តបតាមការអញ្ជើញរបស់ប្រធានាធិបតីកូរ៉េខាងត្បូងលោក Moon Jae In នាយករដ្ឋមន្រ្តីលោក Pham Minh Chinh នឹងអញ្ជើញចូលរួមកិច្ចប្រជុំកំពូលទំនាក់ទំនងភាពជាដៃគូ ស្តីពីកំណើនបៃតងនិងគោលដៅសកលឆ្នាំ ២០៣០ (ហៅកាត់ថា P4G) លើកទី ២ តាមប្រព័ន្ធវីដេអូ ចាប់ពីថ្ងៃទី ៣០ ដល់ថ្ងៃទី ៣១ ខែឧសភាខាងមុខ។
 ធានាសន្តិសុខស្បៀងជាតិរហូតដល់ឆ្នាំ ២០៣០ |
 នៅឆ្នាំ ២០៣០ វៀតណាមខិតខំនាំចេញផលិតផលកសិកម្មរុក្ខាប្រមាញ់និងជលផលឱ្យបានដល់ ៦២ ពាន់លានដុល្លារអាមេរិក |
 |
| នាយករដ្ឋមន្រ្តីលោក Pham Minh Chinh (រូបថត៖ VGP / Nhat Bac ) |
ក្រោមប្រធានបទ“ ការស្តារគ្របដណ្ដប់បៃតងឡើងវិញ ឆ្ពោះទៅរកគោលដៅបន្សាបកាបូន”នោះ នៅក្នុងសម័យសន្ទនាកំពូល ថ្នាក់ដឹកកនាំនៃបណ្ដាប្រទេសនឹងផ្ដោតសំខាន់លើការពិភាក្សាខ្លឹមសារអាទិភាពចំនួនបី រួមមាន៖
ការស្ដារបៃតងឡើងវិញក្រោយពីកូវីដ ១៩ កិច្ចខិតខំប្រឹងប្រែងរបស់សហគមន៍អន្តរជាតិ ដើម្បីសម្រេចឲ្យបានគោលដៅបន្សាបកាបូននៅឆ្នាំ ២០៥០ និងការបង្កើនសកម្មភាព ដើម្បីអាកាសធាតុ និងសម្របសម្រួលភាពជាដៃគូសាធារណៈ - ឯកជន។ ការចូលរួមរបស់វៀតណាមនៅក្នុងកិច្ចប្រជុំកំបូល P4G បន្តអះអាងនូវការចូលរួមប្រកបដោយការទទួលខុសត្រូវរបស់វៀតណាមក្នុងការជំរុញការអភិវឌ្ឍប្រកបដោយចីរភាព កំណើនបៃតង ការទប់ទល់នឹងបម្រែបម្រួលអាកាសធាតុ ព្រមទាំង ជំរុញកិច្ចសហប្រតិបត្តិការអន្តរជាតិ ក្នុងបញ្ហាអាទិភាពរបស់វៀតណាម៖ ការអភិវឌ្ឍន៍ប្រកបដោយចីរភាព ការវិនិយោ ពាណិជ្ជកម្ម បរិស្ថាន ថាមពលកកើតឡើងវិញ និងការអនុវត្តគោលដៅអភិវឌ្ឍន៍ប្រកបដោយចីរភាព ក៏ដូចជាការទប់ទល់នឹងការប្រែប្រួលអាកាសធាតុនៅតំបន់ដីសណ្ដទន្លេ Cuu Long ផងដែរ។ ការតំរង់ទិសដៅរបស់នាយករដ្ឋមន្រ្តីក្នុងកិច្ចប្រជុំ និងការចូលរួមវិភាគទានយ៉ាងសកម្មរបស់វៀតណាមនឹងរួមចំណែកជំរុញថែមទៀតទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយវៀតណាម - កូរ៉េខាងត្បូងផងដែរ៕
VOV
មតិពីមិត្តអ្នកអាន