យុគសម័យ - នៅថ្ងៃទី ១៦ ខែកុម្ភៈទីភ្នាក់ងារសារព័ត៌មាន PTI បានរាយការណ៍ថាទីក្រុងញូវដែលីនិងទីក្រុងមូស្គូបានបញ្ចប់ក្របខ័ណ្ឌកិច្ចព្រមព្រៀងប្រកបដោយមហិច្ឆតាលើការនាំចូលប្រេងឆៅរយៈពេលវែងពីចុងបូព៌ាប្រទេសរុស្ស៊ីដល់ប្រទេសឥណ្ឌាដើម្បីចុះហត្ថលេខាជាផ្លូវការនៅកិច្ចប្រជុំកំពូលប្រចាំឆ្នាំរវាងប្រទេសទាំងពីរនៅឆ្នាំនេះ។
រុស្ស៊ី - ឥណ្ឌាបានឈានដល់កិច្ចព្រមព្រៀងប្រកបដោយមហិច្ឆតាស្តីពីការជួញដូរប្រេងឆៅ។ (ប្រភព៖ Financial Express)
យោងតាមប្រភពការទូត កិច្ចព្រមព្រៀងនេះនឹងជួយប្រទេសឥណ្ឌានិងរុស្ស៊ីសម្រេចគោលដៅ ក្នុងការនាំពាណិជ្ជកម្មទ្វេភាគីដល់ ២៥ ពាន់លានដុល្លារអាមេរិកពីចំនួន ១១ ពាន់លានដុល្លារអាមេរិកនាពេលបច្ចុប្បន្ន។
យោងតាមអគ្គរដ្ឋទូតរុស្ស៊ីប្រចាំនៅប្រទេសឥណ្ឌាលោក Roman Babushkin បានឱ្យដឹងថាប្រទេសទាំងពីរកំពុងប្រើវិធីសាស្រ្ត “ពហុទិស” ដើម្បីជំរុញកិច្ចសហប្រតិបត្តិការក្នុងវិស័យប្រេងនិងឧស្ម័នក្នុងស្មារតីដែលប្រធានាធិបតីរុស្ស៊ីលោក Vladimir Putin និងនាយករដ្ឋមន្រ្តីឥណ្ឌាលោក Narendra Modi បានឈានដល់កិច្ចប្រជុំនៅខែកញ្ញាឆ្នាំ ២០១៩ នៅទីក្រុង Vlapostok ។
ទំនាក់ទំនងឥណ្ឌា - រុស្ស៊ីត្រូវបានជំរុញជាចម្បងដោយកិច្ចសហប្រតិបត្តិការយ៉ាងជិតស្និទ្ធនៅក្នុងវិស័យថាមពលនុយក្លេអ៊ែរស៊ីវិលនិងការពារជាតិ ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ ភាគីទាំងពីរបានផ្តោតលើកិច្ចខិតខំប្រឹងប្រែងដើម្បីពង្រីកកិច្ចសហប្រតិបត្តិការក្នុងវិស័យប្រេងនិងឧស្ម័ន។ ក្រុមហ៊ុនប្រេងឥណ្ឌាកំពុងពិចារណាយ៉ាងសកម្មអំពីលទ្ធភាពនៃការចូលរួមក្នុងសកម្មភាពរុករកនៅចុងបូព៌ារុស្ស៊ី។
ជាង ៨០% នៃតម្រូវការប្រេងរបស់ឥណ្ឌាពឹងផ្អែកលើការនាំចូល៕
（ប្រែសម្រូលដោយវិច្ឆិកា）
មតិពីមិត្តអ្នកអាន