចប្រជុំកំពូលទំនាក់ទំនងភាពជាដៃគូស្តីពីកំណើនបៃតង និងគោលដៅសកលឆ្នាំ ២០៣០ |
 “សួតបៃតងធម្មជាតិ” នៅចំកណ្តាលទីក្រុងហាណូយ |
 |
| លោក Nguyen Van Thai នាយកមជ្ឈមណ្ឌលអភិរក្សសត្វព្រៃនៅប្រទេសវៀតណាម (Save Vietnam's Wildlife) និងពានរង្វាន់បរិស្ថាន Goldman ។ |
បន្ទាប់ពីធ្វើការមិនរកប្រាក់ចំណេញអស់រយៈពេលជិត ៧ ឆ្នាំក្នុងនាមជាស្ថាបនិកក្រុមហ៊ុន SVNW នៅប្រទេសវៀតណាម លោកThai និងក្រុមសហការីរបស់លោកបានជួយសង្គ្រោះសត្វពង្រូលជាង ១៥០០ ក្បាល ដោយបានសម្របសម្រួលជាមួយរដ្ឋបាលព្រៃ ដើម្បីរឹបអូនិងដកអន្ទាក់សត្វជាង ៩.៧០០ កន្លែង ព្រមទាំងរុះរើជំរុំខុសច្បាប់ជាច្រើនទៀត…
ក្នុងរយៈពេល ៣ ឆ្នាំ ចាប់តាំងពីក្រុមប្រឆាំងនឹងការបរបាញ់ខុសច្បប់ត្រូវបានបង្កើតឡើង នៅក្នុងឧទ្យានជាតិ Pu Mat អង្គភាពនេះបានបំផ្លាញចោលអន្ទាក់ចំនួន ១០,០០០ រឹបអូសបានកាំភ្លើងបរបាញ់ចំនួន ៩០ ដើម ទ្រុងសត្វចំនួន ៨០០, ចាប់ខ្លួនអ្នកបរបាញ់សត្វនិងការជួញដូរសត្វព្រៃដោយខុសច្បាប់ចំនួន ៦០០ នាក់ ។
ពានរង្វាន់បរិស្ថាន Goldman បានវាយតម្លៃថា ការរួមចំណែករបស់លោក Thai និង មជ្ឈមណ្ឌល SVNW បានជះឥទ្ធិពលយ៉ាងខ្លាំងដល់ “ការយល់ដឹងនិងកិច្ចខិតខំប្រឹងប្រែង ដើម្បីការពារសត្វពង្រូល”។ ក្រៅពីការការពារការបរបាញ់សត្វនិងការជួញដូរសត្វព្រៃខុសច្បាប់ លោក Thai ក៏រៀបចំកម្មវិធីអប់រំ ដើម្បីលើកកម្ពស់ការយល់ដឹងជាសាធារណៈអំពីសារៈសំខាន់នៃការអភិរក្សសត្វព្រៃផងដែរ។
ទន្ទឹមនឹងនេះ លោក Nguyen Van Thai គឺជាអ្នកនិពន្ធឯកសារស្រាវជ្រាវជាច្រើន។ ម៉្យាងទៀត លោកបានអញ្ជើញចូលរួមក្នុងសិក្ខាសាលាអន្តរជាតិនិងកសាងនីតិវិធីដំបូងសម្រាប់ការតាមដាននិងបង្កាត់ពូជសត្វពង្រូល នៅប្រទេសវៀតណាម ដូចជាការដាក់ឲ្យដំណើរការមជ្ឈមណ្ឌលអប់រំអភិរក្សសត្វស៊ីសាច់និងសត្វពង្រូលដំបូង នៅខេត្ត Ninh Binh នៃប្រទេសវៀតណាម ដែលជាមជ្ឈមណ្ឌលស្តារនីតិសម្បទាសម្រាប់សត្វពង្រូលអាស៊ីដំបូងបង្អស់របស់វៀតណាម។ ដូច្នេះ សត្វពង្រូលរងរបួសធ្ងន់ ៨០ % ត្រូវបានជួយសង្គ្រោះនិងព្យាបាលឲ្យជាសះស្បើយ។
មុនពេលលោក Thai វៀតណាមមានលោកស្រី Nguy Thi Khanhនាយិការប្រតិបត្តិមជ្ឈមណ្ឌលអភិវឌ្ឍន៍ការច្នៃប្រឌិតបៃតង (GreenID) បានទទួលពានរង្វាន់ Goldman ឆ្នាំ ២០១៨ ។ ពានរង្វាន់ Goldman ត្រូវបានបង្កើតឡើងក្នុងឆ្នាំ ១៩៨៩ ដោយសប្បុរសជនពីរនាក់គឺ Richard និង Rhoda Goldman សុទ្ធតែជាជនជាតិអាមេរិក ដែលមានការទទួលស្គាល់ជាអន្តរជាតិអំពីសមិទ្ធិផលនិងការចូលរួមចំណែករបស់អ្នកដឹកនាំបរិស្ថានឆ្នើម ៗ នៅលើពិភពលោក៕
thoidai.com.vn
មតិពីមិត្តអ្នកអាន