ជំរុញកិច្ចសហប្រតិបត្តិការការពារជាតិរវាងវៀតណាមនិងឡាវ កម្ពុជា និងសហព័ន្ធរុស្ស៊ី

វៀតណាម - កម្ពុជាសាមគ្គីគ្នាដើម្បីប្រយុទ្ធប្រឆាំងនឹងជំងឺរាតត្បាត សកលកូវីដ - ១៩

VUFO និងសមាគមមិត្តភាពវៀតណាម - កម្ពុជា បានជូនពរចូលឆ្នាំថ្មីប្រពៃណីជាតិខ្មែរ

ឯកអគ្គរដ្ឋទូតវិសាមញ្ញ និងពេញសមត្ថភាពប្រទេសឡាវប្រចាំនៅប្រទេសវៀតណាម លោក Sengphet Houngbuongnuang ជូនផ្កាលោករដ្ឋមន្រ្តីក្រសួងការពារប្រទេស Phan Van Giang។​ (រូបថត៖ QĐND)

នៅក្នុងជំនួបជាមួយឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេសឡាវប្រចាំនៅប្រទេសវៀតណាម លោក Sengphet Houngbuongnuang រដ្ឋមន្ត្រីក្រសួងការពារប្រទេស Phan Van Giang បានប្រសិទ្ធិពរជូន ឯកអគ្គរដ្ឋទូត រួមទាំងក្រុមគ្រួសារ និងបុគ្គលិកស្ថានទូតទាំងអស់ឱ្យមានសុខភាពល្អ សុភមង្គល និងវិបុលភាពក្នុងឱកាសបុណ្យចូលឆ្នាំថ្មីប្រពៃណីឡាវ។

រដ្ឋមន្រ្តីក្រសួងការពារប្រទេស Phan Van Giang បានបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ ចំណងមិត្តភាពដ៏អស្ចារ្យ សាមគ្គីភាពពិសេស កិច្ចសហប្រតិបត្តិការគ្រប់ជ្រុងជ្រោយរវាងបក្សទាំងពីរ រដ្ឋ និងកងទ័ពនៃប្រទេសទាំងពីរ វៀតណាម - ឡាវ ត្រូវបានពង្រឹង និងពង្រីកដោយឥតឈប់ឈរ និងអភិវឌ្ឍលើវិស័យជាច្រើន។

លោកឯកអគ្គរដ្ឋទូត Sengphet Houngbuongnuang បានអបអរសាទរចំពោះលោកឧត្តមសេនីយ៍ឯក Phan Van Giang ដែលត្រូវបានរដ្ឋសភានៃសាធារណរដ្ឋសង្គមនិយមវៀតណាម ផ្តល់សច្ចាប័នលើការជ្រើសតាំងជារដ្ឋមន្រ្តីក្រសួងការពារប្រទេសវៀតណាម។ លោកឯកអគ្គរដ្ឋទូតជឿជាក់ថា ក្នុងតួនាទីថ្មី លោករដ្ឋមន្រ្តីនឹងបន្តចូលរួមវិភាគទានក្នុងការពង្រឹង និងពង្រីកចំណងមិត្តភាពដ៏អស្ចារ្យ សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយរវាងបក្ស រដ្ឋ និងកងទ័ពនៃប្រទេសទាំងពីរ។

ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាប្រចាំនៅប្រទេសវៀតណាម លោក ចាយ ណាវុធ ជូនផ្កា លោករដ្ឋមន្រ្តីក្រសួងការពារប្រទេស Phan Van Giang។ (រូបថត៖ QĐND)

នៅក្នុងជំនួបជាមួយឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាប្រចាំនៅប្រទេសវៀតណាម លោក ចាយ ណាវុធ ក្នុងឱកាសបុណ្យចូលឆ្នាំថ្មីប្រពៃណីជាតិកម្ពុជា លោករដ្ឋមន្រ្តីក្រសួងការពារប្រទេស Phan Van Giang បានប្រសិទ្ធិពរជូនដល់ឯកអគ្គរាជទូត និងក្រុមគ្រួសារឱ្យមានសុខភាពល្អ និងសុភមង្គល ព្រមទាំងសម្រេចបានភារកិច្ចទាំងអស់ប្រកបដោយជោគជ័យ ចូលរួមវិភាគទានជាវិជ្ជមានដល់ការជំរុញ និងការអភិវឌ្ឍកិច្ចសហប្រតិបត្តិការលើគ្រប់ជ្រុងជ្រោយរវាងប្រទេសទាំងពីរ។ រដ្ឋមន្រ្តីក្រសួងការពារប្រទេស Phan Van Giang បានចែករំលែកនូវការលំបាក និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់រដ្ឋាភិបាល កងទ័ព និងប្រជាជនកម្ពុជា ក្នុងការការពារ និងប្រយុទ្ធប្រឆាំងនឹងការរីករាលដាលនៃ Covid-19។

លោកឯកអគ្គរាជទូត ចាយ ណាវុធ ជឿជាក់ថា ក្នុងនាមជារដ្ឋមន្រ្តីក្រសួងការពារប្រទេស លោកឧត្តមសេនីយ៍ឯក Phan Van Giang បន្តចូលរួមចំណែកក្នុងការពង្រឹង និងពង្រីកទំនាក់ទំនងអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងប្រកបដោយចីរភាពរវាងវៀតណាម - កម្ពុជា ដើម្បីនាំមកនូវផលប្រយោជន៍ជាក់ស្តែងដល់ភាគីទាំងពីរ។ ។

