ឯកឧត្តម ជៀប សួរ អគ្គនាយក នៃអគ្គនាយកដ្ឋានប្រេងកាត នៃក្រសួងរ៉ែ និងថាមពលបានបញ្ជាក់ប្រាប់ខេមបូណូមីសនៅថ្ងៃទី ១៧ ខែឧសភាថា ក្រុមហ៊ុនរុករក និងបូមប្រេងរបស់សិង្ហបុរី KrisEnergy នឹងនាំចេញប្រេងរបស់កម្ពុជាទៅលក់នៅលើទីផ្សារអន្តរជាតិនៅអំឡុងខែឧសភា នេះហើយ។ ក្នុងដំណាក់កាលដំបូងនេះ ក្រុមហ៊ុន KrisEnergy គ្រោងនាំចេញប្រេងឆៅក្នុងបរិមាណចន្លោះពី២៧ម៉ឺនបារែល ទៅ៣០ម៉ឺនបារែល។ បរិមាណប្រេងនាំចេញនេះ វាប្រែប្រួលទៅតាមការវាស់វាល់ជាក់ស្តែង។
 ការធ្វើអាជីវកម្មប្រេងរបស់ក្រុមហ៊ុន Vietsovpetro សម្រេចបានលទ្ធផលលើសពីផែនការដែលកំណត់ជាមុខ |
 អង្គការ OPEC+ បានឈានដល់កិច្ចព្រមព្រៀងកាត់បន្ថយប្រេងចំនួន ៩,៧ លានបារ៉ែលក្នុងមួយថ្ងៃ |
 |
| កម្ពុជានឹងនាំចេញប្រេងឆៅជាលើកដំបូងក្នុងប្រវត្តិសាស្ត្រនាពេលខាងមុខ |
មន្ត្រីជាន់ខ្ពស់ក្រសួងរ៉ែ និងថាមពលអះអាងថា បើមិនមានអ្វីប្រែប្រួលទេ កម្ពុជានឹងនាំចេញដំណក់ប្រេងឆៅលើកដំបូងក្នុងប្រវត្តិសាស្ត្ររបស់ខ្លួននៅក្នុងខែឧសភានេះហើយ ដោយនៅក្នុងសំណើសុំនាំចេញប្រេងរបស់ក្រុមហ៊ុន KrisEnergy នៅក្នុងដំណាក់កាលទី១នេះ ក្រុមហ៊ុនគ្រោងនាំចេញប្រមាណ៣០ម៉ឺនបារែល ឬស្មើនឹងប្រមាណជាង ៤០លានតោន។
ឯកឧត្តម ជៀប សួរ អគ្គនាយក នៃអគ្គនាយកដ្ឋានប្រេងកាត នៃក្រសួងរ៉ែ និងថាមពលបានបញ្ជាក់ប្រាប់ខេមបូណូមីសនៅថ្ងៃទី ១៧ ខែឧសភាថា ក្រុមហ៊ុនរុករក និងបូមប្រេងរបស់សិង្ហបុរី KrisEnergy នឹងនាំចេញប្រេងរបស់កម្ពុជាទៅលក់នៅលើទីផ្សារអន្តរជាតិនៅអំឡុងខែឧសភា នេះហើយ។ ក្នុងដំណាក់កាលដំបូងនេះ ក្រុមហ៊ុន KrisEnergy គ្រោងនាំចេញប្រេងឆៅក្នុងបរិមាណចន្លោះពី២៧ម៉ឺនបារែល ទៅ៣០ម៉ឺនបារែល។ បរិមាណប្រេងនាំចេញនេះ វាប្រែប្រួលទៅតាមការវាស់វាល់ជាក់ស្តែង។
បើតាមឯកឧត្តម ជៀប សួរ ទោះបីក្រុមហ៊ុន KrisEnergy បរាជ័យក្នុងការរៀបចំរចនាសម្ព័ន្ធបំណុលរបស់ខ្លួនជាមួយធនាគារ DBS របស់សិង្ហបុរី ដោយសារមិនអាចបំពេញតាមលក្ខខណ្ឌ ដែលបានចែងពាក់ព័ន្ធនឹងសមត្ថភាពទាញយកប្រេងនៅកម្ពុជាក៏ដោយ តែវាមិនទាន់ឃើញមានផលប៉ះពាល់ដល់ការបូមប្រេងនៅកម្ពុជានោះទេ ខណៈបច្ចុប្បន្នក្រុមហ៊ុនសិង្ហបុរីមួយនេះ កំពុងស្វែងរកប្រភពទុនបន្ថែមទៀត និងរៀបចំយុទ្ធសាស្ត្រក្នុងការទាយយកប្រេងពីអណ្តូងប្រេងរបស់កម្ពុជា។
គួររំលឹកថា កម្ពុជាទទួលបានដំណក់ប្រេងដំបូងរបស់ខ្លួនកាលពីចុងខែធ្នូ ឆ្នាំ២០២០។ សម្តេច ហ៊ុន សែន នាយករដ្ឋមន្ត្រីនៃកម្ពុជា បានអះអាងកន្លងមកថា ចំណូលដែលបានពីការលក់ប្រេងរបស់កម្ពុជា នឹងយកទៅប្រើប្រាស់លើវិស័យអាទិភាពចំនួនពីរ គឺអប់រំ និងសុខាភិបាល៕
VOV/Cambonomist
មតិពីមិត្តអ្នកអាន