យោងតាមរដ្ឋមន្ត្រីក្រសួងទេសចរណ៍ លោក ថោង ខុន បានឲ្យដឹងកាលពីពេលថ្មីៗនេះថា នៅចុងសប្តាហ៍ទី២នៃខែមិថុនានេះ គឺចាប់ពីថ្ងៃទី១២ ដល់ ១៣ ខែមិថុនា នៅទូទាំងប្រទេសកម្ពុជា ទទួលបានភ្ញៀវទេសចរសរុប ៧០.៨៧១នាក់ ថយចុះប្រមាណ ៩,៥៩% ធៀបនឹងសប្តាហ៍កន្លងមក ហើយបើធៀបនឹងរយៈពេលដូចគ្នានៃខែមិថុនា ឆ្នាំ២០២០ គឺថយចុះប្រមាណ ៥០,៦៩%។
 ខេត្ត Khanh Hoa រៀបចំសកម្មភាពវប្បធម៌និងកីឡាជាង ១០០ ដើម្បីទាក់ទាញភ្ញៀវទេសចរ |
 ទឹកធ្លាក់ព្រះនិម្មិតនៅតែទាក់ទាញភ្ញៀវទេសចរក្នុងដំណើរកម្សាន្តមកកាន់ប៉ែកឦសានប្រទេស |
 |
| កម្ពុជាមានភ្ញៀវទេសចរជាង ៧ ម៉ឺននាក់ ក្នុងចុងសប្តាហ៍ទី២ នៃខែមិថុនានេះ |
ក្នុងចំណោមភ្ញៀវទេសចរសរុបដែលទទួលបានក្នុងអំឡុងពេលនេះ ក្នុងនោះភ្ញៀវជាតិមានចំនួន ៧០.១១៧នាក់ និងភ្ញៀវបរទេសផ្ទៃក្នុងមានចំនួន ៧៥៤ នាក់។
ជាមួយគ្នានេះផងដែរ គោលដៅទេសចរណ៍សំខាន់ៗដែលទទួលបានភ្ញៀវទេសចរច្រើនជាងគេប្រចាំសប្តាហ៍ទី២ នេះរួមមាន រាជធានីភ្នំពេញ ខេត្តកំពង់ស្ពឺ ខេត្តកំពត ខេត្តព្រះសីហនុ ខេត្តបាត់ដំបង និងខេត្តកណ្តាល។
យោងតាមក្រសួងទេសចរណ៍ ចំនួនភ្ញៀវទេសចរបរទេសមកទស្សនាកម្ពុជាក្នុងរយៈពេល ៤ ខែដំបូងក្នុងឆ្នាំនេះ មានចំនួន ៨២.៨៣៩ នាក់ ធ្លាក់ចុះ ៩២,៩ ភាគរយ បើធៀបទៅនឹងឆ្នាំកន្លងទៅ។
ចាប់ពីខែមករាដល់ខែមេសាឆ្នាំ ២០២១ ភ្ញៀវទេសចរជនជាតិថៃឈរនៅលើលំដាប់កំពូល ដែលមានចំនួន ៤១.៧៩៤ នាក់ ខណៈដែល ចិន ២៥.៩៨៦ នាក់ និងវៀតណាម ៤.៨១៥ នាក់។
ជំងឺរាតត្បាតគឺជាកត្តាចម្បងដែលធ្វើឱ្យវិស័យទេសចរណ៍នៅកម្ពុជាធ្លាក់ចុះ។ ទោះជាយ៉ាងណាក្រសួងទេសចរណ៍ និងក្រសួងសុខាភិបាលកំពុងធ្វើការលើគោលការណ៍ដើម្បីអនុញ្ញាតឱ្យភ្ញៀវទេសចរដែលបានចាក់វ៉ាក់សាំងរួច ចូលមកទស្សនាប្រទេសកម្ពុជាក្នុងអំឡុងត្រីមាសទី៤ ឆ្នាំ២០២១។
រដ្ឋមន្រ្តីក្រសួងទេសចរណ៍ លោក ថោង ខុន បានទទួលស្គាល់ពីសារៈសំខាន់នៃទេសចរណ៍អន្តរជាតិដែលរួមចំណែកដល់សេដ្ឋកិច្ចជាតិ ខណៈដែលលោកបានបញ្ជាក់ថារដ្ឋាភិបាលកំពុងសម្របសម្រួលបើកអាជីវកម្មដែលទាក់ទងនឹងវិស័យទេសចរណ៍ឡើងវិញដើម្បីដោះស្រាយបញ្ហានេះ។
គួរបញ្ជាក់ឲ្យដឹងផងដែរថា ក្នុងឆ្នាំ ២០២០ ប្រទេសកម្ពុជាទទួលបានភ្ញៀវទេសចរបរទេសត្រឹមតែ ១,៣១ លាននាក់ប៉ុណ្ណោះដែលជាការធ្លាក់ចុះប្រមាណ ៨០ ភាគរយបើប្រៀបធៀបនឹងឆ្នាំ ២០១៩ ៕
Khmertimes
មតិពីមិត្តអ្នកអាន