នៅក្នុងជំនួបនេះ ភាគីទាំងពីរបានវាយតម្លៃខ្ពស់ចំពោះទំនាក់ទំនងការពារជាតិ វៀតណាម - កម្ពុជា ដោយបញ្ជាក់ថា នេះគឺជាសសរស្តម្ភមួយក្នុងចំណោមសសរស្តម្ភក្នុងទំនាក់ទំនងរវាងប្រទេសទាំងពីរ។ នាពេលខាងមុខ ភាគីទាំងពីរគួរតែផ្តោតការយកចិត្តទុកដាក់លើការផ្លាស់ប្តូរគណៈប្រតិភូគ្រប់ជាន់ថ្នាក់ ជាពិសេសនៅកម្រិតខ្ពស់ដើម្បីផ្លាស់ប្តូរបញ្ហាយុទ្ធសាស្រ្តដែលមានមានការយកចិត្តទុកដាក់ដូចគ្នា ជំរុញកិច្ចសហប្រតិបត្តិការលើគ្រប់វិស័យជាពិសេសលើវិស័យការពារជាតិ - យោធា ដើម្បីបង្កើនតួនាទី និងកិត្យានុភាពនៃទំនាក់ទំនងការពារជាតិក្នុងទំនាក់ទំនងជារួមនៃប្រទេសទាំងពីរ។

រដ្ឋមន្រ្តីក្រសួងការពារប្រទេស Phan Van Giang ជូនវត្ថុអនុស្សាវរីយ៍ ឯកអគ្គរដ្ឋទូតវិសាមញ្ញ និងពេញសមត្ថភាពនៃសហព័ន្ធរុស្ស៊ីប្រចាំនៅប្រទេសវៀតណាម លោក Konstantin Vnukov។​ (រូបថត៖ QĐND)

នៅក្នុងជំនួបជាមួយឯកអគ្គរដ្ឋទូតវិសាមញ្ញ និងពេញសមត្ថភាពនៃសហព័ន្ធរុស្ស៊ីប្រចាំនៅប្រទេសវៀតណាម លោក Konstantin Vnukov រដ្ឋមន្រ្តីក្រសួងការពារប្រទេស Phan Van Giang បានអះអាងថា វៀតណាមជានិច្ចកាលយកចិត្តទុកដាក់យ៉ាងខ្លាំងលើទំនាក់ទំនងប្រពៃណីជាមួយសហព័ន្ធរុស្ស៊ី ហើយប្រឹងប្រែងអស់ពីសមត្ថភាពដើម្បីការពារ និងថែរក្សាភាពជាដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ រួមមានទំនាក់ទំនងការពារជាតិ និងកិច្ចសហប្រតិបត្តិការបច្ចេកទេស - យោធា រវាងប្រទេសទាំងពីរ។

លោក​រដ្ឋមន្រ្តីក្រសួងការពារប្រទេស Phan Van Giang បានថ្លែងអំណរគុណចំពោះការដែលប្រធានាធិបតីសហព័ន្ធរុស្ស៊ី លោក Vladimir Putin បានចុះហត្ថលេខាលើក្រឹត្យមួយដែលប្រគល់គ្រឿងឥស្សរិយយសមិត្តភាពថ្នាក់រដ្ឋនៃសហព័ន្ធរុស្ស៊ីជូនថ្នាក់ដឹកនាំក្រសួងការពារប្រទេសវៀតណាម លោក​រដ្ឋមន្រ្តីក្រសួងការពារប្រទេស Phan Van Giang បានមានប្រសាសន៍ថា ប្រទេសវៀតណាមក៏កំពុងបំពេញនីតិវិធីដើម្បីជូនគ្រឿងឥស្សរិយយសមិត្តភាពដល់ថ្នាក់ដឹកនាំក្រសួងការពារជាតិនៃសហព័ន្ធរុស្ស៊ី ហើយនឹងរៀបចំការជូនគ្រឿងឥស្សរិយយសមិត្តភាពក្នុងឱកាសនៃបណ្តាដំណើរទស្សនកិច្ចជាន់ខ្ពស់នៅឆ្នាំ ២០២១ ផងដែរ។

នៅក្នុងជំនួបនេះ ភាគីទាំងពីរបានវាយតម្លៃខ្ពស់ចំពោះទំនាក់ទំនងមិត្តភាពជាប្រពៃណីរវាងវៀតណាមនិងសហភាពសូវៀត / សហព័ន្ធរុស្ស៊ី ក្នុងរយៈពេលជាង ៧០ ឆ្នាំកន្លងមក។ ភាគីទាំងពីរបានបញ្ជាក់ថា ផ្អែកលើទំនាក់ទំនងដែលជំនាន់ថ្នាក់ដឹកនាំ និងប្រជាជននៃប្រទេសទាំងពីរបានរួមគ្នាដាំដុះរក្សា និងបង្កើតឡើងនោះ ភាគីទាំងពីរនឹងបន្តពូនជ្រំទំនាក់ទំនងជាប្រពៃណី ភាពជាដៃគូយុទ្ធសាស្រ្តគ្រប់ជ្រុងជ្រោយជារៀងរហូត។

យោងតាមកាសែតកងទ័ពប្រជាជន