សម្រាប់ជនជាតិ Co Tu ដែលកំពុងរស់នៅក្នុងស្រុក Tay Giang, Dong Giang និង Nam Giang ខេត្ដ Quang Nam ភាគកណ្ដាលវៀតណាម ព្រៃត្រូវបានគេចាត់ទុកថាជាម្តាយស្លូត និងជាឪពុកដ៏ក្លាហានការពារពួកគេ។ ព្រៃដូចជាអ្នកតាដ៏ពិសិដ្ឋរបស់ភូមិ និងសហគមន៍ជនជាតិ Co Tu ។
 ជនជាតិ Thai នៅភូមិ Hin ខិតខំប្រឹងប្រែងអភិរក្ស ចង្វាក់ភ្លេង ប្រជាប្រិយ របាំនិងភាសា Thai |
 ជនជាតិ Ha Nhi លេងយោលទោងក្នុងបុណ្យតេតរដូវវស្សា |
 |
| ពិធីសែនអ្នកតាព្រៃឆ្នាំ ២០២១ របស់ជនជាតិ Co Tu នៅស្រុក Tay Giang ខេត្ដ Quang Nam |
ជនជាតិ Co Tu មិនចាត់ទុកព្រៃជាធនធានដើម្បីទន្ទ្រាន កាន់កាប់និងលក់ដូរទេ តែព្រៃគឺជាធនធានសម្រាប់យើងទាំងអស់គ្នាការពារព្រៃនិងជាភារកិច្ចរបស់សហគមន៍។
ជនជាតិ Co Tu គោរពបូជាអ្នកតាព្រៃ ជាពិសេព្រៃពិសិដ្ឋ ព្រៃមានសត្វច្រើន និងរុក្ខជាតិឧសថជាច្រើនអាចព្យាបាលជំងឺឲ្យអ្នកភូមិ។ អ្វីៗទាំងអស់នៅក្នុងព្រៃគឺជាទ្រព្យសម្បត្តិរួមរបស់សហគមន៍ និងអ្នកភូមិទាំងអស់មានទំនួលខុសត្រូវ និងកាតព្វកិច្ចការពារព្រៃដូចការពារអ្នកម្ដាយដ៏ពិសិដ្ឋ។ ក្នុងការផលិត ជនជាតិ Co Tu ចាត់ទុកព្រៃជាប្រភពទឹកដោះសម្រាប់អ្នកភូមិទទួលផលរដូវស្រូវ និងនាំមកនូវផលដំណាំជាច្រើនផ្សេងទៀត និងអ្នកភូមិមានជីវភាពរស់នៅយ៉ាងសុខសាន្ដ។
ព្រឹទ្ធាចារ្យភូមិ Co Lau Nhap ឃុំ Lang ស្រុក Tay Giang ឲ្យដឹងថា “ជនជាតិ Co Tu ហាមឃាត់ការកាប់បំផ្លាញព្រៃឈើជាដាច់ខាត បន្ទាប់ពីដាំដំណាំ និងប្រមូលផលរួច ជនជាតិ Co Tu ឈប់ដាំដំណាំលើឡូដីនោះប្រហែល ៥ ដល់ ១០ ឆ្នាំទើបចាប់ផ្ដើមដាំបន្ដទៀត។ ការផ្អាកដាំដំណាំបែបនេះសំដៅទុកឲ្យដីមានជីវជាតិឡើងវិញ។ ពួកគេមិនធ្វើស្រែចម្ការដោយដាក់ជីគីមីឡើយ។
នៅក្នុងវប្បធម៌របស់ជនជាតិ Co Tu អ្វីទាំងអស់ត្រូវបានតភ្ជាប់ជាមួយព្រៃ ការការពារព្រៃត្រូវបានកំណត់ជាទំនៀមទម្លាប់របស់អ្នកភូមិ Co Tu។ ជន Co Tu គ្រប់ៗរូបមានការទទួលខុសត្រូវក្នុងការគោរព និងអភិរក្សព្រៃឈើសម្រាប់មនុស្សជំនាន់ក្រោយ៕
kh.qdnd.vn
មតិពីមិត្តអ្នកអាន