Trending now

ប្រធានរដ្ឋសភាវៀតណាមលោក Vuong Dinh Hue អញ្ជើញធ្វើកិច្ចសន្ទនាតាមទូរស័ព្ទជាមួយប្រធានរដ្ឋសភាឡាវ

07:24 | 04/04/2021 ហេង វុធ្ធី

យុគសម័យ - ដ្ឋសភានៃប្រទេសទាំងពីរបានរួមជាមួយស្ថាប័នពាក់ព័ន្ធសម្របសម្រួលយ៉ាងល្អដើម្បីរៀបចំបណ្តាសកម្មភាពអបអរសាទរខួបលើកទី ៦០ នៃការបង្កើតទំនាក់ទំនងការទូត និងរយៈពេល ៤៥ ឆ្នាំនៃការចុះហត្ថលេខាលើសន្ធិសញ្ញាមិត្តភាពវៀតណាម - ឡាវ, ឡាវ - វៀតណាមនៅឆ្នាំ ២០២២។

ប្រធានរដ្ឋសភាវៀតណាមលោក Vuong Dinh Hue អញ្ជើញធ្វើកិច្ចសន្ទនាតាមទូរស័ព្ទជាមួយប្រធានរដ្ឋសភាឡាវ
ប្រធានរដ្ឋសភាវៀតណាម លោក Vuong Dinh Hue

នារសៀលថ្ងៃទី ២ មេសា នៅវិមានរដ្ឋសភា ប្រធានរដ្ឋសភា លោក Vuong Dinh Hue បានអញ្ជើញជួបសន្ទនាតាមទូរស័ព្ទជាមួយលោក Saysomphone Phomvihane ប្រធានរដ្ឋសភាឡាវ។

ក្នុងជំនួបតាមទូរស័ព្ទនេះ ប្រធានរដ្ឋសភានៃប្រទេសទាំងពីរបានបញ្ជាក់ថា នឹងបន្តចូលរួមចំណែកក្នុងការពង្រឹងកិច្ចសហប្រតិបត្តិការនិងចែករំលែកបទពិសោធន៍ជាមួយគ្នាទៅវិញទៅមក ជាពិសេសក្នុងការកសាងស្ថាប័ន ប្រព័ន្ធច្បាប់និងការឃ្លាំមើលលើការអនុវត្តច្បាប់។

ទន្ទឹមជាមួយគ្នានោះ បន្តសម្របសម្រួលដោយបង្កើនការឃ្លាំមើលលើគម្រោងកិច្ចសហប្រតិបត្តិការវិនិយោគ និងជំនួយដើម្បីបម្រើដល់ការអភិវឌ្ឍសេដ្ឋកិច្ច-សង្គមរបស់ប្រទេសទាំងពីរ។ រដ្ឋសភានៃប្រទេសទាំងពីរបានរួមជាមួយស្ថាប័នពាក់ព័ន្ធសម្របសម្រួលយ៉ាងល្អដើម្បីរៀបចំបណ្តាសកម្មភាពអបអរសាទរខួបលើកទី ៦០ នៃការបង្កើតទំនាក់ទំនងការទូត និងរយៈពេល ៤៥ ឆ្នាំនៃការចុះហត្ថលេខាលើសន្ធិសញ្ញាមិត្តភាពវៀតណាម - ឡាវ, ឡាវ - វៀតណាមនៅឆ្នាំ ២០២២។

តាមរយៈសកម្មភាពទាំងនេះ ចូលរួមចំណែកឃោសនានិងអប់រំយ៉ាងជ្រាលជ្រៅ អំពីប្រពៃណីនៃទំនាក់ទំនងពិសេសរវាងវៀតណាមនិងឡាវ សម្រាប់ប្រជាជននៃប្រទេសទាំងពីរ ជាពិសេសសម្រាប់យុវជនជំនាន់ក្រោយ៕

ហេង វុធ្ធី

Baonhandan

ព័ត៌មានថ្មីៗ

លោកអគ្គលេខាបក្ស Nguyen Phu Trong អញ្ជើញជួបសន្ទនាតាមទូរស័ព្ទជាមួយលេខាទី ១ នៃបក្សកុម្មុយនិស្តគុយបា
រដ្ឋមន្រ្តីការពារជាតិសហរដ្ឋអាមេរិកធ្វើទស្សនកិច្ចផ្លូវការនៅវៀតណាម
រដ្ឋសភាវៀតណាម៖ សញ្ញាសម្គាល់នៃការសម្រេចចិត្តស្របតាមបំណងប្រាថ្នារបស់ប្រជាជន
ប្រធានតំណាង UNESCO ប្រចាំវៀតណាម៖ វៀតណាមជាសមាជិកសកម្មនិងដើរតួនាទីយ៉ាងសំខាន់ក្នុង UNESCO
ទីភ្នាក់ងារសារព័ត៌មាន Sputnik (រុស្ស៊ី)៖ “ផឹកទឹកនឹកដល់ប្រភព” គឺជាប្រពៃណីដ៏ល្អប្រពៃរបស់ប្រជាជនវៀតណាម