ពង្រឹងទំនាក់ទំនង"ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និងស្ថិរភាពយូរអង្វែង"រវាងវៀតណាម - កម្ពុជា

សមាគមមិត្តភាពវៀតណាម - កម្ពុជានៅស្រុកហៃជូ (ទីក្រុងដាណាំង) បរិច្ចាគថវិកាក្នុងការការពារនិងទប់ស្កាត់ជំងឺកូវីដ-១៩

ថ្នាក់ដឹកនាំយុវជនវៀតណាម - កម្ពុជាបានជួបសន្ទនាជាមួយគ្នា តាមរយៈប្រព័ន្ធវីដេអូ

នៅកិច្ចពិភាក្សា ប្រធានរដ្ឋសភាវៀតណាម លោក Vuong Dinh Hue បានជម្រាបជូនសម្តេច ហេង សំរិន អំពីស្ថានភាពនៅប្រទេសវៀតណាមក្នុងរយៈពេលកន្លងមក។ ទោះបីក្នុងបរិបទការវិវឌ្ឍដ៏ស្មុគស្មាញនៃជំងឺរាតត្បាត Covid-19 ក៏ដោយក៏វៀតណាមបាន និងកំពុងអនុវត្តគោលដៅពីរក្នុងពេលតែមួយប្រកបដោយជោគជ័យ នោះគឺការការពារ និងប្រយុទ្ធប្រឆាំងនឹងរោគរាតត្បាតផង និងការអភិវឌ្ឍសេដ្ឋកិច្ចសង្គមផង។

ថ្នាក់ដឹកនាំរដ្ឋសភាទាំងពីររូបបានចាត់ទុកថា ប្រទេសទាំងពីរត្រូវកាបង្កើន កិច្ចសហការ ការត្រួតពិនិត្យ ដាស់តឿន ជំរុញនិងឃ្លាំមើល រួមទាំងការឃ្លាំមើលរួមដោយស្ថាប័នសភានៃប្រទេសទាំងពីរ ចំពោះក្រសួង ស្ថាប័ន ខេត្ត ក្រុងនិងសហគ្រាសនានា ក្នុងការអនុវត្តសន្ធិសញ្ញា កិច្ចព្រមព្រៀងដែល ត្រូវបានចុះហត្ថលេខារវាងប្រទេសទាំងពីរ យោងតាមនោះធ្វើឲ្យស៊ីជម្រៅ និងជាក់ស្ដែងថែមទៀតនូវទំនាក់ទំនងសហប្រតិបត្តិការគ្រប់ជ្រុងជ្រោយ រវាងវៀតណាមនិងកម្ពុជា។

ប្រធានរដ្ឋសភាវៀតណាម លោក Vuong Dinh Hue នៅកិច្ចពិភាក្សា។ (រូបថត៖ /kh.qdnd.vn)

លោកប្រធានរដ្ឋសភា Vuong Dinh Hue បានអះអាងនូវគោលនយោបាយឥតងាករេរបស់បក្ស និងរដ្ឋវៀតណាម គឺយកចិត្តទុកដាក់យ៉ាងខ្លាំងជានិច្ច និងផ្តល់អាទិភាពខ្ពស់ចំពោះការពង្រឹង និងពង្រីកទំនាក់ទំនងមិត្តភាពប្រពៃណីជាមួយកម្ពុជា។

ប្រធានរដ្ឋសភាទាំងពីររូបបានឯកភាពថា ស្ថាប័ននីតិប្បញ្ញត្តិនៃ ប្រទេសទាំងពីរនឹងគាំទ្រ ហើយកសាង បង្ហើយក្របខ័ណ្ឌគតិយុត្តដើម្បី ជួយសម្រួលដល់ការដោះដូរពាណិជ្ជកម្ម ការវិនិយោគរវាងប្រទេសទាំងពីរ ការពង្រឹងនិងលើកកំពស់ប្រសិទ្ធភាពនៃកិច្ចសហប្រតិបត្តិការផ្នែកការពារ ជាតិសន្តិសុខ ការតភ្ជាប់ចរាចរណ៍ កិច្ចសហប្រតិបត្តិការរវាងខេត្ត ក្រុងនៃ ភាគីទាំងពីរ កិច្ចសហប្រតិបត្តិការក្នុងការបង្ការទប់ស្កាត់ជម្ងឺរាតត្បាត កូវីដ ១៩ និងការស្ដារឡើងវិញក្រោយវិបត្តិនេះផងដែរ។

ទន្ទឹមជាមួយគ្នានោះ ប្រធានរដ្ឋសភាទាំងពីររូបក៏បានឯកភាពថា ក្នុង កិច្ចសហប្រតិបត្តិការពហុភាគី រដ្ឋសភានៃប្រទេសទាំងពីរតែងតែគោរព គោលជំហរ ហើយគាំទ្រគ្នាទៅវិញទៅមកនៅវេទិកាអន្តរសភានានាក្នុង តំបន់និងលើពិភពលោក។

