យុគសម័យ - ក្នុងឱកាសបុណ្យចូលឆ្នាំថ្មីប្រពៃណីជាតិកម្ពុជា នារសៀលថ្ងៃទី ៨ ខែមេសា ប្រធានសម្ព័ន្ធអង្គការមិត្តភាពវៀតណាម (VUFO) លោកជំទាវ Nguyen Phuong Nga បានដឹកនាំគណៈប្រតិភូ នៃVUFO និងសមាគមមិត្តភាពវៀតណាម - កម្ពុជា អញ្ជើញមកជូនពរចូលឆ្នាំថ្មីនៅស្ថានទូតកម្ពុជាប្រចាំវៀតណាម។
 អនុរដ្ឋមន្រ្តីក្រសួងការបរទេស លោក Nguyen Quoc Dung បានជូនពរចូលឆ្នាំថ្មីប្រពៃណីជាតិខ្មែរ |
 ស្ថានទូតឡាវប្រចាំនៅវៀតណាម VUFO និងសមាគមមិត្តភាពវៀតណាម - ឡាវអញ្ជើគមកទស្សនាបញ្ជាការដ្ឋានទីក្រុងហាណូយ |
 |
| ក្នុងឱកាសបុណ្យចូលឆ្នាំថ្មីប្រពៃណីជាតិកម្ពុជា នារសៀលថ្ងៃទី ៨ ខែមេសា ប្រធានសម្ព័ន្ធអង្គការមិត្តភាពវៀតណាម (VUFO) លោកជំទាវ Nguyen Phuong Nga បានដឹកនាំគណៈប្រតិភូ នៃVUFO និងសមាគមមិត្តភាពវៀតណាម - កម្ពុជា អញ្ជើញមកជូនពរចូលឆ្នាំថ្មីនៅស្ថានទូតកម្ពុជាប្រចាំវៀតណាម។ |
តាងនាមនៃ VUFO និងសមាគមមិត្តភាពវៀតណាម - កម្ពុជា លោកជំទាវ Nguyen Phuong Nga និងឯកឧត្តម Vu Vuong Viet បានជូនពរលោកឯកអគ្គរាជទូត ចាយ ណាវុធ និងភរិយា រួមជាមួយមន្រ្តី និងបុគ្គលិកទាំងអស់នៃស្ថានទូតកម្ពុជាប្រចាំប្រទេសវៀតណាម និងក្រុមគ្រួសារសូមឲ្យមានសុខភាពល្អបរិបូរ មានសុភមង្គល និងទទួលបានជោគជ័យក្នុងឆ្នាំថ្មី។
លោកឯកអគ្គរាជទូត ចាយ ណាវុធ បានអបអរសាទរចំពោះជោគជ័យនៃមហាសន្និបាតលើកទី ១៣ របស់បក្សកុម្មុយនីស្តវៀតណាម ព្រមទាំងវាយតំលៃខ្ពស់ចំពោះសមិទ្ធិផលគួរអោយចាប់អារម្មណ៍ដែលវៀតណាមទទួលបានក្នុងប៉ុន្មានឆ្នាំកន្លងមកក្នុងការអភិវឌ្ឍន៍សេដ្ឋកិច្ចសង្គម ការធ្វើសមាហរណកម្មអន្តរជាតិ ក៏ដូចជាការឆ្លើយតបទៅនឹងការរីករាលដាលនៃជំងឺ Covid-19 ។
 |
| អនុប្រធានអចិន្ត្រៃយ៍សមាគមមិត្តភាពវៀតណាម - វៀតណាមឯកឧត្តម Vu Vuong Viet (អាវពណ៌ស) ប្រគល់សៀវភៅជូនឯកឧត្តម ឯកអគ្គរាជទូត ចាយ ណាវុធ។ |
លោកជំទាវ Nguyen Phuong Nga បានអះអាងថាបក្ស រដ្ឋ និងប្រជាជនវៀតណាមជានិច្ចកាលយកចិត្តទុកដាក់ និងមានបំណងចង់ពង្រឹងទំនាក់ទំនងជិតខាងល្អ មិត្តភាពជាប្រពៃណី និងកិច្ចសហប្រតិបត្តិការគ្រប់ជ្រុងជ្រោយរវាងប្រទេសទាំងពីរ។ ទន្ទឹមនឹងនេះ លោកបានបង្ហាញនូវទំនុកចិត្តថាក្រោមការគ្រប់គ្រងរបស់ព្រះមហាក្សត្រ នរោត្តម សីហមុនី ការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន ប្រទេសកម្ពុជានឹងប្រយុទ្ធប្រឆាំងដោយជោគជ័យនូវការឆ្លងរីករាលដាលនៃ Covid-19 និងមានការងើបឡើងវិញយ៉ាងខ្លាំងក្លា។
