ទេសាភិបាលរងនៃធនាគាររដ្ឋវៀតណាម (SBV) លោក Nguyen Thi Hong ទើបតែអនុម័តផែនការសម្រាប់ធ្វើបដិវត្តកម្មឌីជីថល (Digital Transformation) នៃឧស្សាហកម្មធនាគារត្រឹមឆ្នាំ ២០២៥។
 វៀតណាមមានផែនការពង្រីកផ្ទៃដៃដាំដុះស្វាយបង្កើនការនាំចេញដំណាំហូបផ្លែ |
 ធនាគារ ADB ព្យាករណ៍ថា ខឿនសេដ្ឋកិច្ចវៀតណាមនឹងត្រូវបានស្ដារឡើងវិញយ៉ាងខ្លាំងក្លា |
 |
| ធនាគាររដ្ឋវៀតណាម SBV បង្ហាញផែនការធ្វើបរិវត្តកម្មឌីជីថលត្រឹមឆ្នាំ ២០២៥ |
ផែនការនេះត្រូវបានរំពឹងធ្វើនវានុវត្តន៍សកម្មភាពគ្រប់គ្រងឲ្យទូលំទូលាយនៃធនាគាររដ្ឋវៀតណាមក្នុងទិសដៅទំនើបលើមូលដ្ឋាននៃការដាក់ពាក្យស្នើសុំឲ្យមានប្រសិទ្ធភាព និង ការធ្វើអាជីកម្មនៃបដិវត្តន៍ឧស្សាហកម្មទី ៤ ដែលបំពេញនូវលក្ខណៈវិនិច្ឆ័យនិង សូចនាកររបស់រដ្ឋាភិបាលពេញលេញលើបដិវត្តកម្មឌីជីថល។
យោងតាមផែនការនេះ សេវាសាធារណៈរបស់ធនាគារ ១០០ ភាគរយនឹងត្រូវធ្វើបច្ចុប្បន្នភាពដល់កម្រិត ៤ (បដិវត្តឧស្សាហកម្មទី ៤ )ត្រឹមឆ្នាំ ២០២៥។
សេវាសាធារណៈដល់កម្រិត ៤ ១០០ ភាគរយត្រូវបានគេធ្វើសមាហរណកម្មនៅច្រក សេវាសាធារណៈថ្នាក់ជាតិ និង ៩០ ភាគរយនៃការងារកត់ត្រានៅ SBV ត្រូវបានដំណើរការ និងផ្ទុកតាមអនឡាញ។
យ៉ាងហោចណាស់ ៥០ ភាគរយនៃសកម្មភាពការងារអធិការកិច្ច និងការគ្រប់គ្រងនៃធនាគារ SBV ត្រូវបានអនុវត្តតាមរយៈបរិបទ ឌីជីថល និង ប្រព័ន្ធព័ត៌មាននៃធនាគារ។
សម្រាប់ស្ថាប័នផ្តល់ឥណទាន សាខាធនាគារបរទេសយ៉ាងហោចណាស់ត្រូវតែមាន ៥០ ភាគរយនៃប្រតិបត្តិការធនាគារអនុញ្ញាតឲ្យអតិថិជនប្រតិបត្តិការតាមអនឡាញទាំងស្រុងបាន។
ផែនការនេះក៏បានកំណត់នូវទិសដៅយ៉ាងហោចណាស់ ៥០ ភាគរយនៃពលរដ្ឋពេញវ័យដែលប្រើប្រាស់សេវាកម្មទូរទាត់តាមអេឡិចត្រនិក និង យ៉ាងហោចណាស់ ៧០ នៃការផ្ទេរប្រាក់របស់អតិថិជនត្រូវធ្វើឡើងតាមរយៈមធ្យោបាយឌីជីថល។
ពេលជាមួយគ្នានោះ ធនាគាររដ្ឋវៀតណាមរំពឹងថា យ៉ាងហោចណាស់ ៦០ នៃស្ថាប័នផ្តល់ឥណទានត្រូវមានចំណូលពីប្រព័ន្ធឌីជីថលលើសពី ៣០ ភាគរយ។
យ៉ាងហោចណាស់ ៥០ ភាគរយនៃការសម្រេចចិត្តលើការវិភាជថវិកា និងការផ្តល់ប្រាក់កម្ចីនៃធនាគារពាណិជ្ជ ក្រុមហ៊ុនហិរញ្ញវត្ថុសម្រាប់កម្ចីខ្នាតតូចនិង កម្ចីបុគ្គលប្រើប្រាស់ត្រូវធ្វើឡើងក្នុងទិសដៅនៃឌីជីថលូបនីយកម្ម និង ស្វ័យប្រវត្តិ។ យ៉ាងហោចណាស់ ៧០ ភាគរយនៃការងារកត់ត្រាទុក នៅឯស្ថាប័នឥណទានត្រូវបានដំណើរការ និង ផ្ទុកក្នុងប្រព័ន្ធឌីជីថល។
ត្រឹមឆ្នាំ ២០៣០ ធនាគារ SBV បានកំណត់គោលដៅថា យ៉ាងហោចណាស់ ៧០ ភាគរយនៃការងារអធិការកិច្ច និងគ្រប់គ្រងត្រូវអនុវត្តតាមរយៈបរិស្ថានឌីជីថល និង ប្រព័ន្ធព័តមានធនាគារ។ យ៉ាងហោចណាស់ ៧០ ភាគរយនៃប្រតិបត្តិការធនាគារ អនុញ្ញាតឲ្យអតិថិជនដំណើរការតាមឌីជីថលទាំងស្រុង៕
VNS/Postkhmer
មតិពីមិត្តអ្នកអាន