នាព្រឹកថ្ងៃទី ១២ ឧសភា នៅទីក្រុងហាណូយក្រសួងនគរបាលបានរៀបចំសន្និសីទទូទាំងប្រទេសតាមប្រព័ន្ធវីដេអូស្ដីពីការធានាសន្តិសុខ និងសណ្ដាប់ធ្នាប់នៃថ្ងៃបោះឆ្នោតសមាជិក សមាជិការរដ្ឋសភានីតិកាលទី ១៥ និងតំណាងក្រុមប្រឹក្សាប្រជាជនគ្រប់ជាន់ថ្នាក់អាណត្តិ ២០២១ -២០២៦ ។
 លោកនាយករដ្ឋមន្រ្តី Pham Minh Chinh អញ្ជើញដឹកនាំកិច្ចប្រជុំអចិន្ត្រៃយ៍របស់រដ្ឋាភិបាលស្តីពីការងាររៀបចំការបោះឆ្នោត |
 ការឃោសនាអំពីការបោះឆ្នោតសមាជិកសភាវៀតណាមនីតិកាលទី ១៥ ត្រូវបានរៀបចំតាមរយៈវិធីជាច្រើន |
 |
| ប្រធានរដ្ឋសភាលោក Vuong Dinh Hue។ (រូបថត៖ VGP) |
ប្រធានរដ្ឋសភា និងជាប្រធានក្រុមប្រឹក្សាជាតិរៀបចំការបោះឆ្នោតលោក Vuong Dinh Hue បានចូលរួមនិងដឹកនាំសន្និសីទនេះ។ ដោយវាយតម្លៃខ្ពស់ចំពោះការត្រៀមរៀបចំយ៉ាងម្ចាស់ការរបស់កម្លាំងនគរបាលប្រជាជនទាំងមូល និងបណ្ដាកងកម្លាំងក្នុងការធានាសន្តិសុខ សណ្ដាប់ធ្នាប់ និងសុវត្ថិភាពសម្រាប់ថ្ងៃបោះឆ្នោតនោះ លោកប្រធានរដ្ឋសភា Vuong Dinh Hue បានលើក សំណើរថា៖ “ពង្រឹងការធានាសន្តិសុខ និងសណ្ដាប់ធ្នាប់លើគ្រប់វិស័យ ដោយផ្ដោតសំខាន់លើការធានាសន្តិសុខ នយោបាយផ្ទៃក្នុង សន្តិសុខសង្គម សន្តិសុខក្នុងភូមិសាស្ត្រយុទ្ធសាស្រ្តដ៏សំខាន់ៗ និងសន្តិសុខតាមព្រំដែន។ ជំរុញការបង្ក្រាបបទល្មើស ជាពិសេស បទល្មើស ព្រហ្មទណ្ឌ គ្រឿងញៀន និង បទល្មើស បច្ចេកវិទ្យាខ្ពស់។ មិនអនុញ្ញាតឱ្យអនុភាពអមិត្ត ប្រតិកិរិយាបង្កអសន្តិសុខ សណ្ដាប់ធ្នាប់ដោយប៉ះពាល់ដល់ដំណើរការបោះឆ្នោតឡើយ។ ទន្ទឹមនឹងនេះប្រមូលផ្តុំកម្លាំងរបស់ប្រព័ន្ធនយោបាយ និងប្រជាជនទាំងមូល ពង្រីកតួនាទីជាស្នូលរបស់កងកម្លាំងប្រដាប់អាវុធប្រជាជនក្នុងកិច្ចការពារថ្ងៃបោះឆ្នោតផងដែរ”៕
មតិពីមិត្តអ្នកអាន