ភាគីទាំងពីរបានអះអាងថានឹងបន្តរក្សាការផ្លាស់ប្តូរគណៈប្រតិភូជាន់ខ្ពស់ និងយន្តការកិច្ចសហប្រតិបត្តិការសមស្រប និងជំរុញកិច្ចសហប្រតិបត្តិការលើគ្រប់វិស័យ... ដើម្បីពង្រឹងថែមទៀតនូវទំនាក់ទំនងអ្នកជិតខាងដ៏ល្អ មិត្តភាពជាប្រពៃណី និងកិច្ចសហប្រតិបត្តិការគ្រប់ជ្រុងជ្រោយរវាងវៀតណាម និងកម្ពុជា៕
| ចូលឆ្នាំខ្មែរ (សំស្ក្រឹត: សង្ក្រាន្តខ្មែរ) (អង់គ្លេស: Khmer New Year) គឺជាថ្ងៃចូលឆ្នាំថ្មី ប្រពៃណីជាតិ របស់ប្រជាជនខ្មែរ ដែលកំណត់យក ថ្ងៃទី ១៣ ឬ ១៤ ខែមេសា ជារៀងរាល់ឆ្នាំ ។ នៅក្នុងភាសា សំស្ក្រឹត ពាក្យចូលឆ្នាំថ្មី មានន័យថា សង្ក្រាន្ត (អង់គ្លេស: Songkrant) ដំណើរឃ្លាតចាកទី, ការឈានចូលដល់, ដំណើរដែលព្រះអាទិត្យចរណ៍ចូលដល់ទីមួយជុំរាសីចក្រ គឺដំណើរដែលដើមនិងចុងនៃរាសីចក្រជួបគ្នា ពេញគម្របជាមួយឆ្នាំ (ដំណើរដាច់ឆ្នាំចាស់ផ្លាស់ឆ្នាំថ្មី) នៃពិធីចូលឆ្នាំថ្មី ។ នៅក្នុងពិធីបុណ្យចូលឆ្នាំខ្មែរ ដែលគេកំណត់យកជាថ្ងៃឈប់សំរាក ជួបជុំគ្រួសារ នៅតាមតំបន់ផ្សេងៗ នៅក្នុងប្រទេសកម្ពុជា ដែលសម្រេចប្រមូលភោគផល នៃដំណាំកសិកម្មរបស់ប្រជាជនខ្មែរ ដែលពួកគេហត់នឿយ អស់ពេលពេញមួយឆ្នាំ ។ ចូលឆ្នាំខ្មែរ ស្របគ្នាជាមួយឆ្នាំថ្មីនៃ ប្រទេសមួយចំនួន ដែលប្រារព្ធថ្ងៃចូលឆ្នាំថ្មីរបស់ខ្លួន ក្នុងអំឡុងពេល ពាក់កណ្ដាលខែមេសា ដូចគ្នា មានដូចជា៖ ចូលឆ្នាំថ្មីតាមិល (អង់គ្លេស: Tamil New Year) ផ្នែកខាងត្បូង ប្រទេសឥណ្ឌា និងប្រទេសផ្សេងៗទៀតដូចជា៖ នេប៉ាល់ បង់ក្លាដេស ឡាវ ថៃ និង ចូលឆ្នាំថ្មី ប្រជាជនតៃ ក្នងតំបន់ខេត្តយូណានប្រទេសចិន ។ ចូលឆ្នាំខ្មែរ ក៏មានរឿងព្រេងនិទានទាក់ទងផងដែរ ដែលជាការនិពន្ធពីជនជាតិខ្មែរផ្ទាល់ក្នុងការផ្សារភ្ជាប់ទៅនិងពុទ្ធសាសនា ដែលនិពន្ធនៅឆ្នាំ ១៩៤៧ និពន្ធដោយលោកឧកញ៉ា ហោរា ធិបតី ញឹមប៉ែន នៃព្រះរាជបណ្ណាល័យជាតិខ្មែរ ដែលបានចុះផ្សាយពីរឿងព្រេងទេវៈកថានេះ ក្នុងសៀវភៅ "ប្រតិទិនកម្ពុជា" ឆ្នាំទី១ នៃសូរិយាត្រីឡើងស័ក ដែលនិយាយពីការភ្នាល់ប្រស្នា ៣ខ រវាងអទិទេព មហាព្រហ្ម (មុខបួន) ជាមួយនិង ធម្មបាលកុមារ ជាអវតា របស់ ព្រះឥន្ទ្រ ដែលនាំយកលទ្ធិវេទ (អង់គ្លេស: Vedas ទៅគោរពបូជា សាសនាព្រះពុទ្ធ វិញ ។ |
thoidai.com.vn
មតិពីមិត្តអ្នកអាន