ក្នុងឱកាសនេះ លោកប្រធានរដ្ឋសភាកម្ពុជា បានអញ្ជើញលោកប្រធានរដ្ឋសភា Vuong Dinh Hue មកបំពេញទស្សនកិច្ចជាផ្លូវការនៅកម្ពុជា និងចូលរួមកិច្ចប្រជុំភាពជាដៃគូសភាអាស៊ី-អឺរ៉ុប លើកទី១១ (ASEP-11) នៅទីក្រុងភ្នំពេញ នាចុងឆ្នាំ ២០២១។ ហើយ លោកប្រធានរដ្ឋសភា Vuong Dinh Hue ថា លោកនឹងរៀបចំពេលវេលាដើម្បីចូលរួមកិច្ចប្រជុំដោយផ្ទាល់ក្រោមអធិបតីភាពរបស់កម្ពុជានាចុងឆ្នាំនេះ នៅពេលដែលជម្ងឺរាតត្បាតត្រូវបានគ្រប់គ្រងដោយជោគជ័យ

នៅកិច្ចពិភាក្សា ភាគីទាំងពីរបានឯកភាព និងលើកឡើងពីទំនាក់ទំនង “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និងស្ថិរភាពយូរអង្វែង" ទាំងក្នុងក្របខ័ណ្ឌការទូតរបស់បក្ស រដ្ឋ និងរដ្ឋសភា។ ទំនាក់ទំនងមិត្តភាព សាមគ្គីភាពជាប្រពៃណី និងកិច្ចសហប្រតិបត្តិការយ៉ាងជិតស្និទ្ធរវាងប្រទេសទាំងពីរ គឺជាទ្រព្យសម្បត្តិមិនអាចកាត់ថ្លៃបានរបស់ប្រជាជនទាំងពីរ។ ក្នុងបរិបទនៃការរីករាលដាលនៃជំងឺរាតត្បាត Covid-19 ថ្នាក់ដឹកនាំជាន់ខ្ពស់នៃប្រទេសទាំងពីរនៅតែរក្សាបានជំនួប និងការផ្លាស់ប្តូរជាប្រចាំ ហើយយន្តការសហប្រតិបត្តិការទ្វេភាគីបន្តបានអនុវត្តប្រកបដោយប្រសិទ្ធភាព។

ភាគីទាំងពីរបានស្វាគមន៍ចំពោះការប្តេជ្ញាចិត្តរួមគ្នារបស់រដ្ឋាភិបាលនៃប្រទេសទាំងពីរក្នុងការពង្រឹងកិច្ចសហប្រតិបត្តិការ និងជួយគ្នាទៅវិញទៅមកក្នុងការស្តារសេដ្ឋកិច្ចឡើងវិញ និងការការពារ និងប្រយុទ្ធប្រឆាំងនឹងជំងឺរាតត្បាត Covid-19 ក៏ដូចជាពង្រឹងការគ្រប់គ្រងព្រំដែន។ល។

ប្រធានរដ្ឋសភាទាំងពីរ នៅកិច្ចពិភាក្សា

ភាគីទាំងពីរបានវាយតម្លៃខ្ពស់ចំពោះការផ្តល់សច្ចាប័នលើអនុស្សារណៈនៃការយោគយល់គ្នារវាងប្រទេសទាំងពីរដែលសម្រេចបាននូវ ៨៤% នៃការងារខណ្ឌសីមា និងបោះបង្គោលព្រំដែនគោក។ លោកប្រធានរដ្ឋសភាកម្ពុជាបានបញ្ជាក់ថា សមិទ្ធិផលដ៏អស្ចារ្យនេះបានបង្ហាញពីការខិតខំប្រឹងប្រែង និងសុច្ឆន្ទៈក្នុងការស្វែងរកដំណោះស្រាយចំពោះបញ្ហាព្រំដែនគោករវាងប្រទេសទាំងពីរ។ ភាគីទាំងពីរបានសម្តែងនូវសេចក្តីសង្ឃឹមថា ប្រទេសទាំងពីរនឹងបន្តចរចាដើម្បីដោះស្រាយបញ្ហាព្រំដែនដែលនៅសេសសល់ចំនួន ១៦% ទៀត បង្កើតជាមូលដ្ឋានដ៏សំខាន់សម្រាប់ការកសាងព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍប្រកបដោយចីរភាព។

ភាគីទាំងពីរក៏បានឯកភាពគ្នាបង្កើនការផ្លាស់ប្តូរព័ត៌មាន ការសម្របសម្រួលយ៉ាងជិតស្និទ្ធ និងការគាំទ្រគ្នាទៅវិញទៅមកក្នុងបញ្ហាអន្តរជាតិ និងតំបន់ និងសហការនៅវេទិកាពហុភាគី ក្នុងក្របខ័ណ្ឌនៃកិច្ចសហប្រតិបត្តិការអាស៊ាន និងយន្តការផ្សេងទៀតដែលដឹកនាំដោយអាស៊ាន។ល។ ក្នុងឱកាសនេះដែរ លោក ប្រធានរដ្ឋសភាវៀតណាម Vuong Dinh Hue បានគោរពអញ្ជើញប្រធានរដ្ឋសភា និងប្រធានព្រឹទ្ធសភាកម្ពុជាមកបំពេញ ទស្សនកិច្ចនៅវៀតណាម នៅពេលវេលាសមស្រប៕

ឌីណា