នារសៀលថ្ងៃទី ១៣ ខែឧសភា នៅវិមានរដ្ឋសភា ប្រធានរដ្ឋសភាវៀតណាម លោក Vuong Dinh Hue បានទទួលជួបឯកអគ្គរដ្ឋទូតឡាវប្រចាំវៀតណាម លោក Sengphet Houngboungnuang។
ប្រធានរដ្ឋសភាលោក Vuong Dinh Hue អញ្ជើញជួបសំណេះសំណាលជាមួយម្ចាស់ឆ្នោតនៅស្រុក Tien Lang ទីក្រុង Hai Phong |
ប្រធានរដ្ឋសភាវៀតណាមលោក Vuong Dinh Hue អញ្ជើញធ្វើកិច្ចសន្ទនាតាមទូរស័ព្ទជាមួយប្រធានរដ្ឋសភាឡាវ |
ប្រធានរដ្ឋសភាវៀតណាម លោក Vuong Dinh Hue និងឯកអគ្គរដ្ឋទូតឡាវប្រចាំវៀតណាម លោក Sengphet Houngboungnuang នៅជំនួប (រូបថត៖ vnanet.vn) |
នៅក្នុងជំនួប លោកប្រធានរដ្ឋសភា Vuong Dinh Hue បានអះអាងនូវគោលនយោបាយឥតងាករេរបស់វៀតណាម គឺយកចិត្តទុកដាក់យ៉ាងខ្លាំង និងផ្តល់អាទិភាពខ្ពស់បំផុតចំពោះទំនាក់ទំនងជាមួយឡាវ។ លោកបានសម្តែងនូវក្តីសប្បាយរីករាយចំពោះការអភិវឌ្ឍល្អប្រពៃនៃទំនាក់ទំនងមិត្តភាពសាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយរវាងវៀតណាមនិងឡាវ។ លោកប្រធានរដ្ឋសភា Vuong Dinh Hue បានអះអាងថា លោកនិងប្រធានរដ្ឋសភាឡាវ លោក Saysomphone Phomvihane នឹងបន្តទទួលមរតក និងអភិវឌ្ឍទំនាក់ទំនងពិសេសដ៏ល្អប្រពៃរវាងរដ្ឋសភានៃប្រទេសទាំងពីរ។ នាពេលខាងមុខ លោកប្រធានរដ្ឋសភា Vuong Dinh Hue បានស្នើឲ្យលោកឯកអគ្គរដ្ឋទូតឡាវ សម្របសម្រួលជាមួយគណៈកម្មការបរទេសនៃរដ្ឋសភាវៀតណាម និងស្ថាប័នផ្សេងទៀត គាំទ្ររដ្ឋសភានៃប្រទេសទាំងពីរ បន្តជំរុញកិច្ចសហប្រតិបត្តិការ។
លោកឯកអគ្គរដ្ឋទូត Sengphet Houngboungnuang បានសម្តែងនូវក្តីជឿជាក់ថា ទំនាក់ទំនងមិត្តភាព សាមគ្គីភាពពិសេសនិងកិច្ចសហប្រតិបត្តិការគ្រប់ជ្រុងជ្រោយ ឡាវ-វៀតណាម នឹងបន្តអភិវឌ្ឍពីថ្ងៃមួយទៅថ្ងៃមួយ។ លោកបានថ្លែងអំណរគុណចំពោះបក្ស និងរដ្ឋវៀតណាមដែលបានបញ្ជូនគណៈប្រតិភូអ្នកជំនាញការ និងគាំទ្រសម្ភារៈបរិក្ខាពេទ្យ ជូនឡាវ ដើម្បីប្រយុទ្ធប្រឆាំងនឹងជំងឺរាត្បាត Covid-19។
លោកប្រធានរដ្ឋសភា Vuong Dinh Hue បានសម្តែងនូវក្តីសប្បាយរីករាយចំពោះវឌ្ឍនភាពនៃគម្រោងសាងសង់វិមានរដ្ឋសភាឡាវថ្មី ទាន់ពេលវេលាបម្រើសម័យប្រជុំលើកទី ១ នៃរដ្ឋសភានីតិកាលទី ១៩។ លោកប្រធានរដ្ឋសភា Vuong Dinh Hue បានមានប្រសាសន៍ថា គ្រោងនៅចុងខែមិថុនា ឆ្នាំ ២០២១ ក្រសួងសំណង់វៀតណាមនឹងសម្របសម្រួលជាមួយភាគីឡាវដើម្បីរៀបចំពិធីប្រគល់សំណង់នេះទៅឱ្យភាគីឡាវ៕
kh.qdnd.vn
មតិពីមិត្តអ្នកអាន